O Concello de Xove está a desenvolver unha campaña de dinamización lingüística no ámbito do comercio local que ten como obxectivo reforzar o uso do galego nas comunicacións comerciais e, ao tempo, promover o pequeno comercio de ámbito local. No marco desta iniciativa deseñáronse dúas accións: un curso de paquetería para os traballadores/as do sector comercial e un servizo de asesoramento ás empresas para galeguizar a súa documentación. O resultado é que todos os comercios do municipio están a empregar nos paquetes da campaña de Nadal un único papel de embalaxe, fornecido polo Concello, con mensaxes como “Xove”, “comercio local”, “agasallos” e “en galego enténdote”.
Para ampliar esta nova, preme aquí.