A Deputación Provincial de Pontevedra publica hoxe as bases de subvencións para a dinamización lingüística nos concellos e outras entidades locais durante o ano 2019. Poden optar a estas axudas os concellos, as agrupacións de concellos ou as entidades locais menores da provincia, ata un máximo de 50.000 habitantes, que conten cun servizo de normalización lingüística, que pretendan crealo ou que, carecendo del, realicen programas de dinamización da lingua galega. O prazo de presentación de solicitudes remata o 8 de febreiro de 2019. Podes consultar o texto completo da convocatoria premendo aquí.