As viñetas do ilustrador e humorista gráfico Luis Davila, nas que se representan os prexuízos lingüísticos existentes no ámbito universitario, protagonizan o calendario de 2023 da Área de Normalización Lingüística da Universidade de Vigo. 2000 exemplares en formato físico deste almanaque estarán dispoñibles nas conserxerías das facultades, escolas e centros dos tres campus da UVigo. A maiores, tamén está accesible en formato PDF na páxina web da ANL.
No Diario da Universidade de Vigo podes obter máis información sobre esta iniciativa.