Novas da lingua

Rexistros5131 a 5160 de 5273
  1. Inicio
  2. CDSG-CCG
  3. Novas da lingua
11/10/2004. CURSOS E CONGRESOS

Curso de dinámicas e técnicas grupais aplicadas á normalización da lingua

A Coordinadora de Traballadores/as de Normalización da Lingua (CTNL) organiza un novo curso de formación que ten como principal obxectivo o de dar a coñecer ferramentas e dinámicas de traballo para desenvolver o labor de normalización lingüística no ámbito dos grupos.
(Máis información)
06/10/2004. CURSOS E CONGRESOS

VIII Encontros para a Normalización Lingüística

Xa está accesible no noso web toda a información referente á oitava edición dos Encontros para a Normalización Lingüística, que se celebrarán os días 20, 21 e 22 de xaneiro de 2005. Consulte o programa provisional e, se o desexa, acceda ao formulario de inscrición en liña.

En breve poderá acceder tamén desde o programa aos resumos das diferentes intervencións, que iremos subindo á rede tan pronto como os relatores nolos vaian facilitando.
05/10/2004. CURSOS E CONGRESOS

I Xornadas sobre Modelo de Universidade, Modelo Lingüístico

O Departamento de Galego-Portugués, Francés e Lingüística da Universidade da Coruña organiza estas xornadas sobre o modelo lingüístico no ámbito universitario, que terán lugar os vindeiros 13 e 14 de outubro na Facultade de Ciencias da Educación. O prazo de inscrición estará aberto ata o mesmo día da inauguración.

Se desexa consultar o programa, prema aquí.
05/10/2004. CURSOS E CONGRESOS

Cursos de lingua galega para non galegofalantes

O Servizo de Normalización Lingüística da USC organiza unha nova edición dos cursos de lingua galega para non galegofalantes, que contarán con dous niveis (elemental e competencia) e que se impartirán a partir de novembro nos campus de Santiago e Lugo.
Todas as persoas interesadas teñen de prazo para formalizar a súa matrícula ata o 29 de outubro. Se desexa máis información, prema aquí.
01/10/2004. CURSOS E CONGRESOS

I Congreso Internacional “Política editorial e tradución da literatura infantil e xuvenil en Galicia”

A Universidade de Vigo organiza este primeiro congreso internacional sobre a tradución da literatura infantil e xuvenil desde unha perspectiva normalizadora. O congreso terá lugar os días 18, 19 e 20 de novembro de 2004, no Centro Cultural Caixanova, e o prazo de matrícula estará aberto ata o mesmo día da inauguración.

Se desexa máis información sobre o programa ou os trámites da inscrición, prema aquí.
28/09/2004. INVESTIGACIóN

A lingua galega nos medios de comunicación

A Sección de Lingua do Consello da Cultura Galega presenta un avance dos datos obtidos na enquisa A lingua galega nos medios de comunicación: situacións e opinións, que se enmarca dentro dun novo volume do proxecto de investigación O proceso de normalización do idioma galego 1980-2000.

Os datos que agora se presentan foron obtidos a partir de 1 200 entrevistas sobre o consumo de medios en Galicia e as opinións respecto da presenza da lingua galega nos diferentes soportes. Se desexa consultar os principais resultados desta enquisa, prema aquí.
28/09/2004. EMPREGO

Bolsas de cooperación no Instituto da Lingua Galega

A Universidade de Santiago convoca 5 bolsas de cooperación para participar en diferentes proxectos de investigación que se están a desenvolver no Instituto da Lingua Galega. As bolsas terán unha dotación de 604 euros mensuais, cunha dedicación de 25 horas semanais, e poderán optar a elas todos/as os/as licenciados/as en Filoloxía Galega ou Hispánica.

O prazo de presentación de solicitudes remata o vindeiro 4 de outubro. Se desexa coñecer o texto íntegro da convocatoria, prema aquí.
27/09/2004. CURSOS E CONGRESOS

Nova oferta de cursos de lingua galega na Universidade de Vigo

A Área de Normalización Lingüística da Universidade de Vigo presenta a oferta de cursos de lingua galega para o 1º cuadrimestre do curso 2004-2005, que está dirixida á mellora da competencia lingüística da comunidade universitaria.

Se desexa máis información sobre este programa formativo, así como sobre os prazos e trámites de matrícula, prema aquí.
23/09/2004. CURSOS E CONGRESOS

Cursos de lingua e cultura galegas na Universitat de Barcelona

A Facultat de Filologia da Universitat de Barcelona fai pública a convocatoria de cursos de lingua e cultura galegas para o curso 2004-2005. Na convocatoria ofértanse catro niveis (galego básico, iniciación, perfeccionamento e cultura galega especializada), destinados a todos/as os/as maiores de 17 anos, sexan ou non alumnos/as desta universidade.

O prazo de matrícula é do 27 de setembro ao 13 de outubro. Se desexa máis información, prema aquí.
23/09/2004. OUTRAS

Novos recursos educativos na sección De Bolina

Co ánimo de atender as suxestión dos usuarios do noso web, o CDSG decidiu ampliar a sección De Bolina cun novo cartafol pensado especialmente para a comunidade educativa. Neste cartafol, que leva por nome Ensino, atopará 20 novas ligazóns que ofrecen información e recursos de utilidade para todas aquelas persoas implicadas directamente na galeguización do ensino.
20/09/2004. CURSOS E CONGRESOS

Formación continua no ensino

A Asociación Sócio-Pedagóxica Galega comeza o curso escolar con novas edicións dos Encontros Pedagóxicos e as Xornadas de Ensino, que se desenvolverán ao longo desta semana en diferentes puntos do país.
(Máis información)
16/09/2004. INVESTIGACIóN

Datos de inserción laboral dos licenciados en Filoloxía Galega

A Axencia para a Calidade do Sistema Universitario de Galicia (ACSUG) publica un informe sobre a inserción laboral dos titulados no sistema universitario galego durante o período 1996-2001. Entre as titulacións avaliadas atópase a de Filoloxía Galega.
(Máis información)
14/09/2004. CURSOS E CONGRESOS

Curso de iniciación ao galego para inmigrantes

A Concellería de Cultura e Deportes do Concello de Ames, a través do seu Servizo de Normalización Lingüística, organiza un curso de iniciación ao galego destinado aos inmigrantes.

O prazo de inscrición é do 13 ao 30 de setembro.
(Máis información)

14/09/2004. LEXISLACIóN

O Plan Normalización Lingüística de Galicia, a debate no Parlamento

A Consellería de Educación e Ordenación Universitaria, que leva dous anos traballando na elaboración do Plan de Normalización Lingüística de Galicia, xunto cun amplo grupo de especialistas, fará chegar hoxe á Xunta de Voceiros do Parlamento galego o primeiro borrador deste documento.

A proposta será debatida en sesión plenaria o vindeiro día 21 de setembro e a súa aprobación definitiva está prevista para finais deste mesmo mes.

14/09/2004. CURSOS E CONGRESOS

Cursos de lingua galega no Concello de Santiago

A Concellería de Política Lingüística do Concello de Santiago convoca dous cursos de lingua galega (niveis de iniciación e perfeccionamento) abertos ao público xeral. A inscrición realizarase no Rexistro Xeral do Concello entre o 15 e o 25 de setembro, en horario de 9 a 14 horas.

Se desexa máis información, pode dirixirse ao Departamento de Lingua Galega (981 542409 / dlg@aytocompostela.es)
06/09/2004. CURSOS E CONGRESOS

Cursos de linguaxe administrativa galega para a Administración local

A Consellaría de Xustiza, Interior e Administración Local convoca, no DOG do 20 de agosto de 2004, cursos de linguaxe administrativa galega (niveis básico, medio e superior) para o persoal da Administración local galega.

O prazo de presentación de solicitudes será de corenta días naturais, contados a partir do seguinte ao da publicación desta convocatoria.


03/09/2004. AXUDAS E PREMIOS

Axudas para a normalización lingüística na Administración local

A Consellería de Xustiza, Interior e Administración local publica, no DOG do 19 de agosto de 2004, a convocatoria de axudas destinadas tanto á creación ou mantemento de servizos de normalización lingüística como á organización de campañas de fomento do uso do idioma.

O prazo de presentación de solicitudes é de corenta días, contados a partir do seguinte ao da publicación desta convocatoria.

15/07/2004. DINAMIZACIóN

Lingua Viva 40

O Departamento de Normalización Lingüística do Concello de Vigo edita un novo número de Lingua Viva, boletín con información xeral sobre a planificación e normalización do galego e datos concretos sobre as actividades de dinamización lingüística que se están a desenvolver neste concello.
(Máis información)


13/07/2004. CURSOS E CONGRESOS

Convocatoria de cursos de lingua galega para a Universidade da Coruña

O Servizo de Normalización Lingüística da Universidade da Coruña presenta unha nova oferta de cursos de lingua galega destinada ao alumnado de fóra da Comunidade Autónoma de Galicia e ao persoal de administración e servizos desta universidade.

Os cursos desenvolveranse entre os meses de outubro e decembro deste mesmo ano e todas as persoas interesadas teñen de prazo para presentar as súas solicitudes ata o 9 de setembro.

Se desexa máis información, prema aquí.
12/07/2004. AXUDAS E PREMIOS

Resólvese a concesión de axudas á produción audiovisual en lingua galega

A Consellaría de Cultura, Comunicación Social e Turismo publica, no DOG do 12 de xullo de 2004, a resolución de axudas a empresas vinculadas co sector audiovisual para a elaboración de proxectos audiovisuais en galego.

Se desexa consultar esta resolución, prema aquí.
12/07/2004. OUTRAS

Nova lista de correo electrónico “Galego Internacional”

Créase Galego Internacional, unha nova lista de correo electrónico que quere servir de foro de debate para todas aquelas persoas que consideren que o galego non só é útil para debater sobre arte e folclore, senón tamén sobre ciencia.
07/07/2004. INVESTIGACIóN

Elaboración e difusión da lingua

A Sección de Lingua do Consello da Cultura Galega presenta o vindeiro luns, 12 de xullo, ás 12 h. no salón de actos desta institución, O proceso de normalización do idioma galego 1980-2000. Volume III. Elaboración e difusión da lingua.
(Máis información)
22/06/2004. EMPREGO

Bolsas de colaboración na Área de Normalización Lingüística da Universidade de Vigo

A Universidade de Vigo convoca dúas bolsas para colaborar coa Área de Normalización Lingüística desta universidade. Poderán presentarse a esta convocatoria todos os/as licenciados/as en Filoloxía Galega pola Universidade de Vigo ou en Tradución e Interpretación (lingua A: galego) que estean matriculados/as nun curso de doutoramento desta universidade ou que posúan o Diploma de Estudos Avanzados.

O prazo de presentación de solicitudes remata o vindeiro 28 de xuño. Se desexa coñecer o texto completo desta convocatoria, prema aquí.
18/06/2004. AXUDAS E PREMIOS

II edición dos Premios Educacompostela

O Concello de Santiago e Nova Escola Galega convocan a segunda edición dos Premios Educacompostela de innovación educativa, que pretenden fomentar a creación de material educativo de calidade en lingua galega. O tema sobre o que deberán tratar os traballos presentados nesta edición é “A auga, fonte de vida”.

Os traballos deben entregarse no

Departamento de Educación do Concello de Santiago entre o 15 de outubro e o 15 de novembro.
15/06/2004. EMPREGO

Bolsas para ensinar lingua, literatura e cultura galegas en universidades do exterior

A Consellaría de Educación e Ordenación Universitaria publica, no DOG do 15 de xuño de 2004, a convocatoria dun concurso público de méritos para seleccionar profesorado bolseiro que imparta as materias de lingua, literatura e cultura galegas nas universidades de Estremadura, Granada, A Habana, Oxford e Rennes.

Se desexa consultar esta convocatoria, prema aquí.
11/06/2004. OUTRAS

Novo pulo na introdución do galego no ámbito das novas tecnoloxías

Preséntanse en Santiago o paquete de interface en galego do Windows XP e o corrector ortográfico 2.mil3, dúas novas ferramentas para traballar en galego no ámbito da informática.
(Máis información)
08/06/2004. INVESTIGACIóN

Dicionario de frecuencias léxicas do galego escrito para nenos

O Grupo de Psicoloxía da Linguaxe (GPL) da Universidade de Santiago publica, en formato CD-Rom, o Dicionario de frecuencias léxicas do galego escrito para nenos.

A importancia deste dicionario reside no aproveitamento multidisciplinar que del se pode facer, xa que é unha ferramenta de utilidade tanto para o ámbito da Psicolingüísica como para o da Sociolingüística e a Didáctica da Lingua.
(Máis información)

08/06/2004. DINAMIZACIóN

Xa pode consultar o número 15 do Cartafol Dixital

O Servizo de Normalización Lingüística da Universidade de Santiago de Compostela edita o número 15 do Cartafol Dixital, voceiro da USC en materia de normalización lingüística.
(Máis información)
04/06/2004. AXUDAS E PREMIOS

Axudas á edición de publicacións periódicas en lingua galega

A Consellaría de Presidencia, Relacións Institucionais e Administración Pública anuncia, no DOG do 4 de xuño de 2004, a convocatoria de axudas destinadas a empresas xornalísticas que editen publicacións periódicas escritas integramente en lingua galega.

O prazo de presentación de solicitudes é de 40 días naturais contados a partir do seguinte ao da publicación da convocatoria.
03/06/2004. AXUDAS E PREMIOS

Novas iniciativas normalizadoras na Universidade da Coruña

O Servizo de Normalización Lingüística da Universidade da Coruña, que comeza unha nova etapa da súa andaina baixo a dirección de Goretti Sanmartín, presenta dúas novas actividades de dinamización destinadas a fomentar o uso do idioma galego entre a comunidade universitaria.

Estas actividades son a convocatoria de axudas á investigación en lingua galega e o I Premio Luísa Villalta a iniciativas normalizadoras.
(Máis información)