Coincidindo co comezo en Francia da Copa do Mundo de Rugby, o Servizo de Normalización Lingüística (SNL) da Universidade de Santiago convídanos a consultar o Vocabulario panlatino do rugby – linguas romances e éuscaro, unha nova obra lexicográfica na que o SNL colabora ofrecendo as correspondencias léxicas en lingua galega.
O vocabulario está editado pola Delegación xeral para a lingua francesa e as linguas de Francia, en colaboración coa Rede panlatina de terminoloxía (Realiter), e nel atoparás máis de 200 termos relacionado co rugby: regras, técnicas de xogo, faltas, sancións, posicións dos xogadores, equipamento etc.