Hoxe, 18 de setembro de 2013, ás 13:00 h, terá lugar no Salón de Actos da Real Academia Galega a presentación da obra Estudos de toponimia galega (volumes I e II), unha colectánea de artigos de Nicandro Ares Vázquez sobre o tema. No acto intervirán Xesús Alonso Montero, presidente da RAG, Antón Santamarina Fernández, editor da obra e académico numerario, e Ramón Lorenzo Vázquez, coordinador do Seminario de Onomástica da RAG.
18/09/2013. INVESTIGACIóN
17/09/2013. AXUDAS E PREMIOS
A Asociación Cultural Val de Láncara, coordinadora do Premio Ramón Piñeiro: Facer País, fixo público o pasado 13 de setembro, nun acto en Santiago de Compostela, que a galardoada da duodécima edición deste premio é A Mesa pola Normalización Lingüística, polo seu compromiso desde 1986 coa normalización do idioma galego en todos os ámbitos sociais.
O galardón, que outorgan quince asociacións culturais das comarcas de Sarria, Láncara e o Corgo, será entregado nun acto público a finais do vindeiro mes de outubro.
O galardón, que outorgan quince asociacións culturais das comarcas de Sarria, Láncara e o Corgo, será entregado nun acto público a finais do vindeiro mes de outubro.
16/09/2013. AXUDAS E PREMIOS
A Axencia Galega das Industrias Culturais (Agadic) publica, no DOG do 16 de setembro de 2013, dúas liñas de axudas dirixidas ao ámbito do audiovisual galego, unha delas destinada a apoiar as producións ou coproducións audiovisuais no noso idioma e outra para subvencionar o desenvolvemento de proxectos audiovisuais en lingua galega. En ambos os dous casos, o prazo de presentación de solicitudes é dun mes, contado a partir do día seguinte ao da publicación destas convocatorias.
12/09/2013. DINAMIZACIóN
o Servizo de Normalización Lingüística e mais a Concellería de Ensino do Concello de Redondela presentan a Axenda Escolar Redondelá 2013/2014, un recurso elaborado en colaboración coa Coordinadora de ENDL de Redondela e destinado ao alumnado de 2º e 3º ciclo de primaria e de 1º e 2º da ESO, que inclúe información sobre o patrimonio lingüístico e cultural do concello.
Pola súa parte, a Coordinadora Galega de ENDL pon ao dispor da comunidade educativa o Calendario Escolar 2013-2014 en diferentes formatos: anual e mensual.
Pola súa parte, a Coordinadora Galega de ENDL pon ao dispor da comunidade educativa o Calendario Escolar 2013-2014 en diferentes formatos: anual e mensual.
12/09/2013. AXUDAS E PREMIOS
As comisións de normalización lingüística das facultades de Socioloxía e CC. da Comunicación da UDC, en colaboración co Servizo de Normalización Lingüística, comezan o curso presentando novas accións para dinamizar o uso do galego entre o seu alumnado. Trátase do Premio ao mellor proxecto de fin de carreira/traballo de fin de grao curso 2012-2013, dirixido ao alumnado de CC. da Comunicación, do III Premio ao mellor traballo de investigación sociolóxica, dirixido ao alumnado de Socioloxía, e do II Concurso de curtametraxes sociolóxicas, dirixido ao alumnado de ambos os dous centros.
No web do SNL da UDC podes atopar toda a información relacionada coa actividade das comisións de normalización lingüística da universidade.
No web do SNL da UDC podes atopar toda a información relacionada coa actividade das comisións de normalización lingüística da universidade.
12/09/2013. OUTRAS
O Servizo de Normalización Lingüística do Concello de Zas actualizou os contidos do sitio web Linguazas, unha compilación de recursos lingüísticos accesible na rede desde 2010.
Nesta nova versión actualizáronse as seccións de ortografía, dicionarios, recursos e ligazóns. Ademais, a sección dedicada ao tecido asociativo, antes restrinxida, é agora de acceso público.
Nesta nova versión actualizáronse as seccións de ortografía, dicionarios, recursos e ligazóns. Ademais, a sección dedicada ao tecido asociativo, antes restrinxida, é agora de acceso público.
09/09/2013. AXUDAS E PREMIOS
A Fundación Curros Enríquez outorgoulle o XXIX Premio “Celanova, Casa dos Poetas” á empresa de telecomunicacións R polo seu compromiso coa lingua galega, idioma que usan con normalidade nas súas comunicacións empresariais e que se converteu nun sinal de identidade da empresa.
O encargado de recoller o premio foi Arturo Dopico, conselleiro delegado de R, nun acto público que tivo lugar onte, 8 de setembro, no Auditorio Municipal de Celanova.
O encargado de recoller o premio foi Arturo Dopico, conselleiro delegado de R, nun acto público que tivo lugar onte, 8 de setembro, no Auditorio Municipal de Celanova.
09/09/2013. DINAMIZACIóN
A Concellería de Xuventude e Normalización Lingüística do Concello de Santiago, en colaboración coa Universidade de Santiago de Compostela, organiza o programa de intercambio lingüístico Busco parella… lingüística. O programa, dirixido ao estudantado estranxeiro que se incorpora este curso á USC, está deseñado para perfeccionar as competencias lingüísticas a través da conversa en contextos informais.
Para ampliar esta información, preme aquí.
Para ampliar esta información, preme aquí.
09/09/2013. INVESTIGACIóN
Este verán publicouse o blog Foz Linguaviva, unha análise sobre a presenza da lingua galega en Foz, froito do traballo desenvolvido polo Servizo de Normalización Lingüística do Concello de Foz (pechado na actualidade) durante o verán de 2012.
A partir dunha análise sociolingüística previa, o traballo analiza o uso do galego escrito na vila de Foz. O obxectivo da inciativa é concienciar a poboación do escaso uso escrito do galego na Mariña lucense e, ao mesmo tempo, darlles visibilidade aos axentes sociais normalizadores que están traballando por reverter esta situación.
A partir dunha análise sociolingüística previa, o traballo analiza o uso do galego escrito na vila de Foz. O obxectivo da inciativa é concienciar a poboación do escaso uso escrito do galego na Mariña lucense e, ao mesmo tempo, darlles visibilidade aos axentes sociais normalizadores que están traballando por reverter esta situación.
09/09/2013. DINAMIZACIóN
Xa está na rúa Oink!, unha revista en lingua galega dirixida ao público infantil e protagonizada polo Xabarín, o popular personaxe da programa da TVG Xabarín Club. A publicación, que terá unha periodicidade mensual, inclúe contidos en banda deseñada, concursos, reportaxes, artigos, entrevistas e novas de interese para os/as máis pequenos/as. Moitos destes contidos estarán tamén accesibles na rede, transcorrido un mes da súa chegada aos quioscos, na sección infantil do web da TVG.
Para ampliar esta información, preme aquí.
Para ampliar esta información, preme aquí.
09/09/2013. DINAMIZACIóN
O pasado 24 de agosto presentouse publicamente o Trivial da Terra de Melide, unha aplicación gratuíta para teléfonos e tabletas co sistema operativo Android. Trátase dun xogo didáctico, desenvolvido polo Servizo de Normalización Lingüística da Terra de Melide, que compila 200 preguntas sobre o medio, a cultura e a sociedade, a arte, a historia e os personaxes célebres dos concellos de Melide, Toques e Santiso.
04/09/2013. CURSOS E CONGRESOS
O Servizo de Normalización Lingüística do Concello de Vigo e mais a Asociación Veciñal Doutor Fleming organizan o Curso de auga salgada, que ten como obxectivo difundir a lingua e a literatura popular relacionadas co mar (nomes dos oficios, embarcacións tradicionais, lendas…). O curso impartirase os días 9, 11, 16, 18, 23, 25 e 30 de setembro e 2 e 7 de outubro de 2013. A matrícula é de balde e a inscrición pode facerse chamando ao teléfono 986484456.
04/09/2013. CURSOS E CONGRESOS
A Consellería de Educación e Ordenación Universitaria convoca cursos de linguaxe administrativa galega (niveis medio e superior) e mais cursos preparatorios para a consecución dos Celga (niveis 1, 2, 3 e 4), que se impartirán nas escolas oficiais de idiomas de Galicia.
Os cursos de linguaxe administrativa están dirixidos ao persoal das administracións públicas galegas (excepto o persoal docente e sanitario). Aos cursos preparatorios dos Celga poderán asistir todas as persoas maiores de dezaseis anos interesadas. Os cursos impartiranse entre setembro de 2013 e febreiro de 2014. Para obter máis información sobre os prazos de inscrición ou os trámites de matrícula, preme aquí (Corrección de erros).
Os cursos de linguaxe administrativa están dirixidos ao persoal das administracións públicas galegas (excepto o persoal docente e sanitario). Aos cursos preparatorios dos Celga poderán asistir todas as persoas maiores de dezaseis anos interesadas. Os cursos impartiranse entre setembro de 2013 e febreiro de 2014. Para obter máis información sobre os prazos de inscrición ou os trámites de matrícula, preme aquí (Corrección de erros).
02/08/2013. DINAMIZACIóN
O Servizo de Normalización Lingüística da Mancomunidade de Concellos da Mariña Luguesa organiza diversas actividades de dinamización e formación lingüística co obxectivo de fomentar o uso do galego entre a poboación mariñá. As actividades desenvolveranse durantes os meses de agosto, setembro e outubro en diferentes concellos adscritos á Mancomunidade.
31/07/2013. AXUDAS E PREMIOS
A Consellería de Cultura, Educación e Ordenación Universitaria convoca os Premios da Cultura Galega para o ano 2013. Nesta ocasión, con respecto a convocatorias anteriores, engádese a modalidade de “Lingua”, co obxectivo de incorporar o uso e fomento do galego aos méritos recoñecidos a prol da cultura de Galicia. As candidaturas poden ser presentadas por institucións e entidades culturais ou profesionais, públicas ou privadas, relacionadas co obxecto de cada premio. O prazo de presentación será de dous meses, contados desde o día
seguinte ao da publicación da convocatoria.
seguinte ao da publicación da convocatoria.
31/07/2013. EMPREGO
O Concello da Estrada publica as bases para a contratación temporal dun técnico/a de normalización lingüística. A duración do contrato será ata o 30 de setembro de 2013. Os aspirantes deben estar en posesión do título de licenciatura en filoloxía galego-portuguesa, filoloxía galega ou filoloxía hispánica (sección galego-portugués), ou outras titulacións superiores pertencentes á área de humanidades ou de ciencias xurídicas sociais, sempre que posúan o Celga 5. O proceso selectivo consistirá en dúas probas, un cuestionario teórico tipo test sobre o temario indicado na convocatoria e un suposto práctico sobre as tarefas a desenvolver.
O prazo de presentación de solicitudes remata o 1 de agosto de 2013.
O prazo de presentación de solicitudes remata o 1 de agosto de 2013.
30/07/2013. OUTRAS
O equipo de tradución ao galego de LibreOffice e OpenOffice anuncia que xa están dispoñibles na nosa lingua as suites ofimáticas Apache OpenOffice 4.0 e LibreOffice 4.1.
Desde o web do Proxecto Trasno, comunidade de voluntarios que se dedican a localizar software libre ao galego, podes acceder a toda a información técnica destas dúas novas versións das suites ofimáticas libres
Desde o web do Proxecto Trasno, comunidade de voluntarios que se dedican a localizar software libre ao galego, podes acceder a toda a información técnica destas dúas novas versións das suites ofimáticas libres
23/07/2013. DINAMIZACIóN
O Servizo de Normalización Lingüística do Concello de Zas está a difundir as actividades de dinamización lingüística que se desenvolverán, en colaboración coa Rede de Dinamización Lingüística, no marco da Semana Cultural do Concello de Zas, que terá lugar entre os días 28 de xullo e 4 de agosto de 2013.
22/07/2013. AXUDAS E PREMIOS
A Consellería de Cultura, Educación e Ordenación Universitaria publica a resolución pola que se conceden as axudas aos proxectos de fomento do uso do galego dos centros privados que imparten ensinanzas regradas de niveis non universitarios nas provincias de da Coruña e Lugo.
Podes consultar aquí as listaxes de centros subvencionados (centros da Coruña, centros de Lugo).
Podes consultar aquí as listaxes de centros subvencionados (centros da Coruña, centros de Lugo).
18/07/2013. CURSOS E CONGRESOS
A Coordinadora Galega de ENDL e mais Nova Escola Galega organizan as VI Xornadas de Materiais Didácticos. Recursos e materiais didácticos para o ensino en galego, que terán lugar os días 29 e 30 de novembro de 2013 na Facultade de Ciencias da Educación (Campus Vida, USC). As xornadas están destinadas ao profesorado de Educación Infantil, Primaria, Secundaria e Formación Profesional.
O prazo de inscrición remata o 26 de novembro. Para obter máis información sobre os trámites da matrícula, preme aquí.
O prazo de inscrición remata o 26 de novembro. Para obter máis información sobre os trámites da matrícula, preme aquí.
17/07/2013. INVESTIGACIóN
Xa están accesibles, no web do Servizo de Normalización Lingüística da Universidade da Coruña, as actas das IX Xornadas de Lingua e Usos. Lingua e Tradución, que tiveron lugar na Coruña en novembro de 2012.
Neste mesmo sitio web pode acceder tamén aos audios e actas das edicións anteriores destas xornadas, que o SNL da UDC organiza anualmente para reflexionar sobre a situación do idioma galego nos diferentes ámbitos sociais.
Neste mesmo sitio web pode acceder tamén aos audios e actas das edicións anteriores destas xornadas, que o SNL da UDC organiza anualmente para reflexionar sobre a situación do idioma galego nos diferentes ámbitos sociais.
16/07/2013. EMPREGO
A Consellería de Cultura, Educación e Ordenación Universitaria publica a convocatoria de prazas nos lectorados de lingua, literatura e cultura galegas en diferentes universidades do estranxeiro. En concreto, ofértanse prazas de lector/a nas universidades de Berlín, Nova de Lisboa, Zádar, Río de Janeiro e São Paulo.
O prazo de presentación de solicitudes é dun mes, contado a partir do día seguinte ao da publicación da convocatoria.
O prazo de presentación de solicitudes é dun mes, contado a partir do día seguinte ao da publicación da convocatoria.
16/07/2013. CURSOS E CONGRESOS
O Servizo de Normalización Lingüística da Mancomunidade de Ordes organiza un curso básico de lingua galega destinado principalmente a persoas de fóra de Galicia residentes nesta comarca que desexen adquirir unhas nocións básicas do noso idioma.
16/07/2013. AXUDAS E PREMIOS
A Consellería de Cultura, Educación e Ordenación Universitaria publica a resolución pola que se conceden as axudas aos proxectos de fomento do uso do galego dos centros privados que imparten ensinanzas regradas de niveis non universitarios nas provincias de Ourense e Pontevedra.
Podes consultar aquí as listaxes de centros subvencionados (centros de Ourense, centros de Pontevedra).
Podes consultar aquí as listaxes de centros subvencionados (centros de Ourense, centros de Pontevedra).
11/07/2013. DINAMIZACIóN
O Concello de Campo Lameiro inclúe, dentro das actividades programadas para este verán, diferentes iniciativas lúdico-didácticas deseñadas para fomentar o galego no ámbito do lecer. Nos vindeiros tres sábados deste mes de xullo, os/as nenos/as de entre 6 e 12 anos terán oportunidade de participar nun obradoiro de natureza, nun roteiro de botánica e nunha xincana de probas. No mes de setembro, no marco do programa FalaRedes, desenvolverase tamén a iniciativa Augalingua. O obxectivo destas actividades é fomentar o contacto co medio no tempo de lecer, tamén desde a perspectiva lingüística.
10/07/2013. DINAMIZACIóN
No marco da programación cultural de verán do Concello de Redondela, o Servizo de Normalización Lingüística municipal organiza, coa colaboración do Centro Galego de Artes da Imaxe (CGAI), o ciclo Cinema na rúa, no que se proxectarán diferentes filmes en lingua galega. Para o público infantil proxectarase Pinocho 3000 (23 de xullo, ás 21:00 h). O público adulto terá ocasión de ver as curtametraxes Un café de ollos verdes e Memorias dun parado (30 de xullo, ás 22:00 h), a comedia Galatasaray-Dépor (6 de agosto, ás 22:00 h) e o documental histórico Santa liberdade (13 de agosto, ás 22:00 h).
Para consultar a programa cultural completo, preme aquí.
Para consultar a programa cultural completo, preme aquí.
08/07/2013. AXUDAS E PREMIOS
A Comisión de Normalización Lingüística da Facultade de Dereito e mais o Servizo de Normalización Lingüística da UDC convocan o IV Premio Lois Tobío de Investigación Xurídica en Lingua Galega, dirixido ao estudantado da Facultade de Dereito da UDC durante o curso 2012-2013, así como en xeral aos licenciados/as ou gradudados/as en Dereito en calquera universidade galega. O premio concederase en dúas modalidades, 600 euros na modalidade de estudantes e 900 euros na modalidade de licenciados/as ou graduados/as. O prazo de presentación dos traballos remata o 18 de outubro de 2013.
08/07/2013. DINAMIZACIóN
A Concellaría de Educación e Cultura do Concello de Carballo presenta o programa Verán Cultural 2013, que se desenvolverá ao longo dos meses de xullo e agosto. O programa inclúe un amplo abano de propostas (música, maxia, monicreques, danza, cine, teatro, literatura e exposicións) dirixidas a todos os tipos de público.
Entre todas, destacamos o IX Curso de Verán de Dinamización Lingüística, que terá lugar entre os días 17 e 19 de xullo no Forum Carballo e mais a Praza dos libros, unha feira literaria que se desenvolverá do 22 ao 25 de agosto no Xardín Municipal.
Entre todas, destacamos o IX Curso de Verán de Dinamización Lingüística, que terá lugar entre os días 17 e 19 de xullo no Forum Carballo e mais a Praza dos libros, unha feira literaria que se desenvolverá do 22 ao 25 de agosto no Xardín Municipal.
04/07/2013. DINAMIZACIóN
A Secretaría Xeral de Política Lingüística presenta Augalingua, unha iniciativa que se desenvolverá ao longo deste mes de xullo no marco do programa FalaRedes, que ten como obxectivo ampliar a oferta de lecer en galego nos concellos adscritos á Rede de Dinamización Lingüística. Augalingua é unha actividade lúdica, dirixida a nenos de entre 6 e 12 anos de 16 concellos galegos, que terán a oportunidade de pasar unha tarde de diversión na piscina ou na praia fluvial gozando de xogos de lingua, de rapidez e de habilidade. Para coñecer o calendario completo da actividade, preme aquí.
03/07/2013. AXUDAS E PREMIOS
O Museo do Moble e da Madeira da Estrada (MOME) convoca o III Premio de Teatro MOME “Varela Buxán”. Os obxectivos do certame son poñer en valor o MOME como referente cultural galego, divulgar a vida e obra do dramaturgo estradense Manuel Daniel Varela Buxán, e promover o cultivo do galego no ámbito da nova dramaturxia galega. O gañador/a recibirá un premio de 1000 euros e mais un diploma acreditativo. O prazo para enviar os orixinais remata o 23 de agosto de 2013.
Podes consultar as bases premendo aquí.
Podes consultar as bases premendo aquí.