A Fundación Galicia Empresa presenta a obra Historia dun compromiso singular, que recolle os dezaoito anos de actividade desta entidade que ten entre os seus obxectivos fundacionais a normalización do uso do galego no ámbito empresarial.

Na Fundación Galicia Empresa están representadas 55 empresas de diferentes sectores do tecido industrial galego (telecomunicacións, industria naval, construción…) que traballan desde 1993 para promover a investigación das características peculiares da empresa galega e mais o uso do idioma galego como marca de compromiso e símbolo de identidade.