O xornal electrónico Vieiros difunde o mapa “Territorios de lingua galega”, o primeiro que recolle todos os territorios (de dentro e de fóra da Galicia administrativa) onde se fala o galego.

O mapa, autoría de Ramón Pais Pazos, presentouse o pasado día 14 de maio no transcurso do IV Banquete de Cacabelos, organizado polo Foro Arrainos con motivo da conmemoración do Día das Letras Galegas.