Coincidindo coa conmemoración do Día da Galeguidade Empresarial, o Clúster Tecnolóxico das Ciencias da Vida (BIOGA) asinou un convenio de colaboración coa Consellería de Cultura, Educación e Universidade e o Foro Enrique Peinador en materia de normalización lingüística. BIOGA é unha entidade que agrupa as organizacións integradas na cadea de valor do sector biotecnolóxico con sede en Galicia e, en virtude do convenio asinado, comprométese co uso do galego na comunicación interna, nas relacións empresariais externas cos clientes e nas accións formativas que organice no eido da biotecnoloxía. Para ampliar información, preme aquí.