A partir de hoxe, Johan de Cangas, Meendinho e Martin Codax contan cun espazo propio no Álbum de Galicia, o proxecto do Consello da Cultura Galega que aglutina as biografías das personalidades que contribuíron de maneira significativa á sociedade galega ao longo da súa Historia.

As entradas foron redactadas por Xosé Bieito Arias Freixedo, profesor da Área de Filoloxía Galega e Portuguesa da Universidade de Vigo e membro do grupo de investigación Universo Cantigas da Universidade da Coruña.