A Coordinadora Galega de ENDL convida a todos os centros educativos non universitarios a festexar o IV Día da Ciencia en Galego participando nas dúas videoconferencias que se desenvolverán o 12 de novembro de 2013. O investigador da USC Jorge Mira Pérez dirixirase ao alumnado de secundaria nun relatorio que leva por título “Cómo pensaban na Grecia clásica!”. Pola súa parte, a tamén investigadora da USC, Marilar Aleixandre, será a encargada de dar o relatorio “Benqueridos insectos”, dirixido ao alumnado de 3º ciclo (5º e 6º) de Primaria.
Para consultar o programa completo desta iniciativa, preme aquí.