O Servizo de Normalización Lingüística do Concello de Vigo organiza unha nova edición do Curso de auga salgada "Chegou o mar á ribeira", que ten como obxectivo achegarse á lingua galega (léxico, fraseoloxía, toponimia…) empregando como fío condutor a auga salgada. As sesións desenvolverase os días 19, 24, 25 e 26 de febreiro; e 3, 5, 10 e 12 de marzo de 2015 no Centro de Visitantes do Parque Nacional das Illas Atlánticas. A inscrición é de balde e todas as persoas interesadas poden facela enviando os seus datos (nome, apelidos, DNI e teléfono) a actividades.snl@vigo.org.