A Real Academia Galega e a Fundación Barrié presentan o Portal das Palabras, un novo espazo web deseñado para difundir o léxico galego. O web ofrece diferentes recursos lúdicos e didácticos (vídeos, xogos, actividades educativas...) relacionados co ámbito da lexicografía galega. Así mesmo, incorpora unha versión actualizada do Dicionario da RAG, que agora inclúe un buscador de sinónimos con exemplos de uso, unha listaxe de termos relacionados coa palabra buscada, e a posibilidade de facer procuras avanzadas por lema e contido. Este novo Dicionario conta tamén con versión para móbiles que empreguen os sistemas “IOS” e “Android”.