Novas da lingua

Rexistros5131 a 5160 de 5280
  1. Inicio
  2. CDSG-CCG
  3. Novas da lingua
03/05/2004. DINAMIZACIóN

Comeza o Correlingua 2004

Hoxe comeza na Coruña a primeira das carreiras pola lingua que terán lugar en diferentes puntos do país ata o vindeiro 14 de maio.

O Correlingua é unha actividade lúdico-educativa de promoción do idioma que organiza anualmente a Mesa pola Normalización Lingüística, CIG-Ensino, a AS-PG e as coordinadoras de equipos de normalización lingüística dos centros de ensino.

Se desexa obter máis información, prema aquí.
27/04/2004. DINAMIZACIóN

Actos de conmemoración do Día das Letras Galegas na Escola Galega de Administración Pública

A Escola Galega de Administración Pública anuncia, no DOG do 26 de abril de 2004, os actos de conmemoración do Día das Letras Galegas, que consistirán na organización dunha viaxe cultural e unha mesa redonda sobre a vida e obra de Xaquín Lorenzo Fernández, autor homenaxeado.

A mesa redonda terá lugar o 11 de maio, de 13.00 h a 14.30 h, e a viaxe cultural desenvolverase o 17 de maio. Pode obter máis información no Servizo de Estudos, Investigación e Publicacións, teléfono 981 546249.
21/04/2004. OUTRAS

Para unha modernización da documentación administrativa galega

O Seminario Permanente de Linguaxe Administrativa da Dirección Xeral de Política Lingüística vén de presentar o Manual básico de documentación administrativa, froito do proxecto de renovación que nestes últimos tempos se está a desenvolver nos cursos de linguaxe administrativa.

O manual, que quere contribuír á democratización da relación entre Administración e cidadanía, achega propostas concretas para a renovación e modernización da documentación administrativa galega e ofrece unha ampla selección de modelos comentados.
(Máis información)

07/04/2004. DINAMIZACIóN

En liña o núm. 13 do Cartafol Dixital

O Servizo de Normalización Lingüística da Universidade de Santiago de Compostela edita un novo número do seu boletín, voceiro en materia de normalización lingüística no ámbito universitario.
(Máis información)
06/04/2004. INVESTIGACIóN

Reedición de “A nosa fala. Bloques e áreas lingüísticas do galego”

O Arquivo Sonoro do Consello da Cultura Galega presenta hoxe, día 6 de abril ás 12 h., a reedición en formato CD dunha das obras fundamentais da dialectoloxía galega. Nesta obra, Francisco Fernández Rei e Carme Hermida Gulías, do Instituto da Lingua Galega, amósannos, en 3 horas de gravación sonora, a riqueza dialectal do noso idioma.
05/04/2004. CURSOS E CONGRESOS

XIV Xornadas de Lingua e Literatura

A Asociación Sócio-Pedagóxica Galega e CIG-Ensino organizan unha nova edición das Xornadas de Lingua e Literatura, que se celebrarán os vindeiros días 23-25 de abril na Facultade de Ciencias da Educación, en Santiago de Compostela.

Todas as persoas interesadas teñen de prazo para formalizar a súa matrícula do 13 ao 22 de abril. Se desexa coñecer o programa das xornadas ou acceder ao formulario de matrícula en liña, prema aquí.
31/03/2004. CURSOS E CONGRESOS

Curso de redacción e deseño de traballos de investigación

O Servizo de Normalización Lingüística da Universidade de Santiago de Compostela organiza, dentro do seu programa de formación, un curso de lingua pensado especificamente para todos aqueles estudantes da USC que desexen perfeccionar os coñecementos lingüísticos e informáticos necesarios para elaborar os seus traballos de investigación en galego.
(Máis información)
26/03/2004. INVESTIGACIóN

Europa Diversa, unha comunidade virtual sobre linguas minorizadas

Europa Diversa é unha iniciativa promovida por diferentes institucións lingüísticas e culturais catalanas que ten como principal obxectivo converterse nun foro de debate e intercambio de información en liña sobre as linguas minorizadas, contribuíndo deste xeito á construción de Europa desde a diversidade.
(Máis información)
25/03/2004. EMPREGO

Prazas para profesores de lingua e literatura galegas no ensino secundario

A Consellaría de Educación e Ordenación Universitaria convoca, no DOG do 25 de marzo de 2004, 30 prazas para profesores de lingua e literatura galegas no ensino secundario.

O proceso de selección será o de concurso-oposición e todas as persoas interesadas dispoñen para presentar as súas solicitudes dun prazo de 20 días naturais, contados a partir do seguinte ao da publicación desta convocatoria.

Se desexa máis información sobre o temario e o proceso de selección, prema aquí.



25/03/2004. CURSOS E CONGRESOS

Curso de linguaxe administrativa-técnicas de redacción

A Escola Galega de Administración pública convoca un curso de linguaxe administrativa e técnicas de redacción para persoal de Administración local.

O curso, de 21 horas de duración, desenvolverase a finais de abril de 2004 nas aulas de formación da Deputación Provincial de Lugo. O prazo de presentación de solicitudes remata o vindeiro 7 de abril.

Se desexa máis información, prema aquí.

23/03/2004. OUTRAS

Recoñecemento europeo para Ponte... nas ondas!

A Asemblea Xeral do EBLUL (Axencia Europea para as Linguas Menos Estendidas) aproba por unanimidade unha resolución na que se recoñece e felicita o labor da Asociación Cultural e Pedagóxica Ponte... nas Ondas!
(Máis información)
22/03/2004. EMPREGO

Bolsas de colaboración no Centro Ramón Piñeiro

A Consellaría de Educación e Ordenación Universitaria publica, no DOG do 22 de marzo de 2004, a convocatoria de bolsas de colaboración nos diferentes proxectos de investigación que neste momento se están a desenvolver no Centro Ramón Piñeiro para a Investigación en Humanidades.
(Máis información)
17/03/2004. AXUDAS E PREMIOS

Axudas á produción editorial en lingua galega

A Consellaría de Cultura, Comunicación Social e Turismo publica, no DOG do 17 de marzo de 2004, unha convocatoria de subvencións destinadas a fomentar a edición de obras en galego, a tradución ao galego e a edición noutras linguas de obras publicadas orixinariamente en galego.

Se desexa consultar esta convocatoria, prema aquí.
10/03/2004. DINAMIZACIóN

As linguas de Francia

Créase en Internet un novo portal para a difusión das linguas de Francia.
O web achega información cartográfica, lingüística e bibliográfica sobre todas as linguas contempladas no Informe Cerquiglini.

Se desexa coñecelo, prema aquí.
05/03/2004. DINAMIZACIóN

Novos recursos educativos para traballar contidos de lingua no ensino

A Coordenadora de Ensino Area Negra presenta no seu web a nova proposta didáctica Outro mundo é posíbel, existen outros camiños, que no apartado de normalización lingüística inclúe ligazóns a diferentes recursos didácticos para traballar no ensino os temas de sociolingüística.

Se desexa máis información sobre esta proposta didáctica, prema aquí.

04/03/2004. DINAMIZACIóN

Lingua Viva 38

Sae á luz un novo número de Lingua Viva, boletín de normalización lingüística do Concello de Vigo, con información xeral sobre a planificación e normalización do galego e datos concretos sobre as actividades de dinamización lingüística que se están a desenvolver neste concello.
(Máis información)
04/03/2004. AXUDAS E PREMIOS

Premios literarios e de tradución

A Área de Normalización Lingüística da Universidade de Vigo organiza, dentro do seu programa de actividades de dinamización lingüística, a convocatoria de premios de poesía, relato curto, tradución literaria e tradución especializada.

O prazo de entrega de orixinais remata o vindeiro 14 de abril de 2004. Se desexa consultar as bases desta convocatoria, prema aquí.
03/03/2004. CURSOS E CONGRESOS

VI Xornadas de Orientación e Titoría

A Asociación Sócio-Pedagóxica Galega (AS-PG) e a Confederación Intersindical Galega (CIG) organizan estas xornadas de formación do profesorado, que terán lugar os vindeiros días 5 e 6 de marzo de 2004 no IES Fontiñas, en Santiago de Compostela.
(Máis información)
03/03/2004. CURSOS E CONGRESOS

Cursos de lingua e extensión cultural no exterior

A Consellaría de Educación e Ordenación Universitaria anuncia, no DOG do 3 de marzo de 2004, a convocatoria de cursos de lingua e extensión cultural galega para centros galegos, asociacións de galegos residentes no exterior e grupos de persoas interesadas no idioma e cultura de Galicia.

Se desexa consultar a convocatoria, prema aquí.
02/03/2004. DINAMIZACIóN

Novo número do Cartafol Dixital

Xa pode consultar en liña o número 12 do Cartafol Dixital, boletín mensual editado polo Servizo de Normalización Lingüística da Universidade de Santiago de Compostela.
(Máis información)
27/02/2004. EMPREGO

Bolsas de lingua, literatura e cultura galegas en universidades do Brasil

A Consellaría de Educación e Ordenación Universitaria publica, no DOG do 27 de febreiro de 2004, a convocatoria pública para a selección de profesorado bolseiro para a Universidade do Estado de Río de Janeiro e a Universidade Estadual do Ceará.

O prazo de presentación de solicitudes é de corenta días naturais, contados a partir do seguinte á publicación desta orde.
27/02/2004. INVESTIGACIóN

Léxico panlatino do comercio electrónico

Xa está accesible en Internet, en formato PDF, este novo produto terminográfico que contén arredor de 300 entradas en cada unha das seguintes linguas: catalán, español, francés, galego, inglés, italiano, portugués e romanés.

A obra está coordinada por Realiter e da versión en lingua galega ocupouse o Servizo de Terminoloxía Galega (Termigal). Se desexa consultar este léxico, prema aquí.
24/02/2004. CURSOS E CONGRESOS

Cursos de verán de lingua e cultura galegas

A Universidade de Vigo oferta un curso de lingua e cultura galegas para estranxeiros, que se dispensará do 5 ao 30 de xullo de 2004. O curso conta con 40 horas lectivas, das que 2O se destinarán a contidos de lingua e as outras 20 a coñecementos culturais, ademais das diferentes actividades e saídas lúdico-festivas que se organizarán para os asistentes.

Obterá máis información premendo aquí.
23/02/2004. CURSOS E CONGRESOS

X Congreso Linguapax “Diversidade lingüística, sostemento e paz”


O Institut Linguapax organiza o seu décimo congreso, que nesta ocasión xirará arredor destes tres eixes temáticos: a diversidade lingüística, o equilibrio lingüístico e a paz. O congreso desenvolverase en Barcelona os vindeiros 20-23 de maio, no marco do Foro Universal das Culturas – Barcelona 2004.

Se desexa coñecer o programa provisional ou inscribirse, prema aquí.
23/02/2004. CURSOS E CONGRESOS

Congreso Internacional “As linguas e o futuro de Europa: ideoloxías, políticas e prácticas”

A Universidade de Southampton (Reino Unido) organiza, os días 8-10 de xullo de 2004, este congreso internacional, onde se reflexionará sobre as consecuencias lingüísticas das previsíbeis tensións e conflitos que desencadeará a adhesión de dez novos estados á Unión Europea.

Para máis información, prema aquí.
20/02/2004. AXUDAS E PREMIOS

Axudas para a edición de materiais didácticos en lingua galega

A Consellaría de Educación e Ordenación Universitaria publica, no DOG do 20 de febreiro de 2004, a convocatoria de axudas a empresas editoriais para a creación, tradución e adaptación de materiais didácticos, para o ensino non universitario, impresos en lingua galega.

Se desexa consultar a convocatoria, prema aquí.
19/02/2004. DINAMIZACIóN

Galego en liña

Consulte este novo web, elaborado pola Área de Normalización Lingüística da Universidade de Vigo e pensado para ofrecer asesoramento lingüístico a través de Internet.

Galego en liña achega información sobre ortografía, gramática, léxico e estilo da lingua galega, ao tempo que ofrece a posibilidade de realizar consultas lingüísticas por correo electrónico.
18/02/2004. EMPREGO

Selección de persoal docente para impartir un curso de linguaxe administrativa galega

O Concello de Santiago, dentro do seu Plan de Formación Continua, está a organizar a actividade formativa Linguaxe Administrativa Nivel Medio, dirixida ao persoal do propio concello con funcións técnicas e administrativas.

Para isto, precísanse expertos docentes nesta materia que estean interesados en impartir este curso.
(Máis información)

18/02/2004. CURSOS E CONGRESOS

Novos cursos de lingua galega na Universidade de Vigo

A Área de Normalización Lingüística da Universidade de Vigo presenta a súa propia oferta de formación lingüística para o segundo cuadrimestre do curso académico 2003-2004. Trátase de 6 novos cursos de lingua galega destinados aos diferentes sectores da comunidade universitaria que se desenvolverán nas seguintes modalidades: presencial, non presencial ou bimodal.
12/02/2003. AXUDAS E PREMIOS

Axudas para os equipos de normalización lingüística dos centros de ensino público

A Consellaría de Educación e Ordenación Universitaria convoca axudas para os equipos de normalización lingüística dos centros de ensino público, destinadas a aumentar o uso do galego e a formación lingüística no ámbito educativo.

Se desexa consultar a convocatoria, prema aquí.