O Parlamento galego aprobou onte, 11 de marzo de 2014, por unanimidade a Lei Valentín Paz-Andrade para o aproveitamento da lingua portuguesa e vínculos coa lusofonía. O Goberno galego queda obrigado con esta lei a incorporar progresivamente a aprendizaxe da lingua portuguesa como lingua estranxeira nos centros de ensino de Galicia. Tamén será obxectivo estratéxico do Goberno galego a promoción das relacións cos países de lingua portuguesa. Así mesmo, a Xunta de Galicia favorecerá a reciprocidade de emisións televisivas e radiofónicas entre Galicia e Portugal. Esta lei é o resultado da iniciativa lexislativa popular que en maio de 2013 se presentou no Parlamento galego avalada por 17000 sinaturas.
12/03/2014. LEXISLACIóN
12/03/2014. AXUDAS E PREMIOS
A Unidade Técnica de Normalización Lingüística da Deputación Provincial da Coruña convoca o V Premio “Rosalía de Castro” de Lingua e Cultura, que ten como principais obxectivos manter viva a figura de Rosalía de Castro e recoñecer aquelas iniciativas, persoas ou entidades que traballan a prol da promoción social e dignificación do idioma galego. O prazo para a presentación de candidaturas remata o 30 de abril de 2014.
12/03/2014. AXUDAS E PREMIOS
A Deputación da Coruña publica, no BOP do 12 de marzo de 2014, a resolución da convocatoria de subvencións a concellos e entidades locais da provincia da Coruña para a creación ou mantemento dos servizos lingüísticos durante o ano 2014. A partir desta publicación, os solicitantes teñen un prazo de 10 días hábiles para aceptar ou renunciar a estas axudas. Para consultar o texto completo da resolución, preme aquí.
11/03/2014. DINAMIZACIóN
A Gentalha do Pichel organiza a terceira edición do festival Sementes de música, unha iniciativa deseñada para reivindicar o ensino en galego e conseguir fondos para Escola de Ensino Galego Semente, un proxecto de ensino en galego que fomenta valores como o asemblearismo, a laicidade, o respecto pola natureza e a integración no contorno social. O concerto terá lugar o 16 de marzo, ás 18:00 h, no Auditorio de Galicia (Santiago de Compostela) e contará coas actuacións de Davide Salvado (xunto con Cristian Silva e Santi Cribeiro), Caxade (xunto con Manu Paino e Manuel Espiño) e Sés (con Manolo Maseda).
11/03/2014. OUTRAS
A Secretaría Xeral de Política Lingüística convoca as probas para a obtención dos Celga 1, 2, 3 e 4 que se desenvolverán neste ano 2014. Poderán presentarse a estas probas todas as persoas maiores de 16 anos ou que os cumpran antes de finais do ano 2014. As persoas interesadas teñen de prazo para presentar as súas solicitudes ata o 11 de abril de 2014 (inclusive).
Para consultar o texto completo da convocatoria, preme aquí.
Para consultar o texto completo da convocatoria, preme aquí.
11/03/2014. AXUDAS E PREMIOS
A Consellería de Cultura, Educación e Ordenación Universitaria publica a convocatoria de axudas para o libro galego, tanto no que se refire á tradución para outras linguas de obras publicadas orixinariamente en galego como á tradución para o galego de obras publicadas orixinariamente noutras linguas. O prazo de presentación de solicitudes é de un mes, contado a partir do día seguinte ao da publicación desta convocatoria.
10/03/2014. DINAMIZACIóN
O Servizo de Normalización Lingüística do Concello de Ames convoca unha nova edición deste certame literario que ten como principal obxectivo promover os novos valores da literatura en lingua galega. O certame conta con dúas modalidades (narrativa e poesía) e en cada unha delas estableceranse tres categorías, segundo a idade dos participantes. Os textos, de tema libre, deben ser inéditos e estar escritos en lingua galega. O prazo de presentación de orixinais remata o 19 de abril de 2014. Para consultar as bases completas da convocatoria, preme aquí.
10/03/2014. DINAMIZACIóN
Onda Cero estreou o pasado 3 de marzo a sección musical “Cántamo en galego”, un programa que se emite todos os luns da man de Carlos Pereiro. A iniciativa, promovida polo Servizo de Normalización Lingüística do Concello de Pontevedra, ten como obxectivo promover e difundir a produción musical en lingua galega. Se queres escoitar o programa da estrea, preme aquí.
07/03/2014. AXUDAS E PREMIOS
A Secretaría Xeral de Política Lingüística e a Dirección Xeral de Educación, Formación Profesional e Innovación Educativa convocan axudas para o desenvolvemento de proxectos de innovación en dinamización lingüística en centros educativos públicos. Entre os proxectos presentados seleccionaranse cinco, considerados como excelentes, que recibirán unha dotación económica de 2000 euros. O prazo de presentación de solicitudes remata o 6 de abril de 2014. Para consultar o texto da convocatoria, preme aquí.
07/03/2014. EMPREGO
A Universidade de Santiago de Compostela anuncia a convocatoria pública de contratación de persoal para colaborar en actividades de investigación no Instituto da Lingua Galega. Os tres proxectos para os que se convocan prazas son: Revisión e clasificación de datos para a realización dunha análise dialectométrica da información do Atlas Lingüístico Galego; Mantemento e ampliación do Corpus Oral Informatizado da Lingua Galega; Revisión da base de datos do volume a redactar do Atlas Lingüístico Galego, elaboración, revisión e corrección de mapas, lendas e notas, corrección de probas de imprenta do volume. Os aspirantes deben ser licenciados/as en Filoloxía Galega ou Románica, ou posuír o Grao en Lingua e Literaturas Galegas.
O prazo de presentación de solicitudes remata o 17 de marzo de 2014.
O prazo de presentación de solicitudes remata o 17 de marzo de 2014.
06/03/2014. INVESTIGACIóN
A Fundación Antonio Fraguas convoca a novena edición deste proxecto didáctico, dirixo á comunidade educativa, que ten como obxectivo o desenvolvemento dun programa de investigación no ámbito do patrimonio etnográfico, antropolóxico, lingüístico, xeográfico, histórico e artístico do contorno máis próximo dos centros educativos de Galicia. Establécense dúas modalidades, ensino primario e secundario, e outorgaranse dous premios de 7000 euros para cada proxecto gañador. O prazo para enviar as candidaturas remata o 31 de maio de 2014. Os proxectos galardoados deben desenvolverse no curso académico 2014-2015.
04/03/2014. DINAMIZACIóN
Co gallo da celebración do Día das Letras Galegas 2014, a Consellería de Cultura, Educación e Ordenación Universitaria presentou o documental Xosé María Díaz Castro. Nimbos de Poesía, unha peza audiovisual dirixida por Xulio Xiz en 1987 e que agora se presenta remasterizada como homenaxe ao poeta de Guitiriz. No documental, que fai un percorrido pola vida e obra de Díaz Castro, o propio escritor reflexiona sobre as razóns que o levaron a escoller o galego como lingua de expresión poética.
Para ampliar esta nova, preme aquí.
Para ampliar esta nova, preme aquí.
04/03/2014. CURSOS E CONGRESOS
A Secretaría Xeral de Política Lingüística convoca unha nova edición de cursos en liña preparatorios para a acreditación do Celga 1, dirixidos principalmente a persoas de fóra de Galicia, non galegofalantes ou que carezan de formación en lingua galega. Os cursos desenvolveranse entre o 31 de marzo e o 8 de xuño de 2014 e o prazo de matrícula remata o vindeiro 22 de marzo. Con posterioridade, o 22 de xuño, terán lugar en Santiago de Compostela, Ponferrada, Madrid e Barcelona as probas para obter a acreditación.
28/02/2014. EMPREGO
A Universidade de Vigo convoca catro bolsas de formación na súa Área de Normalización Lingüística (ANL) destinadas á formación complementaria do estudantado, que participará nas actividades de dinamización, formación e planificación lingüística que se desenvolven na ANL.
Os solicitantes deben ser estudantes de Filoloxía Galega, Grao en Estudos de Galego e Español (itinerario lingua galega e española/lingua e literatura galega) ou de Tradución e Interpretación (Lingua A: Galego) da Universidade de Vigo no curso 2013/2014 e ter cursado polo menos a metade dos créditos da titulación.
O prazo de presentación de solicitudes remata o vindeiro 13 de marzo de 2014, ás 14:00 h.
Os solicitantes deben ser estudantes de Filoloxía Galega, Grao en Estudos de Galego e Español (itinerario lingua galega e española/lingua e literatura galega) ou de Tradución e Interpretación (Lingua A: Galego) da Universidade de Vigo no curso 2013/2014 e ter cursado polo menos a metade dos créditos da titulación.
O prazo de presentación de solicitudes remata o vindeiro 13 de marzo de 2014, ás 14:00 h.
27/02/2014. DINAMIZACIóN
A Secretaría Xeral de Política Lingüística (SXPL) presenta a terceira edición de FalaRedes, un programa de actividades lúdicas que ten como obxectivo ampliar a oferta de lecer en galego nos concellos adscritos á Rede de Dinamización Lingüística. O programa inaugúrase con TOC TOC, un espectáculo musical para nenas e nenos de 3 a 10 anos baseado no libro-disco homónimo de Pablo Díaz. O espectáculo percorrerá 20 concellos galegos adscritos á Rede ao longo dos meses de marzo e abril de 2014. En breve, a SXPL publicitará no seu sitio web as restantes actividades que se desenvolverán no marco do FalaRedes 2014.
26/02/2014. DINAMIZACIóN
O Equipo de Dinamización Lingüística da Escola Oficial de Idiomas da Coruña convoca unha nova edición do festival CinEOI Coruña Curtas, que ten como obxectivo promover a creatividade en lingua galega. O certame está dirixido ao alumnado das EOI da Coruña e Santiago, dos conservatorios profesionais de música da Coruña e Ferrol, do IES Manuel Murguía de Arteixo e do IE Vicente Cañada Blanch de Londres. Tamén pode participar o alumnado de 3º ciclo de Primaria, ESO, Bacharelato e FP dos centros públicos e concertados do Concello da Coruña. As curtas, que deben estar en lingua galega e non superar os 10 minutos de duración, poden ser realizadas en calquera medio de gravación (vídeo, cámara dixital, móbil, ipad…). A data límite para enviar os traballos é o 28 de marzo de 2014. O festival terá lugar os días 9 e 10 de abril.
25/02/2014. DINAMIZACIóN
A Asociación Socio-Pedagóxica Galega organiza este concurso, dirixido á comunidade educativa, co obxectivo de normalizar o uso oral do galego e contribuír a que este idioma se converta en instrumento normal de comunicación e creación de historias. Os participantes poderán contar historias en galego, de base popular, de base literaria ou de creación propia.
O prazo de inscrición remata o vindeiro 5 de abril de 2014. A fase final do concurso celebrarase o 24 de abril en Santiago. Para consultar as bases completas do certame, preme aquí.
O prazo de inscrición remata o vindeiro 5 de abril de 2014. A fase final do concurso celebrarase o 24 de abril en Santiago. Para consultar as bases completas do certame, preme aquí.
25/02/2014. OUTRAS
O Servizo de Normalización Lingüística da USC presenta os datos sobre usos lingüísticos na docencia na USC neste curso 2013-2014. En termos xerais, impártense en castelán o 73,94% das horas docentes, en galego o 22,98% e en inglés o 1,59%. O restante 1,12% do horario impártese en francés, portugués, italiano ou alemán.
Segundo o tipo de titulación, nos mestrados é onde máis uso se fai do galego (31,09%). En castelán impártese o 66,40% e en inglés o 1,79% das horas. Nos graos, o uso do castelán é o 74,61%; o do galego, o 21,90% e o do inglés, o 1,69%. Podes ampliar esta información no Cartafol Dixital, publicación de normalización lingüística da USC.
Segundo o tipo de titulación, nos mestrados é onde máis uso se fai do galego (31,09%). En castelán impártese o 66,40% e en inglés o 1,79% das horas. Nos graos, o uso do castelán é o 74,61%; o do galego, o 21,90% e o do inglés, o 1,69%. Podes ampliar esta información no Cartafol Dixital, publicación de normalización lingüística da USC.
25/02/2014. CURSOS E CONGRESOS
A Consellería de Educación e Ordenación Universitaria convoca cursos preparatorios para a consecución dos Celga (niveis 1, 2, 3 e 4), que se impartirán nas escolas oficiais de idiomas de Galicia entre marzo e maio de 2014. Poderán participar nestes cursos todas as persoas maiores de dezaseis anos, ou aquelas que os cumpran neste ano, que o desexen. O prazo para a presentación de solicitudes é de 10 días naturais, contados a partir do día seguinte ao da publicación da convocatoria.
24/02/2014. DINAMIZACIóN
O ámbito cultural galego súmase á proposta da Asociación de Escritores en Lingua Galega de festexar o 24 de febreiro como Día de Rosalía. O acto central da homenaxe tivo lugar onte, 23 de febreiro, no Panteón dos Galegos Ilustres, da man das asociacións O Galo, Solfa e a propia AELG. Hoxe, 24 de febreiro, terá lugar unha ofrenda floral na Alameda de Santiago, organizada pola Fundación Rosalía de Castro e o Concello de Santiago. Pola súa parte, o Consello da Cultura Galega conmemorará esta data coa edición dixital dun epistolario de Rosalía constituído por 16 cartas escritas pola autora.
A cidadanía no seu conxunto está tamén convocada a festexar esta data participando nos diferentes actos que se desenvolverán ao longo do país.
A cidadanía no seu conxunto está tamén convocada a festexar esta data participando nos diferentes actos que se desenvolverán ao longo do país.
21/02/2014. OUTRAS
En novembro de 1999 a UNESCO declarou o 21 de febreiro Día Internacional da Lingua Materna. Dende entón, cada ano conmemórase neste día a riqueza que supón a diversidade lingüística do planeta, con programas e actividades destinadas a preservar esta diversidade e a promover o plurilingüismo. Como é costume, a directora xeral da UNESCO, Irina Bokova, fixo pública a mensaxe institucional de 2014 con motivo desta celebración.
No ámbito de Galicia, a Rede de Dinamización Lingüística da Xunta de Galicia únese a esta celebración programando en Ourense dous pases do espectáculo infantil “Ñam”, da compañía Caramuxo Teatro.
No ámbito de Galicia, a Rede de Dinamización Lingüística da Xunta de Galicia únese a esta celebración programando en Ourense dous pases do espectáculo infantil “Ñam”, da compañía Caramuxo Teatro.
21/02/2014. INVESTIGACIóN
O Instituto da Lingua Galega (ILG) presenta o Tesouro do léxico patrimonial galego e portugués, unha base de datos léxica que achega información contida en traballos de léxico dialectal de galego, portugués de Portugal e portugués do Brasil. Este proxecto foi promovido en 2009 polo ILG e na actualidade colaboran nel 20 universidades de Galicia, Brasil e Portugal. As buscas poden realizarse a partir das formas léxicas (variantes ou lemas), da localización (Galicia, Portugal e Brasil) ou do campo semántico co que se asocian.
20/02/2014. DINAMIZACIóN
O Servizo de Normalización Lingüística do Concello de Redondela presenta a campaña Publicidade redondelá, que ten como obxectivo fomentar o uso do idioma galego na actividade comercial e promover os establecementos que usan o galego como lingua habitual. Unha das principais accións é a difusión en Internet de vídeos publicitarios nos que os propios comerciantes presentan a súa actividade, dan argumentos para traballar en galego e animan a outras empresas para que se sumen a esta iniciativa. O primeiro vídeo co que se inaugura a campaña é Nós ofrecemos. Tamén se aproveitarán as redes sociais como plataforma de difusión dos diferentes establecementos.
19/02/2014. LEXISLACIóN
A Consellería de Cultura, Educación e Ordenación Universitaria publica a Orde do 10 de febreiro de 2014 pola que se desenvolve o Decreto 79/2010, do 20 de maio, para o plurilingüismo no ensino non universitario de Galicia, con relación á exención da materia de lingua galega. O obxecto desta orde é definir os distintos supostos excepcionais e taxados en que o alumnado pode solicitar a exención da materia de lingua galega nos diferentes niveis e etapas do ensino non universitario e regular o procedemento e os prazos para a solicitude da exención.
19/02/2014. LEXISLACIóN
A Consellería de Cultura, Educación e Ordenación Universitaria publica, no DOG do 19 de febreiro de 2014, unha nova orde pola que se modifica a Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega (Celga). O obxectivo desta modificación é adaptar as validacións aos novos currículos e titulacións, así como recoñecer os estudos de lingua galega realizados en centros de ensino no exterior (Instituto Español Vicente Cañada Blanch de Londres e o Colexio Santiago Apóstolo de Bos Aires), recoñecer as certificacións oficiais que expiden as escolas oficiais de idiomas e establecer exencións dalgunhas probas a persoas cunha determinada porcentaxe na súa discapacidade física ou psíquica.
17/02/2014. DINAMIZACIóN
A Consellería de Educación e Cultura presentou o pasado venres, 14 de febreiro de 2014, o programa oficial de actividades deseñado para difundir a obra poética de Xosé María Díaz Castro, autor ao que a Real Academia Galega acordou dedicar este ano o Día das Letras Galegas. O programa, que se inaugurará o vindeiro 19 de febreiro, coincidindo co centenario do nacemento do autor, inclúe un amplo abano de actividades, como exposicións, edicións conmemorativas, roteiros, documentais, actos conmemorativos nos concellos, actividades escolares ou iniciativas de difusión exterior.
Pola súa parte, a Secretaría Xeral de Política Lingüística pon ao dispor da comunidade educativa unha selección de recursos educativos de utilidade para difundir a obra de Díaz Castro no ámbito escolar.
Pola súa parte, a Secretaría Xeral de Política Lingüística pon ao dispor da comunidade educativa unha selección de recursos educativos de utilidade para difundir a obra de Díaz Castro no ámbito escolar.
17/02/2014. OUTRAS
O IES As Fontiñas (Santiago de Compostela) está a desenvolver, en colaboración con outros centros educativos e organismos europeos, o proxecto Eurocatering, un sitio web de aprendizaxe de idiomas dirixido ao estudantado e aos profesionais do ámbito da cociña, a hostalaría e a recepción. O proxecto inclúe léxico profesional e actividades didácticas en alemán, esloveno, español, finés, francés, galego, holandés, inglés, irlandés, italiano, noruegués e polaco, así como información sociocultural de utilidade para traballar nos diferentes países de Europa.
Para ampliar información sobre esta iniciativa, preme aquí.
Para ampliar información sobre esta iniciativa, preme aquí.
14/02/2014. DINAMIZACIóN
O Servizo de Normalización Lingüística do Concello de Pontevedra, en colaboración coa Escola de Xadrez de Pontevedra e a Asociación de Veciños Ponte Muíños, organiza un curso de iniciación ao xadrez, no marco do programa de actividades de dinamización lingüística no ámbito do lecer.
O curso está dirixido a persoas de todas as idades e desenvolverase todos os venres, do 21 de febreiro ao 30 de maio de 2014, no local social de Ponte Muíños. O prazo de inscrición remata o 19 de febreiro.
O curso está dirixido a persoas de todas as idades e desenvolverase todos os venres, do 21 de febreiro ao 30 de maio de 2014, no local social de Ponte Muíños. O prazo de inscrición remata o 19 de febreiro.
13/02/2014. AXUDAS E PREMIOS
A Secretaría Xeral de Medios da Xunta de Galicia publica a convocatoria de subvencións para empresas que editen publicacións periódicas escritas integramente en galego.
O prazo de presentación de solicitudes é dun mes, contado a partir do día seguinte ao da publicación da convocatoria.
O prazo de presentación de solicitudes é dun mes, contado a partir do día seguinte ao da publicación da convocatoria.
12/02/2014. DINAMIZACIóN
A Facultade de Matemáticas da USC e a súa Comisión de Normalización Lingüística organizan o concurso Explícoche matemáticas 2.0, co obxectivo de promover o uso do galego como medio de transmisión do coñecemento matemático. O certame está dirixido ao alumnado do Sistema Universitario de Galicia e a estudantes de 3º e 4º de ESO e 1º e 2º de Bacharelato dos centros de educación secundaria de Galicia. Cada participante (ou grupo) debe presentar unha curtametraxe de 2 minutos de duración sobre un tema relacionado coas Matemáticas. O premio para os/as gañadores/as será unha tableta bq Edison 2. O prazo para enviar os proxectos remata o 31 de marzo de 2014. Para consultar as bases completas, preme aquí.