A Área de Normalización Lingüística da Universidade de Vigo acaba de presentar tres novas guías didácticas, de carácter práctico, elaboradas co obxectivo de divulgar entre o estudantado de ensino secundario o resultado das investigacións desenvolvidas na UVigo. En concreto, presentáronse os seguintes títulos: Para raros os monolingües. Unha pequena introdución ao bilingüismo; E ti, como repartirías? O pouco ben repartido... e Histoloxía para todos. O Atlas histolóxico da Universidade de Vigo. Estas tres guías súmanse ás outras catro obras, presentadas en xaneiro de 2021, coas que se inaugurou a colección.