A Asociación Cultural O Brado, da Estrada, fixo públicos os galardoados dos XXVI Premios San Martiño de Normalización Lingüística, convocados anualmente para premiar a persoas e colectivos que destacan polo seu labor de promoción do idioma galego. Os premiados nesta edición son o párroco Jesús Mayo Brenlla, na categoría “A Estrada e Comarca de Tabeirós-Terra de Montes”; a Compañía Viravolta Títeres, na categoría “Galicia enteira”; e o escritor Salvador García-Bodaño, na categoría “Toda unha vida”. Os galardóns serán entregados nun acto público que terá lugar o 1 de decembro no Teatro Principal da Estrada.