Coincidindo coa celebración das Letras Galegas 2021, as tres universidades galegas presentaron o vídeo "A universidade, un espazo para o galego", realizado co apoio da Xunta de Galicia. Trátase dunha peza audiovisual curta, de 5 minutos de duración, onde o alumnado dos diferentes campus da UDC, a USC e a UVigo conta a súa experiencia lingüística na universidade, reflexiona sobre as eivas e as oportunidades para a normalización da lingua galega neste ámbito e expón as súas razóns para incorporar o galego nos seus usos lingüísticos.