O Servizo de Normalización Lingüística do Concello de Vigo e a Asociación de Comerciantes e Empresarios do Calvario (ACECA) organizan a iniciativa “Un trasno no barrio”, unha xincana lingüística que se desenvolverá entre o 1 e o 18 de decembro de 2015 polos comercios do barrio vigués do Calvario. O xogo, dirixido a nenas e nenos de entre 6 e 12 anos, consistirá en resolver os enigmas seguindo as pistas que se atopan nos establecementos participantes, ata completar todas as respostas. As papeletas coas respostas deben entregarse na ACECA. Entre as papeletas ben cubertas sortearase unha tableta. Para ampliar información, preme aquí.