A asociación Queremos Galego Marín presenta o seu programa de actividades para conmemorar este ano o Día das Letras Galegas, que inclúe tres actividades vinculadas á lingua e ao mundo da ilustración. Trátase en concreto dunha exposición das Letras Galegas, que poderá visitarse entre os días 16 e 23 de maio no Museo Manuel Torres, e dúas presentacións de libros: Coa lingua na terra (Toxosoutos), de Héitor Picallo; e O Bichero. Menú do día, de Luis Davila.