A Rede Panlatina de Terminoloxía (Realiter) está a organizar a duodécima edición da súa Xornada Científica, que nesta ocasión terá como tema principal “Terminoloxía e normalización”. As sesións terán lugar os días 9 e 10 de xuño de 2016 en Santiago de Compostela. Realiter está a facer unha chamada de traballos para que todas as persoas que desexen participar nesta xornada poidan presentar a súa proposta de relatorio. As propostas (arredor de 400 palabras), redactadas nalgunha das linguas oficiais da rede, deberán enviarse á Secretaría de Realiter (realiter@unicatt.it) en formato pdf ou doc ata o 15 de marzo de 2016 (prorrogado ata o 31 dese mesmo mes). Para ampliar esta información, preme aquí.