O xornalista pontevedrés Carlos Pereiro é o promotor da Revista Morcego, un proxecto xornalístico en galego especializado no mundo dos videoxogos. A revista, accesible en liña, ofrece análises, reportaxes, artigos de opinión e novas de actualidade relacionadas co tema dos videoxogos, un produto cultural moi demandado entre a mocidade, polo que é de especial relevancia que este tipo de contidos estean tamén accesibles na nosa lingua.