O Servizo de Normalización Lingüística e a Comisión de Normalización Lingüística da Facultade de Dereito da Universidade de Santiago presentan o glosario Termos esenciais de dereito mercantil, autoría de Miriam Martínez e Xusto Rodríguez. A obra recolle 1218 conceptos en galego xunto coas súas correspondencias en castelán. Trátase do sexto volume da colección de glosarios centrada no vocabulario básico do dereito que edita a USC e que podes consultar no andel de traballos terminolóxicos do seu Servizo de Normalización Lingüística.