A Biblioteca Ánxel Casal de Santiago de Compostela acolleu onte, 28 de abril de 2015 , a inauguración da exposición “Xosé Filgueira Valverde (1906-1996). Un faro na construción de Galicia”, que percorrerá 13 concellos galegos ata final de ano para conmemorar o autor homenaxeado no Día das Letras Galegas 2015. Ademais, elaborouse unha versión ampliada desta exposición, que pode visitarse de xeito permanente ata o 24 de maio na sede do Museo de Pontevedra. Podes ampliar esta nova premendo aquí.