O Parlamento de Galicia anuncia a convocatoria de oito bolsas formativas de licenciados/as universitarios/as. Dúas delas requiren que os/as solicitantes posúan o grao ou licenciatura universitaria en Tradución e Interpretación, na que a lingua de orixe principal da súa combinación lingüística (1ª lingua ou lingua A1) sexa a lingua galega, ou a licenciatura en Filoloxía Galega. As persoas seleccionadas desenvolverán, neste caso, as tarefas que encomende o Servizo de Publicacións da institución durante doce meses. O prazo de presentación de solicitudes é de quince días naturais, contados a partir do seguinte ao da publicación da convocatoria no Boletín Oficial do Parlamento de Galicia.