A Asociación Galega de Editores deu a coñecer os galardoados/as da oitava edición destes premios que teñen como obxectivo recoñecer o traballo editorial en lingua galega realizado polos seus membros ao longo do ano.
19/03/2013. AXUDAS E PREMIOS
15/03/2013. DINAMIZACIóN
O Departamento de Lingua Galega do Concello de Santiago organiza o I Concurso de proxectos de publicidade comercial en galego, co obxectivo de fomentar o uso do galego na comunicación publicitaria.
15/03/2013. OUTRAS
A empresa Etermax, responsable do coñecido xogo para móbiles Apalabrados anunciou que os/as usuarios/as terán en breve dispoñible a versión en galego. Esta versión foi desenvolvida por Cilenis, que empregou como base o Vocabulario Ortográfico da Lingua Galega (VOLGa).
O Apalabrados consiste en formar palabras sobre un taboleiro a partir dun serie de letras. O usuario/a pode xogar contra unha única persoa (coñecida ou elixida ao chou) ou optar pola modalidade multixogador en liña.
O Apalabrados consiste en formar palabras sobre un taboleiro a partir dun serie de letras. O usuario/a pode xogar contra unha única persoa (coñecida ou elixida ao chou) ou optar pola modalidade multixogador en liña.
15/03/2013. INVESTIGACIóN
O Servizo de Normalización Lingüística da USC e mais a Comisión de Normalización Lingüística da Escola Técnica Superior de Enxeñería (ETSE) da USC presentan a obra Termos esenciais da arquitectura de computadores galego-español-inglés.
Con esta publicación, os seus promotores queren colaborar na difusión da terminoloxía técnica en galego e ofrecer ferramentas de utilidade á comunidade educativa da ETSE para o ensino/aprendizaxe na nosa lingua.
Con esta publicación, os seus promotores queren colaborar na difusión da terminoloxía técnica en galego e ofrecer ferramentas de utilidade á comunidade educativa da ETSE para o ensino/aprendizaxe na nosa lingua.
13/03/2013. DINAMIZACIóN
O Concello de Vigo, a través do seu Servizo de Normalización Lingüística, organiza o programa de dinamización lingüística Alumea a túa lingua!, un maratón de actividades que comezou o pasado 22 de febreiro e rematará o vindeiro 17 de maio, día no que se cumpren 150 anos da publicación de Cantares Gallegos, de Rosalía de Castro, nunha imprenta da rúa Real (Vigo).
13/03/2013. DINAMIZACIóN
A Asociación Trabalingua, coa colaboración da Área de Normalización Lingüística da Universidade de Vigo, organiza unha nova edición do programa Falamos?, unha iniciativa de aprendizaxe lingüística baseada en tándems ou grupos de conversa entre alumnado galego e estranxeiro. O programa está especialmente deseñado para estudantes de intercambio e galegofalantes interesados en aprender outro idioma. Os/as interesados/as deben enviar un correo a tandemtrabalingua@gmail.com sinalando o seu perfil lingüístico, o idioma que desexan aprender e a modalidade de aprendizaxe (tándem ou conversa múltiple).
12/03/2013. DINAMIZACIóN
A Concellaría de Servizos Sociais de Porto do Son presenta a iniciativa Café de idiomas, un programa de aprendizaxe de linguas baseado na conversa en contextos informais. Os idiomas que se propoñen son inglés, francés, castelán e galego para estranxeiros. Os participantes poderán propoñer outros idiomas sempre e cando haxa un mínimo de dúas persoas interesadas.
O prazo de inscrición remata o vindeiro 27 de marzo de 2013.
O prazo de inscrición remata o vindeiro 27 de marzo de 2013.
11/03/2013. DINAMIZACIóN
A Coordinadora Galega de ENDL está a difundir o proxecto Enredamos, un blog que compila información (fichas descritivas, vídeos…) sobre xogos populares e o seu aproveitamento didáctico nos diferentes niveis educativos.
O proxecto está impulsado e coordinado por Nito Ferrer e mais os membros da Coordinadora de ENDL de Pontevedra.
O proxecto está impulsado e coordinado por Nito Ferrer e mais os membros da Coordinadora de ENDL de Pontevedra.
11/03/2013. CURSOS E CONGRESOS
A Escola Galega de Administración Pública, en colaboración coa Secretaría Xeral de Política Lingüística, convoca cursos de linguaxe administrativa galega (niveis medio e superior) para o persoal da Administración autonómica de Galicia, tanto na modalidade presencial como de teleformación. A matrícula debe tramitarse a través do formulario de matrícula telemática accesible na páxina web da EGAP. O prazo de presentación de solicitudes remata o 22 de marzo de 2013, ás 14:00 h.
Se desexa consultar o texto íntegro da convocatoria, preme aquí.
Se desexa consultar o texto íntegro da convocatoria, preme aquí.
08/03/2013. DINAMIZACIóN
O Servizo de Normalización Lingüística do Concello de Pontevedra organiza, en colaboración coa sala Karma, unha nova edición do programa de dinamización lingüística Galegote Rock, deseñado para introducir a lingua galega nas actividades de lecer da xuventude.
Galegote Rock é un programa de concertos que se celebrará ao longo do vindeiro mes de abril na sala Karma (Pontevedra) e que inclúe as actuacións de diferentes bandas galegas, como Terbutalina, Martelo ou Ataque Escampe. Para ampliar esta información, preme aquí.
Galegote Rock é un programa de concertos que se celebrará ao longo do vindeiro mes de abril na sala Karma (Pontevedra) e que inclúe as actuacións de diferentes bandas galegas, como Terbutalina, Martelo ou Ataque Escampe. Para ampliar esta información, preme aquí.
07/03/2013. DINAMIZACIóN
O Servizo de Normalización Lingüística do Concello de Pontevedra e mais a Coordinadora de Equipos de Normalización e Dinamización da Lingua Galega dos IES de Pontevedra organizan unha nova edición do programa Ben veñas, maio, dirixido ao alumnado de ensino medio do concello.
07/03/2013. DINAMIZACIóN
A Consellería de Cultura e Educación, a Secretaría Xeral de Medios, a Fundación Rosalía de Castro, o Consello da Cultura Galega, a Real Academia Galega e a Compañía da Radiotelevisión de Galicia presentaron de xeito conxunto o programa de actividades que se van desenvolver neste ano 2013 para conmemorar o 150 aniversario da edición de Cantares Gallegos, de Rosalía de Castro.
O programa inclúe, entre outras actividades, exposicións, espectáculos escénicos, producións audiovisuais, concertos musicais e edicións conmemorativas. Se desexa máis información, prema aquí.
O programa inclúe, entre outras actividades, exposicións, espectáculos escénicos, producións audiovisuais, concertos musicais e edicións conmemorativas. Se desexa máis información, prema aquí.
06/03/2013. OUTRAS
Xa pode consultar o noso Boletín de Sumarios 2012, produto documental que inclúe os sumarios de 693 números de publicacións periódicas, correspondentes a 116 títulos diferentes, que ingresaron na hemeroteca do CDSG durante o ano 2012.
Se desexa consultar a nosa colección completa de seriadas, prema aquí.
Se desexa consultar a nosa colección completa de seriadas, prema aquí.
06/03/2013. CURSOS E CONGRESOS
A Secretaría Xeral de Política Lingüística convoca unha nova edición de cursos en liña preparatorios para a acreditación do nivel
Celga 1, dirixidos principalmente a persoas estranxeiras, non galegofalantes ou que carezan de formación en lingua galega. Os cursos desenvolveranse entre o 1 de abril e o 7 de xuño de 2013 e o prazo de matrícula remata o vindeiro 14 de marzo.
Con posterioridade, o 9 de xuño, terán lugar en Santiago de Compostela, Ponferrada, Madrid e Barcelona as probas para obter a acreditación do Celga 1.
Celga 1, dirixidos principalmente a persoas estranxeiras, non galegofalantes ou que carezan de formación en lingua galega. Os cursos desenvolveranse entre o 1 de abril e o 7 de xuño de 2013 e o prazo de matrícula remata o vindeiro 14 de marzo.
Con posterioridade, o 9 de xuño, terán lugar en Santiago de Compostela, Ponferrada, Madrid e Barcelona as probas para obter a acreditación do Celga 1.
05/03/2013. CURSOS E CONGRESOS
O Servizo de Normalización Lingüística da Universidade da Coruña, coa colaboración da Secretaría Xeral de Política Lingüística, organiza o VI Curso de Verán de Lingua e Cultura Galegas para Persoas Estranxeiras.
O curso conta con dous niveis, elemental e intermedio, e as sesións desenvolveranse entre os días 1 e 24 de xullo de 2013 na Facultade de Filoloxía da UDC. O prazo de inscrición remata o 3 de maio de 2013.
O curso conta con dous niveis, elemental e intermedio, e as sesións desenvolveranse entre os días 1 e 24 de xullo de 2013 na Facultade de Filoloxía da UDC. O prazo de inscrición remata o 3 de maio de 2013.
05/03/2013. INVESTIGACIóN
O Servizo de Normalización Lingüística da USC presenta os datos sobre usos lingüísticos na docencia na USC neste curso 2012-2013. En termos xerais, impártense en castelán o 73,74% das horas docentes, en galego o 23,34% e en inglés o 1,72%. O restante 1,2% do horario impártese en francés, portugués, italiano ou alemán.
05/03/2013. EMPREGO
A Deputación de Lugo convoca unha bolsa de formación en xestión cultural, normalización lingüística e comunicación audiovisual dirixida a licendiados/as en Filoloxía Galega (ou Grao en Filoloxía Galega) con estudos en Comunicación Audiovisual.
A duración da bolsa é de 12 meses e a persoa beneficiaria desenvolverá a súa actividade na Área de Cultura e Turismo da Deputación de Lugo. O prazo de presentación de solicitudes remata o 5 de marzo de 2013.
Para consultar o texto completo da convocatoria, preme aquí.
A duración da bolsa é de 12 meses e a persoa beneficiaria desenvolverá a súa actividade na Área de Cultura e Turismo da Deputación de Lugo. O prazo de presentación de solicitudes remata o 5 de marzo de 2013.
Para consultar o texto completo da convocatoria, preme aquí.
04/03/2013. AXUDAS E PREMIOS
Con motivo da conmemoración do vindeiro Día das Letras Galegas, a Fundación Barrié, a través da súa canle educativa educaBarrié, convoca o concurso Agasallo de luz, un proxecto educativo deseñado para render homenaxe á obra de Roberto Vidal Bolaño e conmemorar o 150 aniversario da publicación de Cantares Gallegos.
28/02/2013. AXUDAS E PREMIOS
A Unidade Técnica de Normalización Lingüística da Deputación Provincial da Coruña convoca o IV Premio “Rosalía de Castro” de Lingua e Cultura, que ten como principais obxectivos manter viva a figura de Rosalía de Castro e recoñecer a aquelas iniciativas, persoas ou entidades que traballan a prol da promoción social e dignificación do idioma galego.
O prazo para a presentación de candidaturas remata o 30 de abril de 2013.
O prazo para a presentación de candidaturas remata o 30 de abril de 2013.
26/02/2013. EMPREGO
A Universidade de Vigo convoca catro bolsas de formación na súa Área de Normalización Lingüística (ANL) destinadas á formación complementaria do estudantado, que participará nas actividades de dinamización lingüística e formación que se desenvolven na ANL.
26/02/2013. AXUDAS E PREMIOS
Co gallo da conmemoración do Día de Rosalía e da celebración do 150 aniversario da publicación de Cantares Gallegos, a Secretaría Xeral de Política Lingüística e a Dirección Xeral de Educación, Formación Profesional e Innovación Educativa convocan o certame Imaxina Cantares!, dirixido aos equipos de dinamización da lingua galega dos centros educativos de titularidade pública.
25/02/2013. CURSOS E CONGRESOS
Os Comités da Universidade de Vigo organizan as V Xeiras sobre a Lingua Galega, co obxectivo de reflexionar sobre a situación social do noso idioma e promover o seu uso nos diferentes ámbitos sociais.
As sesións desenvolveranse entre os días 5 e 8 de marzo de 2013 en Vigo.
A matrícula é gratuíta e todas as persoas interesadas poden inscribirse a través do formulario web habilitado para a ocasión.
As sesións desenvolveranse entre os días 5 e 8 de marzo de 2013 en Vigo.
A matrícula é gratuíta e todas as persoas interesadas poden inscribirse a través do formulario web habilitado para a ocasión.
25/02/2013. INVESTIGACIóN
Edicións Xerais, a Axencia para a Modernización Tecnolóxica e a Consellería de Cultura e Educación presentan a versión en liña do Dicionario xurídico galego, unha obra que xa foi editada en papel a finais de 2011 e que compila arredor de 2 000 entradas nas que se presentan en galego conceptos esenciais do Dereito; termos e institucións propias do Dereito Civil de Galicia e información crítica sobre a lexislación vixente en España. Esta versión en liña, de acceso restrinxido para o público xeral, está accesible para todos os empregados públicos da Administración xeral, de Xustiza, do Servizo Galego de Saúde e dos concellos galegos.
Se desexas máis información, preme aquí.
Se desexas máis información, preme aquí.
22/02/2013. INVESTIGACIóN
Neste ano 2013 no que se conmemora o 150 aniversario da publicación de Cantares Gallegos, o Consello da Cultura Galega (CCG) presenta o facsímile da primeira edición desta obra fundacional do Rexurdimento das letras galegas. O propio CCG acaba de inaugurar un novo espazo web no que se irán compilando diferentes documentos dixitais relacionados coa vida e obra da autora.
21/02/2013. OUTRAS
A rede social Twitter anuncia que xa se pode navegar en galego en twitter.com, plataforma que agora está accesible en máis de 35 linguas.
A incorporación do galego a esta rede social foi posible grazas a unha intensa campaña reivindicativa e á comunidade de usuarios/as que colaborou na tradución da interface. Para ampliar esta información preme aquí.
A incorporación do galego a esta rede social foi posible grazas a unha intensa campaña reivindicativa e á comunidade de usuarios/as que colaborou na tradución da interface. Para ampliar esta información preme aquí.
21/02/2013. OUTRAS
En novembro de 1999 a UNESCO declarou o 21 de febreiro Día Internacional da Lingua Materna. Dende entón, cada ano conmemórase neste día a riqueza que supón a diversidade lingüística do planeta, con programas e actividades destinadas a preservar esta diversidade e a promover o plurilingüismo.
Como é costume, a directora xeral da UNESCO, Irina Bokova, fixo pública a mensaxe institucional de 2013 con motivo desta celebración.
No ámbito de Galicia, a Rede de Dinamización Lingüística da Xunta de Galicia tamén difundiu unha declaración pública para conmemorar esta data.
Como é costume, a directora xeral da UNESCO, Irina Bokova, fixo pública a mensaxe institucional de 2013 con motivo desta celebración.
No ámbito de Galicia, a Rede de Dinamización Lingüística da Xunta de Galicia tamén difundiu unha declaración pública para conmemorar esta data.
19/02/2013. DINAMIZACIóN
A Asociación de Escritores en Lingua Galega (AELG) anima a toda a cidadanía a festexar o vindeiro 24 de febreiro o Día de Rosalía, escritora determinante na historia do noso idioma que restaurou, coa súa obra Cantares Gallegos (1863), o uso escrito do galego despois de séculos de ocultación.
Ao abeiro desta iniciativa, diferentes institucións, concellos e centros de ensino están a organizar actividades para homenaxear a escritora cando se cumpren 150 anos da publicación de Cantares Gallegos. No web da AELG pode consultar as actividades e actos programados.
Ao abeiro desta iniciativa, diferentes institucións, concellos e centros de ensino están a organizar actividades para homenaxear a escritora cando se cumpren 150 anos da publicación de Cantares Gallegos. No web da AELG pode consultar as actividades e actos programados.
19/02/2013. DINAMIZACIóN
O IES da Pobra do Caramiñal organiza a campaña de dinamización lingüística 21 días co galego, que ten como obxectivos perfeccionar a competencia lingüística do alumnado e promover a reflexión individual sobre os propios usos lingüísticos.
No marco desta iniciativa está a desenvolverse un programa de actividades lúdicas e didácticas que inaugurou o escritor Agustín Fernández Paz cun vídeo de saúdo.
No marco desta iniciativa está a desenvolverse un programa de actividades lúdicas e didácticas que inaugurou o escritor Agustín Fernández Paz cun vídeo de saúdo.
18/02/2013. AXUDAS E PREMIOS
A Consellería de Cultura, Educación e Ordenación Universitaria convoca axudas para proxectos de fomento do galego nos centros de ensino non universitario de titularidade privada, para desenvolver no curso 2012-2013.
O prazo de presentación de solicitudes e documentación é dun mes, contado a partir do día seguinte ao da publicación da convocatoria.
O prazo de presentación de solicitudes e documentación é dun mes, contado a partir do día seguinte ao da publicación da convocatoria.
14/02/2013. AXUDAS E PREMIOS
A Axencia Galega das Industrias Culturais publica a resolución das axudas concedidas ao abeiro da convocatoria de subvencións para producións ou coproducións audiovisuais en lingua galega con decidido contido artístico e cultural, co ánimo de contribuír ao desenvolvemento da cultura e facilitar o acceso á diversidade cultural das producións audiovisuais galegas.