As comisións de normalización lingüística das Facultades de Socioloxía e Ciencias da Comunicación da UDC organizan, coa colaboración do Servizo de Normalización Lingüística, o I Concurso de Curtametraxes Sociolóxicas, destinado ao alumnado destas dúas facultades.
16/10/2012. AXUDAS E PREMIOS
16/10/2012. CURSOS E CONGRESOS
A Comisión de Normalización Lingüística da Facultade de Dereito e o Servizo de Normalización Lingüística da USC organizan o obradoiro Falar ao dereito, que ten como obxectivo mellorar as habilidades comunicativas orais dos estudantes desta facultade.
As sesións terán lugar os luns e mércores do 12 de novembro ao 5 de decembro, na Facultade de Dereito (aula 14). O prazo de inscrición remata o 7 de novembro de 2012.
Se desexa máis información sobre o programa e os trámites de matrícula, prema aquí.
As sesións terán lugar os luns e mércores do 12 de novembro ao 5 de decembro, na Facultade de Dereito (aula 14). O prazo de inscrición remata o 7 de novembro de 2012.
Se desexa máis información sobre o programa e os trámites de matrícula, prema aquí.
16/10/2012. DINAMIZACIóN
O Concello de Ponteceso presentou publicamente Ponte na fala, un proxecto de recolleita, conservación e difusión da literatura oral de Ponteceso. Trátase dun proxecto colaborativo, polo que os impulsores da iniciativa convidan as asociacións culturais e veciñais do municipio a participar nas tarefas de recolleita.
Os materiais obtidos (contos, lendas, coplas, arrolos, xogos…) difundirase a través do blog da iniciativa para que poidan ser empregados no ámbito educativo, turístico e do lecer.
Os materiais obtidos (contos, lendas, coplas, arrolos, xogos…) difundirase a través do blog da iniciativa para que poidan ser empregados no ámbito educativo, turístico e do lecer.
11/10/2012. INVESTIGACIóN
A Mesa pola Normalización Lingüística presentou publicamente os datos dun estudo sobre usos lingüísticos nos centros de educación infantil das sete cidades galegas. Segundo A Mesa, un 3,19% dos centros consultados declarou que imparte ensino en galego, un 1,06% declarou que mantén dúas liñas diferenciadas (unha en galego e outra en castelán) e un 4,96% respondeu que o ensino se dá a partes iguais entre galego e castelán. Xa que logo, segundo os datos deste estudo, só o 9% dos centros de infantil das sete cidades galegas estaría a impartir parte do ensino en galego.
A Mesa alerta a sociedade desta situación, derivada da implantación do Decreto 79/2010, para o plurilingüismo no ensino non universitario de Galicia. Se desexas máis información, prema aquí.
A Mesa alerta a sociedade desta situación, derivada da implantación do Decreto 79/2010, para o plurilingüismo no ensino non universitario de Galicia. Se desexas máis información, prema aquí.
11/10/2012. AXUDAS E PREMIOS
A Asociación Cultural e Pedagóxica Ponte... nas Ondas! anuncia a resolución do VI Certame de Recolla da Tradición Oral Galego-Portuguesa, que nesta edición tiña por obxectivo poñer en valor a transmisión dos contos populares ás novas xeracións.
O acto de entrega de premios, aberto ao público, terá lugar o vindeiro 19 de outubro de 2012 na Câmara Municipal de Caminha.
O acto de entrega de premios, aberto ao público, terá lugar o vindeiro 19 de outubro de 2012 na Câmara Municipal de Caminha.
11/10/2012. INVESTIGACIóN
Xa están accesibles, no web do Servizo de Normalización Lingüística da Universidade da Coruña, as actas das VIII Xornadas de Lingua e Usos. Lingua e Ecoloxía, que tiveron lugar na Coruña en novembro de 2011.
Neste mesmo sitio web podes acceder tamén aos audios e actas das edicións anteriores destas xornadas, que o SNL da UDC organiza anualmente para reflexionar sobre a situación do idioma galego nos diferentes ámbitos sociais.
Neste mesmo sitio web podes acceder tamén aos audios e actas das edicións anteriores destas xornadas, que o SNL da UDC organiza anualmente para reflexionar sobre a situación do idioma galego nos diferentes ámbitos sociais.
09/10/2012. CURSOS E CONGRESOS
As comisións de normalización lingüística do Campus de Lugo da USC organizan o foro Proxéctate en galego, no que diferentes representantes do ámbito académico e profesional reflexionarán sobre as oportunidades que o galego pode ofrecerlles aos emprendedores.
09/10/2012. DINAMIZACIóN
A Secretaría Xeral de Política Lingüística presenta unha nova edición dos Axóuxeres, un programa de dinamización lingüística deseñado para fomentar a transmisión do galego no ámbito da familia.
Nesta edición o programa actualízase con novos personaxes, cancións e xogos. Os bebés e as familias poderán gozar dos Axóuxeres nos espectáculos en directo, igual ca en pasadas edicións, e este ano, como novidade, tamén na televisión, no cine, en internet e nos móbiles.
Nesta edición o programa actualízase con novos personaxes, cancións e xogos. Os bebés e as familias poderán gozar dos Axóuxeres nos espectáculos en directo, igual ca en pasadas edicións, e este ano, como novidade, tamén na televisión, no cine, en internet e nos móbiles.
09/10/2012. OUTRAS
Chega ás canchas do país Zonapress, a primeira publicación sobre baloncesto en lingua galega. A publicación, de carácter mensual, está dirixida polo xornalista Óscar Losada e céntrase no baloncesto galego, incluíndo análises, entrevistas e reportaxes onde se mestura cultura e deporte.
Zonapress edítase en formato papel e pode adquirirse nos pavillóns dos principais equipos masculinos de elite (Obradoiro, COB Ourense, Breogán e Básquet Coruña).
Pode obter máis información no xornal Praza Pública.
Zonapress edítase en formato papel e pode adquirirse nos pavillóns dos principais equipos masculinos de elite (Obradoiro, COB Ourense, Breogán e Básquet Coruña).
Pode obter máis información no xornal Praza Pública.
09/10/2012. CURSOS E CONGRESOS
Maaya, a Rede Mundial para a Diversidade Lingüística, organiza a terceira edición deste simposio internacional no que trinta expertos reflexionarán sobre diferentes iniciativas de promoción lingüística no ciberespazo, nomeadamente no ámbito do web 2.0. As sesións terán lugar os días 21, 22 e 23 de novembro de 2012 no Centre National de la Recherche Scientifique (CNRS), en París.
Para obter máis información sobre o programa e mais os trámites de inscrición, prema aquí.
Para obter máis información sobre o programa e mais os trámites de inscrición, prema aquí.
08/10/2012. DINAMIZACIóN
A Secretaría Xeral de Política Lingüística desenvolverá, no marco da Rede de Dinamización Lingüística (RDL) e en colaboración coa Deputación da Coruña, a campaña Espello deportivo, que ten como obxectivo promover o uso e o prestixio do galego no ámbito deportivo.
04/10/2012. CURSOS E CONGRESOS
A Coordinadora de Traballadores/as de Normalización da Lingua (CTNL) organiza esta actividade formativa co obxectivo de dotar as persoas participantes dunha metodoloxía para o deseño, xestión, implementación e avaliación de accións de dinamización lingüística.
As sesións terán lugar os días 24 de outubro e 7, 14 e 21 de novembro de 2012 na Facultade de Filoloxía da USC. O prazo de inscrición estará aberto do 8 ao 15 de outubro.
Se desexa máis información, prema aquí.
As sesións terán lugar os días 24 de outubro e 7, 14 e 21 de novembro de 2012 na Facultade de Filoloxía da USC. O prazo de inscrición estará aberto do 8 ao 15 de outubro.
Se desexa máis información, prema aquí.
04/10/2012. DINAMIZACIóN
A Federación Galega de Parques Empresariais (FEGAPE) e a Secretaría Xeral de Política Lingüística presentan a campaña “O galego, chave para os teus negocios no mundo“, que ten como obxectivo promover o galego como lingua dos negocios, tanto dentro de Galicia como no ámbito internacional.
04/10/2012. DINAMIZACIóN
A Coordinadora Galega de Equipos de Normalización e Dinamización Lingüística presenta o primeiro número de Ollos de Aula, unha publicación mensual dirixida ás familias do alumnado.
O obxectivo é que os docentes poidan compartir coas nais e pais os principais temas que afectan á educación dos seus fillos/as, sen esquecer todo o relacionado coa aprendizaxe da lingua galega.
O obxectivo é que os docentes poidan compartir coas nais e pais os principais temas que afectan á educación dos seus fillos/as, sen esquecer todo o relacionado coa aprendizaxe da lingua galega.
04/10/2012. EMPREGO
O Parlamento de Galicia anuncia a convocatoria dunha bolsa, de doce meses de duración, que ten por obxecto a formación práctica de licenciados/as universitarios/as, desenvolvendo as tarefas que encomende o Servizo de Publicacións desta institución.
03/10/2012. CURSOS E CONGRESOS
Con este título, “Galician Language: Pride and Survival” (A lingua galega: orgullo e supervivencia), Molly Carr está a difundir un vídeo en inglés duns dez minutos de duración no que conta a situación de desigualdade na que se atopa o galego en Galicia, en relación co castelán.
O vídeo recolle diferentes entrevistas a falantes de galego nas que narran as dificultades que lles ocasionou a súa condición de galegofalantes e remata cunha mensaxe de optimismo, dicindo que mentres os seus falantes queiran, o galego terá futuro.
O vídeo recolle diferentes entrevistas a falantes de galego nas que narran as dificultades que lles ocasionou a súa condición de galegofalantes e remata cunha mensaxe de optimismo, dicindo que mentres os seus falantes queiran, o galego terá futuro.
02/10/2012. OUTRAS
O Centro de Estudos Galegos da Universidade de Leipzig (Alemaña) presenta un vídeo onde o alumnado do pasado curso 2011-2012 explica as súas razóns para estudar a nosa lingua, reflexiona sobre o seu achegamento á cultura galega e valora a súa experiencia como estudantes de galego en Alemaña.
01/10/2012. OUTRAS
O Servizo de Normalización Lingüística da Universidade de Santiago presenta unha nova versión do seu bUSCtermos, unha base de datos que ofrece un corpus terminolóxico multilingüe de máis de 150 000 rexistros, froito de máis dunha década de traballo na Área de Terminoloxía deste SNL. A ferramenta, que xa estaba accesible desde 2005 para a comunidade universitaria da USC, será agora de libre acceso para toda a cidadanía grazas ao apoio da Secretaría Xeral de Política Lingüística da Xunta de Galicia.
26/09/2012. DINAMIZACIóN
O Consello de Europa instaurou en 2001 o 26 de setembro como Día Europeo das Linguas, co obxectivo de promover a diversidade lingüística de Europa e fomentar o plurilingüismo entre os seus cidadáns.
Un ano máis, os 47 estados que compoñen o Consello de Europa animan a cidadanía europea a festexar esta riqueza cultural e a participar nalgún dos moitos eventos que se celebran con este motivo.
Un ano máis, os 47 estados que compoñen o Consello de Europa animan a cidadanía europea a festexar esta riqueza cultural e a participar nalgún dos moitos eventos que se celebran con este motivo.
26/09/2012. DINAMIZACIóN
O Servizo de Normalización Lingüística da Confederación de Empresarios de Galicia habilita unha nova sección no seu sitio web onde pon ao dispor das empresas diferentes soportes publicitarios en galego para empregar nas campañas estacionais dirixidas á clientela.
Para este outono, o SNL da CEG ofrécelles aos/ás empresarios/as un cartel comercial para a campaña “Volta ao cole”, así como un pequeno vocabulario galego de material escolar.
Para este outono, o SNL da CEG ofrécelles aos/ás empresarios/as un cartel comercial para a campaña “Volta ao cole”, así como un pequeno vocabulario galego de material escolar.
26/09/2012. EMPREGO
A Consellería de Traballo e Benestar convoca probas de avaliación en diferentes competencias clave, entre as que se atopa a comunicación en lingua galega, para o acceso ás accións formativas dos novos certificados de profesionalidade de nivel 2.
As persoas interesadas en participar nestas probas teñen de prazo para presentar as súas solicitudes ata o 10 de outubro de 2012.
Para consultar o texto completo da convocatoria, prema aquí.
As persoas interesadas en participar nestas probas teñen de prazo para presentar as súas solicitudes ata o 10 de outubro de 2012.
Para consultar o texto completo da convocatoria, prema aquí.
25/09/2012. OUTRAS
A canle de vídeos YouTube, coñecedora da diversidade lingüística dos seus usuarios/as, ofrécelles aos creadores/as de vídeo unha nova ferramenta que permite traducir os subtítulos a máis de 300 idiomas, entre eles o galego.
O xestor de vídeos ofrécelles aos autores/as a posibilidade de traducir eles mesmos os subtítulos, a través da ferramenta Google Translator Toolkit, ou solicitar a axuda doutros usuarios/as que queiran colaborar nesta tarefa.
Se desexa máis información, prema aquí.
O xestor de vídeos ofrécelles aos autores/as a posibilidade de traducir eles mesmos os subtítulos, a través da ferramenta Google Translator Toolkit, ou solicitar a axuda doutros usuarios/as que queiran colaborar nesta tarefa.
Se desexa máis información, prema aquí.
24/09/2012. DINAMIZACIóN
O Servizo de Normalización Lingüística (SNL) do Concello de Narón presenta Xoga e medra coa lingua, unha nova sección lúdico-educativa do seu web Do berce á rúa. Medra coa lingua, inaugurado en 2010 co ánimo de fomentar a transmisión interxeracional achegándolles a educadores/as, nais e pais recursos educativos e información de utilidade.
Así mesmo, o SNL está a organizar dous cursos, un de lingua galega e outro de linguaxe administrativa, que se desenvolverán o vindeiro mes de novembro. Todas as persoas interesadas teñen de prazo para inscribirse ata o vindeiro 26 de outubro de 2012.
Así mesmo, o SNL está a organizar dous cursos, un de lingua galega e outro de linguaxe administrativa, que se desenvolverán o vindeiro mes de novembro. Todas as persoas interesadas teñen de prazo para inscribirse ata o vindeiro 26 de outubro de 2012.
21/09/2012. CURSOS E CONGRESOS
A Secretaría Xeral de Política Lingüística coorganiza, xunto coa Escola Oficial de Idiomas de Barcelona e o Espazo das Linguas Ibéricas de Madrid, diferentes cursos de lingua galega que se desenvolverán neste curso académico 2012/2013.
20/09/2012. CURSOS E CONGRESOS
A Comisión de Normalización Lingüística da Facultade de Ciencias da Educación e o Servizo de Normalización Lingüística da USC organizan a cuarta edición destas xornadas, que nesta ocasión teñen como eixo temático “a lingua galega e o plurilingüismo”.
20/09/2012. OUTRAS
Logo dunha intensa campaña na rede reclamando a versión en galego para o Twitter, o Centro de Traducións de Twitter solicita a colaboración dos internautas para comezar os traballos de tradución, polo que en breve a coñecida rede social estará tamén no noso idioma.
20/09/2012. DINAMIZACIóN
A Secretaría Xeral de Política Lingüística, a Compañía de Radio Televisión de Galicia e a editora e produtora Bolanda, presentaron publicamente a nova serie de televisión baseada nas aventuras dunha familia moi coñecida entre o público infantil: os Bolechas.
20/09/2012. INVESTIGACIóN
O Instituto da Lingua Galega presenta o cuarto volume de Estudos de Lingüística Galega, revista de periodicidade anual que quere ser un espazo de debate e intercambio científico arredor do idioma galego.
A publicación inclúe estudos sobre lingüística e filoloxía, artigos breves relacionados coa variedade normativa do galego e recensións críticas de traballos que analizan directa ou indirectamente o noso idioma.
A publicación inclúe estudos sobre lingüística e filoloxía, artigos breves relacionados coa variedade normativa do galego e recensións críticas de traballos que analizan directa ou indirectamente o noso idioma.
20/09/2012. OUTRAS
A Comisión de Normalización Lingüística (CNL) da Facultade de Dereito e o Servizo de Normalización Lingüística (SNL) da USC presentan cinco novas unidades didácticas en galego, que completan a colección que edita periodicamente esta universidade froito do traballo do seu Obradoiro de elaboración de unidades didácticas.
No seo desta mesma CNL elaborouse a obra Termos esenciais de dereito internacional, que se suma tamén a outros títulos do repertorio terminográfico da USC como, por exemplo, o Vocabulario forestal (galego-español-inglés), presentado polo SNL a pasada semana.
No seo desta mesma CNL elaborouse a obra Termos esenciais de dereito internacional, que se suma tamén a outros títulos do repertorio terminográfico da USC como, por exemplo, o Vocabulario forestal (galego-español-inglés), presentado polo SNL a pasada semana.
19/09/2012. DINAMIZACIóN
O Equipo de Dinamización da Lingua Galega do IES Félix Muriel e mais o Concello de Rianxo presentan a campaña de dinamización lingüística Refresca a palabra, que ten como obxectivo promover o uso do galego no ámbito da hostalaría.
A través desta iniciativa, distribuiranse entre os establecementos hostaleiros do concello pousavos (cara a, cara b) co lema da campaña deseñados polo alumnado do IES Felix Muriel.
A través desta iniciativa, distribuiranse entre os establecementos hostaleiros do concello pousavos (cara a, cara b) co lema da campaña deseñados polo alumnado do IES Felix Muriel.