A Deputación de Ourense publica, no BOP do 13 de xuño de 2022, as bases da convocatoria para a provisión en propiedade dunha praza de tradutor/a de lingua galega (A1). O sistema de selección é o de oposición libre. Os/as aspirantes deben estar en posesión do título universitario de grao en Ciencias da Linguaxe e Estudos Literarios (galego e español), estudos de galego e español, de galego e portugués: estudos lingüísticos e literarios, lingua e literatura galegas, tradución e interpretación ou equivalentes ou calquera outro título oficial universitario nivel 3 do marco español de cualificacións para a educación superior (nivel 7 do marco europeo de cualificacións) en calquera rama do coñecemento. O prazo de inscrición é de 20 días naturais, contados a partir da publicación do anuncio no BOE.
15/06/2022. EMPREGO
10/06/2022. DINAMIZACIóN
O Servizo de Normalización Lingüística do Concello de Ames organiza a terceira edición da súa Festa do Apego, unha actividade lúdica, dirixida ao público infantil e ás súas familias, que ten como obxectivo fomentar a transmisión interxeracional da lingua e crear novos espazos de uso para o galego no ámbito do lecer. O programa inclúe música, contos, mostras de recursos lúdico-educativos e xogos. O encontro terá lugar o sábado 18 de xuño no Pazo da Peregrina (Bertamiráns). O prazo de inscrición está aberto ata o 16 de xuño. Podes obter máis información sobre esta iniciativa, así como sobre os trámites de inscrición, premendo aquí.
10/06/2022. AXUDAS E PREMIOS
O Servizo de Normalización Lingüística do Concello de Oleiros convoca a segunda edición do Premio TikTok, para estimular a creatividade entre a mocidade, fomentar a creación de contidos audiovisuais en galego e contribuír á creación dunha comunidade galega en TikTok. O certame está dirixido a todos os rapaces e rapazas da ESO e bacharelato escolarizados/as no Concello de Oleiros. Os vídeos deben ser de creación propia, estar realizados a través da aplicación TikTok e ter unha temática relacionada coa literatura galega, a lingua ou a situación sociolingüística. A duración de cada peza non debe superar 1 minuto de duración. Outorgaranse dous premios tecnolóxicos en cada unha das tres categorías (establecidas segundo o curso ao que pertenza o/a alumno/a). O prazo de inscrición será de 20 días naturais, contados a partir do día seguinte á publicación das bases no Boletín Oficial da Provincia da Coruña.
09/06/2022. AXUDAS E PREMIOS
A Consellería de Cultura, Educación, Formación Profesional e Universidades convoca os Premios da Cultura Galega para o ano 2002, nas seguintes modalidades: Letras, Artes Visuais, Artes Escénicas, Música, Lingua, Patrimonio Cultural e Proxección Exterior. Concretamente, o premio da modalidade de Lingua está dirixido a persoas, colectivos ou entidades de ampla traxectoria no ámbito da promoción da lingua galega. As candidaturas só poderán ser presentadas por institucións e entidades culturais ou profesionais, públicas ou privadas, relacionadas co obxecto de cada premio, sen que os candidatos se poidan postular a si mesmos. O prazo de presentación de candidaturas será de dous meses, contados desde o día seguinte ao da publicación da convocatoria no Diario Oficial de Galicia.
09/06/2022. LEXISLACIóN
O Concello de Valdoviño publica, no BOP do 9 de xuño de 2022, a súa ordenanza municipal de uso social da lingua galega, que regula os usos lingüísticos polos que debe rexerse o concello, así coma as empresas adxudicatarias, concesionarias ou contratadas cando actúen en función desa adxudicación, concesión ou contrato, e tamén as de explotación mixta. No Kit para a normalización en rede podes consultar a listaxe completa de ordenanzas e regulamentos lingüísticos en vigor na Administración local galega.
09/06/2022. DINAMIZACIóN
A Real Academia Galega e a Secretaría Xeral de Política Lingüística da Xunta de Galicia presentan a quinta edición da campaña Toponimízate. Falámosche dos nomes da túa terra, deseñada co obxectivo de preservar e divulgar o patrimonio toponímico galego. A principal acción da campaña consiste na organización de charlas divulgativas, que nesta edición terán lugar en 17 concellos galegos onde a microtoponimia está en especial risco de desaparición. Así mesmo, os/as asistentes a estas charlas terán a ocasión de familiarizarse coa plataforma colaborativa Galicia Nomeada, grazas á cal foi posible recuperar máis de 43000 microtopónimos desde o seu lanzamento público, a finais do 2019. Para ampliar información, preme aquí.
08/06/2022. DINAMIZACIóN
O Concello de Ourense, en colaboración coa Secretaría Xeral de Política Lingüística, convoca a décimo terceira edición do Certame Ouff Escola, que ten como obxectivos impulsar o uso do idioma galego entre a mocidade, fomentar a creatividade audiovisual e promover o traballo en equipo. Poderán participar centros educativos públicos e privados de ensino non universitario de Galicia, así como aqueles de fóra de Galicia que teñan materias en lingua galega. Os/as participantes deben elaborar obras audiovisuais en lingua galega de ata 20 minutos de duración. O prazo de inscrición remata o 8 de xullo de 2022. Para consultar as bases completas, preme aquí.
08/06/2022. DINAMIZACIóN
Caldas de Reis pon en marcha a campaña de dinamización lingüística "Eu merco en galego", orientada a premiar o uso da lingua galega e a impulsar a súa presenza no sector económico municipal.
A proposta consta de dúas accións que se van desenvolver paralelamente. Por unha parte, entre o 10 e o 30 de xuño, "Falo e gaño co galego", na que se distribuirán materiais promocionais polo comercio e a pequena empresa, así como premios entre a clientela que empregue a lingua galega nas súas compras. Pola outra, "Sacamos o sombreiro ao galego", unha instalación na rúa que permanecerá todo o verán e suporá pendurar 1400 sombreiros con lemas nas vías comerciais polas que transcorre o Camiño de Santiago.
A proposta consta de dúas accións que se van desenvolver paralelamente. Por unha parte, entre o 10 e o 30 de xuño, "Falo e gaño co galego", na que se distribuirán materiais promocionais polo comercio e a pequena empresa, así como premios entre a clientela que empregue a lingua galega nas súas compras. Pola outra, "Sacamos o sombreiro ao galego", unha instalación na rúa que permanecerá todo o verán e suporá pendurar 1400 sombreiros con lemas nas vías comerciais polas que transcorre o Camiño de Santiago.
07/06/2022. AXUDAS E PREMIOS
A Coordinadora de Traballadores/as de Normalización da Lingua organiza un acto público de entrega dos III Premios Mil Primaveras, que será conducido pola narradora María da Pontragha e terá lugar o vindeiro 11 de xuño de 2022 ás 11:30 horas na Igrexa do Convento de Santa Clara de Pontevedra. Estes premios teñen como obxectivo a difusión e posta en valor de proxectos que, polo súa calidade, poidan servir de modelo de boas prácticas no ámbito da normalización lingüística. Para ampliar información preme aquí.
07/06/2022. CURSOS E CONGRESOS
A Academia Galega de Seguridade Pública convoca un curso superior e dous cursos medios de linguaxe administrativa galega, dirixidos a policías locais de Galicia e demais persoal da seguridade pública que traballa nesta Comunidade Autónoma (Garda Civil, Policía Nacional e Unidade da Policía Autonómica). O prazo de presentación de solicitudes remata o 23 de xuño de 2022. Para consultar o texto completo da convocatoria, preme aquí.
07/06/2022. AXUDAS E PREMIOS
O xurado dos Premios Lois Peña Novo fixo públicos os/as galardoados/as da edición de 2022, en recoñecemento ao seu traballo de normalización do galego no eido das administracións públicas e da vida institucional de Galicia. Nesta edición os/as premiados/as son o músico Rodrigo Romaní, a doutora en bioloxía María Luisa Castro e a asociación Nova Escola Galega. O acto público de entrega dos galardóns terá lugar o vindeiro 30 de xuño en Soutomaior.
07/06/2022. INVESTIGACIóN
Preséntase Ideas para un plurilingüismo dende o galego no Concello de Ames, un traballo realizado polo Seminario de Sociolingüística da Real Academia Galega, María López-Sandez e Bieito Silva, coa colaboración da Secretaría Xeral de Política Lingüística.
Este manual xorde como resposta a demandas realizadas polo profesorado dos centros educativos amesáns durante o proceso de elaboración do Mapa sociolingüístico escolar de Ames. Recolle diagnoses, información sobre o plurilingüismo no mundo e orientacións para traballar nas aulas co galego como eixe vertebrador da diversidade lingüística.
Este manual xorde como resposta a demandas realizadas polo profesorado dos centros educativos amesáns durante o proceso de elaboración do Mapa sociolingüístico escolar de Ames. Recolle diagnoses, información sobre o plurilingüismo no mundo e orientacións para traballar nas aulas co galego como eixe vertebrador da diversidade lingüística.
03/06/2022. CURSOS E CONGRESOS
O luns 13 de xuño de 2022, o Consello da Cultura Galega organiza a xornada "Aquí medra a lingua. Experiencias de dinamización do galego no ensino". Trátase da presentación dun documental producido a partir da serie de audiovisuais realizados co mesmo nome sobre seis proxectos de centros escolares de Galicia. O encontro servirá tamén para a reflexión sobre prácticas, metodoloxías e formas de avanzar na normalización lingüística desde o ámbito educativo.
Xa está aberta a inscrición. As prazas son limitadas.
Xa está aberta a inscrición. As prazas son limitadas.
03/06/2022. AXUDAS E PREMIOS
Co lema "Para rede, a nosa!", convócase a 6ª edición do premio Youtubeiras, un certame dirixido a potenciar a creación de vídeos na rede social máis relevante neste ámbito a nivel mundial.
A convocatoria de 2022 vai repartir 7500 € entre oito categorías, ademais de desenvolver paralelamente múltiples actividades de formación e intercambio de experiencias. O prazo para inscribir as canles vai do 27 de setembro de 2022 ao 15 de novembro de 2022 ás 23:59 h. Toda a información e o formulario de inscrición poden consultarse na web oficial.
A convocatoria de 2022 vai repartir 7500 € entre oito categorías, ademais de desenvolver paralelamente múltiples actividades de formación e intercambio de experiencias. O prazo para inscribir as canles vai do 27 de setembro de 2022 ao 15 de novembro de 2022 ás 23:59 h. Toda a información e o formulario de inscrición poden consultarse na web oficial.
03/06/2022. CURSOS E CONGRESOS
O 17 de xuño de 2022 vai ter lugar na Casa da lusofonía de Vigo un novo colóquio entre xente nova de oito territorios de fala portuguesa ou lusófona. O obxectivo é dinamizar o intercambio lingüístico e cultural para afortalar o coñecemento mutuo entre as diversas comunidades que os integran.
A iniciativa parte da Juventude Unida dos Países de Lingua Portuguesa e nela participa unha representación de Galicia, que se uniu ao proxecto en novembro de 2021.
A iniciativa parte da Juventude Unida dos Países de Lingua Portuguesa e nela participa unha representación de Galicia, que se uniu ao proxecto en novembro de 2021.
03/06/2022. AXUDAS E PREMIOS
Acaban de darse a coñecer os proxectos premiados no II Concurso de vídeos divulgativos en galego de química sostible, organizados pola Comisión de Normalización Lingüística da Facultade de Química da USC, co apoio do Servizo de Normalización Lingüística.
O primeiro premio foi para "Microextracción Dispersiva Líquido-Líquido", de Pamela Cabarcos Fernández e Iván Álvarez Freire. "O futuro está no asombroso tesouro agochado nos refugallos!", de María Celeiro Montero, Aly Castillo Zamora e Laura Rubio Lareu, obtivo o segundo premio e "Química biolóxica ao rescate" o terceiro.
O primeiro premio foi para "Microextracción Dispersiva Líquido-Líquido", de Pamela Cabarcos Fernández e Iván Álvarez Freire. "O futuro está no asombroso tesouro agochado nos refugallos!", de María Celeiro Montero, Aly Castillo Zamora e Laura Rubio Lareu, obtivo o segundo premio e "Química biolóxica ao rescate" o terceiro.
01/06/2022. AXUDAS E PREMIOS
O xurado do XIII Premio Rosalía de Castro de Lingua anunciou que as persoas, entidades e proxectos galardoados nesta edición son a escritora María Canosa, na categoría de persoas que destacan na promoción da lingua galega de calidade; a Asociación de Escritoras e Escritores en Lingua Galega (AELG), na categoría de entidades que destacan na promoción do galego; e Brazolinda, na categoría de proxectos de dinamización lingüística dirixidos especificamente aos sectores de menor idade (infancia e mocidade). Este premio está promovido pola Deputación da Coruña e ten como obxectivo recoñecer o labor de persoas, colectivos e entidades que destacan polo seu compromiso coa promoción e dignificación do idioma galego. Podes ampliar información premendo aquí.
31/05/2022. INVESTIGACIóN
O Consello da Cultura Galega, o Institut Ramon Llull, o Extepare Euskal Institutua e o Instituto Cervantes promoverán, cunha periodicidade bianual, a realización dun informe sobre a situación das linguas oficiais do Estado español. A elaboración deste estudo permitirá obter indicadores estatísticos comúns a todos os idiomas oficiais, o que facilitará a formulación de conclusións conxuntas de carácter propositivo. Así o acordaron o pasado mércores, 25 de maio de 2022, nunha reunión que mantiveron en Santiago de Compostela os/as representantes das citadas institucións. Podes ampliar información premendo aquí.
27/05/2022. AXUDAS E PREMIOS
O 31 de maio remata o prazo para presentar solicitudes ao programa de subvencións a empresas audiovisuais para apoiar a distribución, comercialización e exhibición audiovisual en lingua galega na provincia da Coruña durante o ano 2022.
Esta convocatoria contempla dúas modalidades, unha de apoio aos contidos audiovisuais galegos (longametraxes, curtametraxes, documentais, etc. feitas en Galicia) para a súa distribución e exhibición en lingua galega (VO, VOSG ou dobraxe); e outra para a distribución en lingua galega (VO, VOSG ou dobraxe) de contidos audiovisuais non galegos.
Esta convocatoria contempla dúas modalidades, unha de apoio aos contidos audiovisuais galegos (longametraxes, curtametraxes, documentais, etc. feitas en Galicia) para a súa distribución e exhibición en lingua galega (VO, VOSG ou dobraxe); e outra para a distribución en lingua galega (VO, VOSG ou dobraxe) de contidos audiovisuais non galegos.
25/05/2022. EMPREGO
La Región busca profesionais para a elaboración, corrección e tradución de textos ao galego. As persoas interesadas poden enviar o seu currículo a: producciontv@op.laregion.es.
24/05/2022. EMPREGO
O Consello da Cultura Galega publica a convocatoria de tres bolsas de colaboración en diferentes proxectos de investigación que se están a desenvolver nesta entidade, un deles de perfil lingüístico, ádscrito á Área de Publicacións (1 bolsa). Para optar a esta bolsa cómpre estar en posisión do título de licenciatura ou grao en Filoloxía Galega, Galego-Portuguesa, Lingua e Literatura Galegas, ou titulacións equivalentes. As bolsas finalizarán o 31 de xullo de 2023 e terán unha duración máxima de catorce meses. O prazo de presentación de solicitudes é dun mes contado a partir do día seguinte ao da publicación desta convocatoria.
23/05/2022. INVESTIGACIóN
Segundo as conclusións do último estudo de ELE, publicado no mes de febreiro de 2022, existe unha brecha importante co catalán e o éuscaro en canto a presenza na web e no número de produtos e tecnoloxías desenvolvidos en lingua galega, especialmente os relacionados con datos de tipo multimedia ou do ámbito da saúde. Nelas, recóllese tamén a necesidade dun maior interese polas linguas cooficiais en xeral dentro das estratexias do Goberno de España.
Para ampliar a información, consulta o informe sobre a lingua galega.
Para ampliar a información, consulta o informe sobre a lingua galega.
20/05/2022. OUTRAS
Barcelos acolle, entre o 10 e o 12 de xuño, o Festival Internacional de Teatro em Línguas Minoritárias. Haberá representacións e debates, co fin de potenciar espazos de expresión e servir de punto de encontro multicultural. Nesta primeira edición, o programa inclúe unha peza na Fala do val do Xálima.
19/05/2022. AXUDAS E PREMIOS
A Deputación da Coruña publica a resolución definitiva das subvencións a concellos e entidades locais da provincia da Coruña para a creación, mantemento e reforzo dos servizos de normalización lingüística durante o ano 2022. Podes consultar o texto completo da resolución, coa listaxe de entidades beneficiarias, premendo aquí.
18/05/2022. EMPREGO
O Concello de Cedeira publica a convocatoria para a ampliación da súa bolsa de traballo para a contratación laboral temporal, ou nomeamentos interinos, como técnico/a de normalización lingüística. O sistema de provisión é un concurso de méritos e mais unha entrevista curricular. Os/as aspirantes deben estar en posesión do grao en Lingua Galega, das licenciaturas en Filoloxía Galega ou Filoloxía Hispánica (subsección Galego-Portugués), ou calquera outra titulación de grao/licenciatura equivalente (neste último caso, deben acreditar o Celga 5). O prazo de presentación de solicitudes é de dez días naturais, contados a partir do seguinte ao da publicación da convocatoria no BOP.
18/05/2022. AXUDAS E PREMIOS
A Consellería de Cultura, Educación e Universidade publica a convocatoria de subvencións para a edición en lingua galega de recursos didácticos curriculares, realizados en soportes impresos ou dixitais, para niveis non universitarios. As axudas están dirixidas ás empresas mercantís do sector editorial e o prazo para a presentación de solicitudes é dun mes, contado a partir do día seguinte ao da publicación da convocatoria.
18/05/2022. EMPREGO
A Universidade de Santiago de Compostela publica as bases da convocatoria para elaborar unha listaxe de agarda para cubrir temporalmente postos da categoría profesional técnico/a superior de linguas modernas, perfil galego-portugués (grupo I). O proceso selectivo será o concurso-oposición. Para participar na convocatoria cómpre estar en posesión do título universitario de grao, doutor, licenciado, arquitecto, enxeñeiro ou equivalentes. O prazo de presentación de solicitudes remata o 23 de maio de 2022. Para consultar o texto completo da convocatoria, preme aquí.
13/05/2022. DINAMIZACIóN
A Asociación Cultural e Pedagóxica Ponte...nas ondas! presenta o proxecto “Memoria e patrimonio”, un volume de carácter didáctico coordinado por Xerardo Feijoo, que compila 25 fotografías seleccionadas entre as recollidas no certame escolar “As imaxes do patrimonio”. Cada imaxe preséntase acompañada dun texto explicativo redactado polo propio alumnado e mais dunha banda deseñada do ilustrador Andrés Meixide. O obxectivo desta iniciativa, elaborada ao abeiro do Fondo de Proxectos Culturais en lingua galega Xacobeo 2021-2022, é difundir entre os centros educativos o patrimonio inmaterial e a memoria compartida que atesouran Galicia e o norte de Portugal.
13/05/2022. DINAMIZACIóN
O pasado luns, 9 de maio, a Xunta de Galicia inaugurou en Valdeorras a mostra “Compromiso na distancia”, un percorrido pola vida e obra do autor homenaxeado nas Letras Galegas 2022, Florencio Delgado Gurriarán, na que se inclúen fotografías orixinais do seu arquivo familiar. A exposición percorrerá outras nove localidades galegas durante os vindeiros meses, acollida en varios centros da Rede Galega de Bibliotecas de Galicia e concellos da Rede de Dinamización Lingüística. Concretamente, despois de deixar Valdeorras chegará a Santiago de Compostela, A Coruña, Chantada, Vigo, Ourense, O Barco de Valdeorras, Lugo, Pontevedra e Celanova. Para ampliar información preme aquí.
13/05/2022. DINAMIZACIóN
A Asociación de Medios en Galego (AMEGA), Dinahosting e PuntoGal suman forzas para lanzar a campaña Subscríbete ao galego. Esta iniciativa, destinada a mellorar a presenza da lingua galega nos espazos de información na rede, ofrece de balde un dominio .gal e un aloxamento web para ese dominio durante un ano a quen se subscriba aos medios de comunicación participantes: Nós Diario, Radiofusión, Tempos Novos, Praza, Luzes, O Sil, Revista Mazarelos, Nós TV, O Barbanza e Código Cero. Para favorecerse desta oferta, cómpre realizar a subscrición entre os días 17 e 31 de maio de 2022.