O Servizo de Normalización Lingüística da Mancomunidade de Ordes presenta a campaña de dinamización lingüística “En galego, o mellor sabor”, que desenvolverá en colaboración cos concellos de Ordes, Frades, Oroso, Cerceda, Tordoia e Trazo. O obxectivo é promover o sector da hostalaría nesta comarca e fomentar o uso do galego neste ámbito. A principal acción consistirá na corrección ou tradución ao galego das cartas ou menús, un servizo que lles ofrecerá o SNL da Mancomunidade a todos os establecementos que se adhiran á iniciativa.