A Axencia para a Calidade do Sistema Universitario de Galicia (ACSUG) publica un informe sobre a inserción laboral dos titulados no sistema universitario galego durante o período 1996-2001. Entre as titulacións avaliadas atópase a de Filoloxía Galega.
(Máis información)

O informe achega datos sobre a tipoloxía de empregos que ocupan os titulados, o grao de inserción laboral, a adecuación entre as competencias achegadas pola titulación e as desenvolvidas no emprego ou os desaxustes entre as competencias adquiridas durante os estudos e as realmente necesarias para desenvolver a súa actividade laboral.


Os datos relacionados coa titulación de Filoloxía Galega corresponden aos licenciados pola Universidade de Santiago de Compostela e a Universidade de Vigo, xa que no período estudado non había licenciados desta titulación na Universidade da Coruña.


A ACSUG sinala que os datos referentes ás titulacións presentan un erro estatístico do 15 %, polo que os resultados deben tratarse con cautela.


Se desexa coñecer os datos de inserción laboral dos licenciados en Filoloxía Galega, prema aquí.