Xa están dispoñibles en Internet os 31 vídeos subtitulados ao galego que se presentaron ao concurso #TEDSaúde, que convocou o pasado mes de marzo a Comisión de Normalización Lingüística da Facultade de Enfermaría da USC. O vídeos gañadores foron “Videoxogos e cerebro”, tradución de Socorro Rodríguez, na modalidade A (membros da comunidade universitaria da USC); e “A linguaxe corporal determina quen somos”, tradución de Ana Rozados, na modalidade B (público xeral). Podes ver todos os vídeos presentados no web do Servizo de Normalización Lingüística da USC.