O Concello de Ferrol publica as bases da vixésima edición deste certame de carácter bianual que ten como obxectivo promover a creación literaria e a investigación lingüística. O certame ten dúas modalidades: o “Premio de investigación lingüística ou ensaio” e o “Premio de creación literaria (narración curta)”. O xurado outorgará un premio de 3.700 euros para o/a gañador/a de cada unha das modalidades.
O prazo para entregar os orixinais é do 16 de abril ao 16 de xuño de 2014.