Sae á luz un novo número de Lingua Viva, boletín de normalización lingüística do Concello de Vigo, con información xeral sobre a planificación e normalización do galego e datos concretos sobre as actividades de dinamización lingüística que se están a desenvolver neste concello.
(Máis información)

Entre as novidades deste número podemos atopar unha reflexión sobre o uso do galego nos xornais desde o século XIX ata os nosos días, unha recensión sobre a obra de David Crystal A morte das linguas, e comentarios sobre diferentes actividades dinamizadoras organizadas polo Departamento de Normalización Lingüística, como por exemplo “Aprender en galego. Obradoiros de pintura e literatura”.


Se desexa consultar Lingua Viva, pode facelo a través do servizo de consulta en sala que lle ofrece o CDSG ou solicitala no Departamento de Normalización Lingüística do Concello de Vigo (tfno. 986 810 281).