A Real Academia Galega estrea hoxe, 7 de novembro de 2023, ás 21:00 horas, na súa canle de Youtube a serie documental Irmás na Fala, coa que quere render homenaxe e divulgar a memoria das mulleres que formaron parte das Irmandades da Fala. A serie componse de catro episodios nos que se irá debullando a historia invisibilizada destas 200 irmandiñas, poñendo o foco nas biografías de Micaela Chao Maciñeira, María Miramontes, Elvira Bao, Amparo López Jeán e Emilia Docet.

Irmás na Fala está producida pola Real Academia Galega e realizada por Nós Televisión, co apoio do Concello da Coruña.