O IES Luís Seoane, de Pontevedra, foi o gañador da fase final da terceira edición do Club de Debate, unha iniciativa promovida por diferentes servizos de normalización lingüística da Administración local co obxectivo de fomentar a fluidez comunicativa en galego, o pensamento crítico e o respecto pola diversidade de opinións entre o alumnado de ensino medio. Logo das diferentes fases locais, nas que participaron 21 equipos de 16 centros de ensino, a fase final galega tivo lugar o pasado sábado, 26 de abril, no Teatro Jofre de Ferrol, onde competiron oito equipos debatendo sobre o enunciado “Pódese vivir en galego”.
28/04/2014. DINAMIZACIóN
28/04/2014. OUTRAS
A Mesa pola Normalización Lingüística aprobou por unanimidade, na asemblea que tivo lugar o pasado 26 de abril de 2014, a única candidatura que se presentou para dirixir esta entidade os vindeiros anos, encabezada polo historiador e xestor cultural Marcos Maceira Eiras. O novo presidente asume así o relevo de Carlos Callón, despois de doce anos como presidente.
25/04/2014. DINAMIZACIóN
Xurdir, coa colaboración da Consellería de Cultura, Educación e Ordenación Universitaria, a través das secretarías xerais de Cultura e de Política Lingüística, organiza a I Carreira Camiño das Letras, que terá lugar o domingo 18 de maio de 2014 co obxectivo de unir a práctica deportiva coa conmemoración do Día das Letras Galegas e co simbolismo do Camiño de Santiago. A carreira constará dunha proba absoluta dende A Lavacolla ata o Monte do Gozo, e dun circuíto para as categorías de menores no Monte do Gozo. Todos os participantes que rematen a proba recibirán un libro e un diploma. A maiores, a organización outorgará diferentes premios aos/ás gañadores/as. O prazo de inscrición remata o 14 de maio, ás 14:00 h.
24/04/2014. EMPREGO
A Consellería de Cultura, Educación e Ordenación Universitaria publica a convocatoria de nove bolsas de formación en diferentes proxectos de investigación que se están a desenvolver no Centro Ramón Piñeiro para a Investigación en Humanidades. Trátase en concreto dos seguintes proxectos: Bibliografía da literatura galega (1 bolsa), Fraseoloxía galega (1 bolsa), Corpus de referencia do galego actual (1 bolsa), Etiquetador/lematizador do galego actual (1 bolsa), Cantigas de Santa María (1 bolsa), Prosa literaria medieval (1 bolsa), Terminoloxía científico-técnica (1 bolsa), Síntese de voz en galego (1 bolsa), Base de datos do ALIR (1 bolsa). O prazo de presentación de solicitudes é dun mes, contado a partir do día seguinte ao da publicación desta convocatoria. (Corrección de erros).
22/04/2014. DINAMIZACIóN
O Departamento de Lingua Galega do Concello de Santiago organiza o II Concurso de proxectos de publicidade comercial en galego, co obxectivo de fomentar o uso do galego na comunicación comercial, asociar a lingua galega a proxectos de modernización e promover as empresas de ámbito local. Para participar cómpre presentar un proxecto orixinal dirixido a publicitar un establecemento comercial, hostaleiro ou empresarial, un grupo formal ou informal de establecementos ou unha asociación do sector que forme parte do tecido socioeconómico compostelán. O prazo de inscrición remata o 15 de xuño de 2014 e o/a gañador/a recibirá un premio en metálico de 5 000 euros.
22/04/2014. CURSOS E CONGRESOS
O Servizo de Normalización Lingüística da Universidade da Coruña, coa colaboración da Secretaría Xeral de Política Lingüística, organiza o VII Curso de Verán de Lingua e Cultura Galegas para Persoas Estranxeiras. O curso conta con dous niveis, elemental (A1-A2) e intermedio (B1-B2), e as sesións desenvolveranse entre os días 7 e 24 de xullo de 2014 na Facultade de Filoloxía da UDC. O prazo de inscrición remata o 9 de maio de 2014.
16/04/2014. DINAMIZACIóN
Co gallo da celebración o vindeiro día 23 de abril do Día do Libro, a Asociación de Escritoras e Escritores en Lingua Galega, a Compañía de Radio Televisión de Galicia e a Asociación Galega do Libro Infantil e Xuvenil presentan a iniciativa #engalegoleo, co ánimo de fomentar a lectura en galego e promover a literatura galega a través das redes sociais. As entidades organizadoras convidan a toda a cidadanía a festexar este día compartindo nas redes sociais as súas recomendacións literarias, co hashtag #engalegoleo.
15/04/2014. DINAMIZACIóN
A Confraría de Estudantes, o Concello de Santiago de Compostela e a Xunta de Galicia presentan a segunda edición da campaña Vive a Paixón, unha iniciativa dirixida á poboación máis nova co obxectivo de que participen en galego nos ritos propios da Semana Santa e compartan as súas experiencias nas redes sociais. No marco desta campaña organízanse os concursos “Paixón curta”, que consisten en gravar unha curta sobre a Semana Santa co móbil e difundila nas redes sociais coa sinopse en galego, e “Imaxes de paixón”, que consiste en fotografar e difundir as imaxes da Semana Santa nas redes sociais. O prazo para subir os traballos á rede remata ás 14:00 h do 21 de abril de 2014.
14/04/2014. AXUDAS E PREMIOS
A Secretaría Xeral de Política Lingüística convoca subvencións destinadas á creación, mantemento ou reforzamento de servizos de normalización lingüística nas entidades locais, así como ao desenvolvemento de proxectos de dinamización lingüística en municipios que carezan de servizo. Poderán acollerse a estas axudas os concellos ou agrupacións de concellos con poboación igual ou superior aos 3.000 habitantes. O prazo de presentación de solicitudes é dun mes, contado a partir do día seguinte ao da publicación desta convocatoria.
14/04/2014. OUTRAS
A Asociación PuntoGAL comunica que xa existe o primeiro dominio .gal activado pola ICANN. Trátase de Nic.gal, unha páxina de carácter técnico e para probas, que simboliza os sete anos de traballo desta asociación e mais o apoio de 12.000 cidadáns e 110 entidades. Nos vindeiros días faranse públicas as normas para o rexistro no dominio galego, que se xestionará en diferentes fases, dándolles prioridade ás administración públicas; ás entidades que teñan unha traxectoria probada de promoción da lingua ou da cultura galegas; ás marcas rexistradas no Trademark Clearing House de ICANN e outras marcas rexistradas, nomes ou intereses protexidos; e ás páxinas realizadas ou con versión en lingua galega. Para ampliar esta información, preme aquí.
11/04/2014. DINAMIZACIóN
A Secretaría Xeral de Política Lingüística presenta As fabas máxicas, unha nova actividade de dinamización lingüística que se desenvolverá no marco do programa FalaRedes. Trátase dun espectáculo da compañía Caramuxo Teatro, dirixido ao público familiar, que achega unha nova versión do conto infantil Xan e as fabas máxicas.
O espectáculo percorrerá 22 concellos adscritos á Rede de Dinamización Lingüística entre os meses de abril e xuño de 2014.
O espectáculo percorrerá 22 concellos adscritos á Rede de Dinamización Lingüística entre os meses de abril e xuño de 2014.
10/04/2014. DINAMIZACIóN
O Servizo de Normalización Lingüística do Concello de Pontevedra organiza unha nova edición do programa de dinamización lingüística Galegote Rock, deseñado para promover os grupos musicais que cantan en galego e fomentar o uso deste idioma nas actividades de lecer da xuventude. Galegote Rock é un programa de concertos que se celebrará os vindeiros días 24, 25 e 26 de abril nas salas Karma e Pequeno Karma, en Pontevedra. O programa inclúe as actuacións dos grupos A Banda do Terror, Machina, Transilvanians, Frenaso no Calsonsillo e Familia Caamagno, e dos DJ O Xabarín de Bora, Fillo do Fiusa e Nano Vinilo. Para ampliar esta información, preme aquí.
10/04/2014. DINAMIZACIóN
O Servizo de Normalización Lingüística da UDC convoca o I Concurso de Monólogos en Lingua Galega, co obxectivo de promover o uso do galego entre a comunidade universitaria e premiar a súa creatividade e calidade lingüística. Pode participar no certame todo o alumnado da UDC matriculado no curso 2013-2014. Os participantes deben gravar un monólogo en galego, en formato DVD, dunha duración de entre catro e dez minutos sobre o tema “A miña experiencia universitaria”. O xurado outorgará un primeiro premio de 500 euros e un segundo de 250 euros.
O prazo de presentación de solicitudes remata o 30 de abril de 2014.
O prazo de presentación de solicitudes remata o 30 de abril de 2014.
08/04/2014. AXUDAS E PREMIOS
A Consellería de Cultura, Educación e Ordenación Universitaria publica a convocatoria de subvencións para a edición en lingua galega de recursos didácticos curriculares para niveis non universitarios.
As axudas están dirixidas ás empresas mercantís do sector editorial e o prazo para a presentación de solicitudes é dun mes, contado a partir do día seguinte ao da publicación desta convocatoria.
As axudas están dirixidas ás empresas mercantís do sector editorial e o prazo para a presentación de solicitudes é dun mes, contado a partir do día seguinte ao da publicación desta convocatoria.
08/04/2014. INVESTIGACIóN
O Servizo de Normalización Lingüística da USC presenta os datos sobre usos lingüísticos nos traballos de investigación (teses, traballos de fin de grao e traballos de fin de mestrado) relativos ao pasado ano 2013. Das 293 teses lidas en 2013, realizáronse en castelán o 64%, en inglés o 20%, en portugués o 8%, en galego o 7% e noutros idiomas o 1%. No que respecta aos traballos de fin de grao, presentáronse 1.288 traballos en 2013. A lingua máis empregada foi o castelán (68%), seguida polo galego (29%), o inglés (1%) e o catalán (1%). Por último, en 2013 defendéronse 1.101 traballos de fin de mestrado e tamén neste caso foi o castelán o idioma máis empregado (71%). En galego elaborouse o 24%, en inglés o 4% e en portugués o 1%.
Podes ampliar esta información no Cartafol Dixital de marzo de 2014.
Podes ampliar esta información no Cartafol Dixital de marzo de 2014.
07/04/2014. DINAMIZACIóN
Co gallo da conmemoración do vindeiro Día das Letras Galegas, o Equipo de Dinamización da Lingua Galega do CPI dos Dices (Rois) emitirá este xoves, 10 de abril de 2014, ás 12:30 h, o “Telexornal Díaz Castro”. O telexornal poderá seguirse en directo desde a Aula Virtual do CPI dos Dices. Ao remate, emitirase o vídeo “7 poemas de Díaz Castro”. A iniciativa será difundida tamén na rede social Twitter a través da conta @TelexornalRois.
07/04/2014. CURSOS E CONGRESOS
A Real Academia Galega, en colaboración co Foro Enrique Peinador, organiza o encontro Lingua e empresa na Galicia de hoxe, que terá lugar os vindeiros días 11 e 12 de abril de 2014 en Mondariz Balneario co obxectivo de analizar os usos lingüísticos dos nosos principais axentes económicos. No acto intervirán o presidente da RAG, Alonso Montero; os membros numerarios Víctor F. Freixanes e Manuel González; o presidente da Fundación Mondariz Balneario, Javier Solano; o presidente da Fundación Enrique Peinador, Xosé González; o fiscal superior de Galicia, Carlos Varela e diferentes representantes empresariais como Antonio Fernández (R Telecomunicacións), Pablo Buján (Adegas Martín Codax) ou Xosé Turnes (Progando).
07/04/2014. CURSOS E CONGRESOS
A Asemblea de Filoloxía da Liga Estudantil Galega organiza as Xornadas sobre represión lingüística, que terán lugar os vindeiros días 8, 9 e 10 de abril de 2014 no Salón de Graos da Facultade de Filoloxía da Universidade de Santiago. Ao longo das sesións debaterase sobre a represión lingüística en Galicia, a situación do galego nos medios de comunicación, a evolución sociolingüística do noso idioma desde o franquismo ata a actualidade e os usos lingüísticos no eido das artes. Para consultar o programa, preme aquí.
07/04/2014. DINAMIZACIóN
Con motivo da celebración do Día das Letras Galegas 2014, a Rede de Dinamización Lingüística convoca o concurso de cuñas de radio “O galego na onda”, que ten como obxectivo promover a reflexión sobre a lingua galega e a súa valoración positiva entre a mocidade. O certame, que están a organizar diferentes concellos adscritos á Rede, está dirixido ao alumnado da ESO e desenvolverase en dúas fases, unha a nivel local e outra a nivel autonómico. Os gañadores/as da fase autonómica recibirán como premio a realización dun programa radiofónico na Radio Galega coa colaboración de profesionais deste medio e un lote de libros.
03/04/2014. AXUDAS E PREMIOS
O Concello de Ferrol publica as bases da vixésima edición deste certame de carácter bianual que ten como obxectivo promover a creación literaria e a investigación lingüística. O certame ten dúas modalidades: o “Premio de investigación lingüística ou ensaio” e o “Premio de creación literaria (narración curta)”. O xurado outorgará un premio de 3.700 euros para o/a gañador/a de cada unha das modalidades.
O prazo para entregar os orixinais é do 16 de abril ao 16 de xuño de 2014.
O prazo para entregar os orixinais é do 16 de abril ao 16 de xuño de 2014.
02/04/2014. DINAMIZACIóN
Co gallo da conmemoración o vindeiro 23 de abril do Día Mundial do Libro, O Servizo de Normalización Lingüística do Concello de Redondela e as bibliotecas públicas do municipio organizan a sexta edición da Semana do libro: a festa das palabras. Trátase dunha campaña de animación á lectura e de difusión das diferentes linguas que se falan na Península Ibérica, que se desenvolverá ao longo deste mes de abril en diferentes espazos públicos do concello. O programa inclúe unha exposición multilingüe de libros, relatorios, presentacións de publicacións e actividades de promoción da oralidade.
Para ampliar esta información, preme aquí.
Para ampliar esta información, preme aquí.
01/04/2014. DINAMIZACIóN
O Concello de Ourense, en colaboración coa Secretaría Xeral de Política Lingüística da Xunta de Galicia, convoca o V Certame de Cinema OUFF Escola, que se desenvolverá no marco da décimo novena edición do Festival de Cine Internacional de Ourense. O obxectivo de Ouff Escola é impulsar o uso do idioma galego entre a mocidade, fomentar a creatividade audiovisual e promover o traballo en equipo. Pode participar no certame o alumnado matriculado en centros públicos e privados de ensino non universitario de Galicia durante o curso 2013-2014, así como aqueles de fóra de Galicia que teñan no seu currículo materias de e en lingua galega. O prazo de inscrición remata o 27 de xuño de 2014.
31/03/2014. OUTRAS
O Instituto Nacional de Estatística fixo públicos os datos sobre a produción editorial de libros en 2013. O número total de títulos (libros e folletos) editados en galego en 2013 é de 739, caendo case á metade con respecto ao 2012 (1.322 títulos). Así mesmo, traducíronse do galego para outras linguas 13 títulos. Malia que tamén neste caso se mantén a tendencia á baixa, o descenso non é tan acusado con respecto a anos anteriores.
En Galicia, en 2013 editáronse 1.869 títulos. Destes, 973 editáronse en castelán e 682 en galego. No resto dos casos, trátase de edicións bilingües ou noutros idiomas.
En Galicia, en 2013 editáronse 1.869 títulos. Destes, 973 editáronse en castelán e 682 en galego. No resto dos casos, trátase de edicións bilingües ou noutros idiomas.
26/03/2014. DINAMIZACIóN
A Coordinadora de Traballadores/as de Normalización da Lingua presenta a súa nova campaña de normalización lingüística Como cho digo ;-), unha iniciativa deseñada para promover o uso do galego nos medios de comunicación.
O obxectivo da campaña é que persoas e entidades representativas dos diferentes ámbitos sociais manifesten publicamente o seu desexo de que os medios de comunicación reflictan en galego as declaracións que elas e eles fan neste idioma. Trátase de convencer aos medios, nun ton desenfadado e amigable, de que é de xustiza que a realidade que acontece en galego se lle transmita á sociedade tamén en galego.
O obxectivo da campaña é que persoas e entidades representativas dos diferentes ámbitos sociais manifesten publicamente o seu desexo de que os medios de comunicación reflictan en galego as declaracións que elas e eles fan neste idioma. Trátase de convencer aos medios, nun ton desenfadado e amigable, de que é de xustiza que a realidade que acontece en galego se lle transmita á sociedade tamén en galego.
26/03/2014. OUTRAS
O conselleiro de Cultura e Educación, Xesús Vázquez, e o presidente do Consello da Cultura Galega (CCG), Ramón Villares, asinaron onte, 25 de marzo de 2014, un protocolo de colaboración en materia de normalización lingüística a partir do cal se desenvolverán durante este ano diferentes iniciativas de promoción e difusión do idioma galego.
24/03/2014. AXUDAS E PREMIOS
A Asociación Galega de Editores deu a coñecer o pasado venres, 21 de marzo de 2014, no Liceo de Betanzos os galardoados/as dos IX Premios Ánxel Casal, que teñen como obxectivo recoñecer o traballo editorial en lingua galega realizado polos seus membros ao longo do ano.
24/03/2014. CURSOS E CONGRESOS
A Secretaría Xeral de Política Lingüística publica a listaxe de cursos de lingua galega preparatorios para as probas dos Celga 1, Celga 2, Celga 3 e Celga 4 que se ofertarán en 2014. As persoas interesadas en asistir a algún dos cursos ofertados poden inscribirse enviando un correo electrónico ao Gabinete provincial de Normalización Lingüística que corresponda. O prazo de inscrición remata o 31 de marzo (incluído). Para obter máis información sobre os trámites de inscrición, preme aquí.
20/03/2014. CURSOS E CONGRESOS
A Real Academia Galega, o Instituto da Lingua Galega (USC) e mais a Secretaría Xeral de Política Lingüística da Xunta de Galicia organizan unha nova edición destes cursos estivais, dirixidos a persoas de fóra de Galicia, que se desenvolverán entre os días 2 e 24 de xullo de 2014. Os cursos, que se organizan en diferentes niveis (elemental, medio e curso superior de lingüística e de literatura galegas) teñen como principal finalidade ofrecerlle ao alumnado a posibilidade de se familiarizar coa lingua, a literatura e a realidade sociocultural galegas.
O prazo de inscrición remata o 1 de maio de 2014. Para obter máis información sobre os trámites de inscrición e matrícula, preme aquí.
O prazo de inscrición remata o 1 de maio de 2014. Para obter máis información sobre os trámites de inscrición e matrícula, preme aquí.
20/03/2014. INVESTIGACIóN
O Consello da Cultura Galega presentará mañá venres, 21 de marzo de 2014, ás 13:00 h, o libro Xosé Mª Díaz Castro. Cartafol de traducións e outros poemas. A obra reproduce poemas doutros autores traducidos por Díaz Castro ao galego e a outras linguas, así como os seus propios poemas en francés, alemán e latín. Trátase dunha edición de Armando Requeixo que o CCG publica no marco dos actos de homenaxe que se están a organizar arredor da figura de Xosé Mª Díaz Castro, autor ao que este ano se lle dedica o Día das Letras Galegas. Para obter máis información, preme aquí.
20/03/2014. OUTRAS
Co gallo da conmemoración do Día Internacional do Teatro, a Asociación Queremos Galego Marín organiza o vindeiro 27 de marzo de 2014, ás 20:00 h, o coloquio “Teatro e lingua. A necesidade dun teatro propio”. O acto terá lugar na Biblioteca de Marín en nel intervirá o actor e director de teatro Zé Paredes.