O Consello da Cultura Galega (CCG) organiza o seminario “Estudos Galegos / Estudos Ibéricos Alén das Fronteiras”, que terá lugar os días 17, 18 e 19 de decembro de 2014 na sede do CCG, en Santiago de Compostela. O obxectivo do seminario é reflexionar sobre as modalidades de promoción, difusión e articulación dos Estudos Galegos/Estudos Ibéricos nos ámbitos académicos internacionais. O número de prazas está limitado a 30 persoas. Terán preferencia aquelas persoas relacionadas coa proxección internacional da lingua e cultura galegas.