A Universidade de Santiago de Compostela convoca o I Premio “Luís Porteiro Garea”, co obxectivo de recoñecer publicamente o traballo de persoas, entidades ou colectivos a prol do uso do galego na universidade. O premio, que ten carácter de distinción pública e consistirá nun elemento artístico, entregarase nun acto público o vindeiro 15 de setembro de 2017, coincidindo co aniversario da primeira lección en galego pronunciada en 1915 polo profesor Porteiro Garea. O prazo para presentar as candidaturas remata o 15 de xullo.