O xornal La Voz de Galicia inaugura un curso de galego en liña, deseñado para que o alumnado adquira as competencias lingüísticas necesarias para superar as probas do Celga 3. O curso está estruturado en dez unidades, que permitirán ao/á alumno/a ampliar os seus coñecementos lingüísticos e achegarse á realidade social, cultural, económica e etnográfica de Galicia. A partir de hoxe podes xa acceder aos contidos da primeira unidade, que ten como fío condutor o tema da ciencia.