O 28 de xuño de 1922 a Editorial Nós publicaba o manifesto Máis alá!, asinado polo poeta Manuel Antonio e o debuxante Álvaro Cebreiro, que segue a simbolizar, cen anos despois, un claro compromiso coa liberdade creativa e co idioma galego. Para conmemorar o centenario deste importante manifesto, o Servizo de Normalización Lingüística do Concello de Vigo organiza o paseo “100 anos do manifesto Máis alá!”, no que o público asistente terá ocasión de descubrir os lugares relacionados coa estadía de Manuel Antonio en Vigo. A actividade terá lugar o vindeiro sábado, 19 de novembro de 2022, a partir das 11:00 horas. A asistencia é libre e non se precisa inscrición previa. Para ampliar información, preme aquí.
14/11/2022. DINAMIZACIóN
11/11/2022. INVESTIGACIóN
O Departamento de Filoloxía Galega e Latina da Universidade de Vigo presentou publicamente Cumieira das Letras, unha nova publicación periódica que terá unha periodicidade anual e recollerá traballos científicos en galego sobre a lingua, literatura e cultura galegas. O primeiro número, dedicado á figura de Álvaro Cunqueiro, xa está accesible en liña.
Con esta nova revista complétase un proxecto que comezou hai xa sete anos co nacemento de Cumieira. Cadernos de investigación da Nova Filoloxía Galega, a “irmá xemelga” creada para divulgar os traballos dos/as investigadores/as máis novos/as.
Se o desexas, no Diario da Universidade de Vigo podes ampliar información.
Con esta nova revista complétase un proxecto que comezou hai xa sete anos co nacemento de Cumieira. Cadernos de investigación da Nova Filoloxía Galega, a “irmá xemelga” creada para divulgar os traballos dos/as investigadores/as máis novos/as.
Se o desexas, no Diario da Universidade de Vigo podes ampliar información.
11/11/2022. DINAMIZACIóN
Coincidindo coa conmemoración do Mes da Ciencia en Galego, a Área de Normalización Lingüística da Deputación da Coruña presenta a segunda edición da campaña #AsPalabrasdaCiencia, unha iniciativa dirixida a todos os públicos e deseñada para divulgar nas redes sociais da deputación provincial (Facebook, Twitter e Instagram) contidos e información relacionada coa ciencia que se fai en galego. A maiores, entre as persoas que colaboren divulgando a campaña sortearase un telescopio e tres lotes de libros de temática científica.
Para ampliar información, preme aquí.
Para ampliar información, preme aquí.
11/11/2022. OUTRAS
O Parlamento de Galicia aprobou, co apoio unánime dos tres grupos políticos con representación parlamentaria, unha declaración institucional na que “agradece e recoñece o labor de Ponte...nas ondas! a prol da salvagarda do noso patrimonio inmaterial e apoia a inscrición do modelo Ponte...nas ondas! no rexistro das boas prácticas co PCI da UNESCO”.
Esta declaración súmase aos diferentes apoios que esta asociación pedagóxica e cultural está a recibir nos días previos á celebración do 17 Comité Intergobernamental para a Salvagarda do Patrimonio Cultural Inmaterial, no que se decidirá se se inscribe o proxecto Ponte... nas ondas! no Rexistro de Boas Prácticas de Salvagarda do Patrimonio Cultural Inmaterial (PCI) da Unesco, tras a presentación oficial conxunta en 2021 da súa candidatura por parte dos gobernos de España e Portugal.
Esta declaración súmase aos diferentes apoios que esta asociación pedagóxica e cultural está a recibir nos días previos á celebración do 17 Comité Intergobernamental para a Salvagarda do Patrimonio Cultural Inmaterial, no que se decidirá se se inscribe o proxecto Ponte... nas ondas! no Rexistro de Boas Prácticas de Salvagarda do Patrimonio Cultural Inmaterial (PCI) da Unesco, tras a presentación oficial conxunta en 2021 da súa candidatura por parte dos gobernos de España e Portugal.
11/11/2022. DINAMIZACIóN
A Escola Oficial de Idiomas de Santiago, co apoio da Secretaría Xeral de Política Lingüística da Xunta de Galicia, presenta o proxecto play.ari[t]mar, un repositorio web dirixido á mocidade que compila máis dun cento de creacións poéticas e musicais dos artistas que participaron nas diferentes edicións do certame aRi[t]mar. A iniciativa aRi[t]mar é un proxecto didáctico e cultural, promovido desde 2016 pola EOI de Santiago de Compostela, co obxectivo de afianzar os vínculos lingüísticos e culturais entre Galicia e Portugal.
Podes ampliar información premendo aquí.
Podes ampliar información premendo aquí.
10/11/2022. AXUDAS E PREMIOS
Baixo o lema “Prende o galego. Brilla con luz propia”, o Concello de Santiago de Compostela e a Cámara de Comercio convocan a vixésimo terceira edición dos Premios Manuel Beiras, que teñen como finalidade recoñecer o compromiso coa normalización lingüística no sector empresarial compostelán, premiando o uso do galego na comunicación comercial nas seguintes categorías: "empresa cun uso continuado da lingua galega", "empresa de nova incorporación ao uso da lingua galega" e "empresa innovadora no uso do galego". Poden concorrer a este premio as empresas radicadas do concello de Santiago de Compostela, entendendo aquelas que teñen a súa sede social no municipio ou que realizan unha importante actividade nel. As empresas poderán presentar directamente a súa candidatura ou seren propostas por calquera outra persoa ou entidade. O acto oficial de entrega de premios terá lugar o 19 de decembro de 2022 no Teatro Principal, ás 20 h.
No sitio web da iniciativa atoparás as bases completas da convocatoria, instrucións para presentar as candidaturas e información sobre edicións anteriores.
No sitio web da iniciativa atoparás as bases completas da convocatoria, instrucións para presentar as candidaturas e información sobre edicións anteriores.
10/11/2022. CURSOS E CONGRESOS
O vindeiro 17 de novembro de 2022 terá lugar a xornada “Lingua galega e sociedade na Educación Secundaria”, onde se compartirán e debaterán os datos obtidos durante o traballo de campo do proxecto de investigación “Lingua e sociedade no ensino secundario obrigatorio e no bacharelato. Práctica docente, formación, expectativas de futuro, demandas e propostas de mellora entre o profesorado”, promovido pola Universidade de Vigo e a Deputación de Pontevedra. As sesións terán lugar no salón de plenos da Deputación de Pontevedra e a inscrición é de balde. Para ampliar información sobre a xornada preme aquí.
No Diario da Universidade de Vigo tamén podes obter máis información sobre o proxecto de investigación no que se inscriben.
No Diario da Universidade de Vigo tamén podes obter máis información sobre o proxecto de investigación no que se inscriben.
10/11/2022. OUTRAS
O pasado sábado, 5 de novembro de 2022, o filólogo Gonzalo Navaza ingresou como membro de número na Real Academia Galega e fíxoo cun discurso sobre os topónimos de Lalín que teñen a súa orixe nun antropónimo. Este discurso está accesible en Internet na publicación Nomes de persoa na toponimia de Lalín, que tamén inclúe a resposta do académico Antón Santamarina. Na páxina web da RAG podes ampliar esta información.
10/11/2022. CURSOS E CONGRESOS
O pasado 20 de outubro de 2022 tiveron lugar os XXIV Encontros para a Normalización Lingüística, nos que diferentes creadoras e creadores do país debateron sobre como tecer redes no sector artístico para potenciar a lingua de xeito cooperativo. Agora xa podes acceder en liña a todas estas intervencións nos vídeos dos XXIV Encontros, tanto a través da páxina web do CCG como da súa canle de Youtube.
09/11/2022. DINAMIZACIóN
A Deputación de Pontevedra publica as bases de creación do Catálogo de grupos Musigal, deseñado para contribuír á difusión e á promoción da música galega e en galego nos concellos da provincia de Pontevedra. Ao abeiro deste programa crearase un catálogo de grupos musicais profesionais que fagan música galega e en galego nos seus concertos ou, no caso de ser instrumentais, que as súas pezas sexan de autoría galega. Posteriormente, este catálogo ofertaráselles aos concellos da provincia para que poidan solicitar a actuación dos grupos. O catálogo terá unha vixencia indefinida mentres estea en vigor o programa “Musigal”. O prazo de presentación de solicitudes de inclusión, baixa ou modificación de datos neste catálogo é do 15 de novembro ata o 1 de decembro de cada ano natural. Podes consultar as bases completas do programa premendo aquí.
08/11/2022. DINAMIZACIóN
A Secretaría Xeral de Política Lingüística convoca unha nova edición do Concurso para elaborar a exposición sobre o autor homenaxeada o Día das Letras Galegas, dirixido aos centros de ensino público non universitario. Os/as participantes deben elaborar unha exposición relacionada coa obra, época e lingua do autor homenaxeado no Día das Letras Galegas 2023, Francisco Fernández del Riego, e/ou a situación sociolingüística da etapa histórica na que viviu. O concurso consta de dúas categorías, unha para os centros de educación infantil e primaria e outra para os restantes (educación secundaria obrigatoria, bacharelato, formación profesional e ensinanzas de réxime especial). Outorgarase un premio en metálico de 2.000 euros para cada categoría. O prazo de presentación dos traballos remata o 20 de xaneiro de 2023. Para obter máis información, preme aquí.
07/11/2022. INVESTIGACIóN
A Comisión de Normalización Lingüística da Facultade de Química, co apio do Servizo de Normalización Lingüística da USC, está a organizar a II Xuntanza de Investidador@s Nov@s no ámbito da Química, que terá lugar o 25 e 26 de xaneiro de 2023, na Facultade de Química da USC. Trátase dunhas sesións abertas de comunicacións orais nas que a mocidade investigadora no ámbito da química terá ocasión de expoñer, en lingua galega e cun enfoque divulgativo, algúns aspectos dos seus traballos de investigación. A xuntanza está dirixida aos estudantes de máster ou de programas de doutoramento da USC relacionados co ámbito da química. O prazo de inscrición remata o 30 de novembro de 2022.
04/11/2022. DINAMIZACIóN
A Xunta de Galicia organiza unha nova edición do programa Novembro, mes da ciencia en galego nas bibliotecas, que inclúe máis de 40 iniciativas (obradoiros, experimentos, contacontos, charlas e mostras bibliográficas) deseñadas para contribuír á divulgación científica en galego nas bibliotecas públicas e escolares. Igual ca en edicións anteriores, o programa de actividades está acompañado dun manifesto, que nesta ocasión asina o profesor, investigador e divulgador da USC José Tubío.
A maiores, tamén atoparás en Internet unha compilación de materiais didácticos e bibliografía de referencia en galego de temática científica.
A maiores, tamén atoparás en Internet unha compilación de materiais didácticos e bibliografía de referencia en galego de temática científica.
04/11/2022. CURSOS E CONGRESOS
A Fundación Manuel Giménez Abad, xunto co Forum of Federations, a Embaixada de Canadá en España, Eurac Research e o Observatorio de Derecho Público, organiza, o vindeiro 9 de novembro de 2022, a xornada "La política lingüística en los países federales y descentralizados".
Este evento require inscrición tanto para a asistencia presencial coma para o seguimento a través de Zoom. Consulta o programa e toda a información na súa páxina web.
Este evento require inscrición tanto para a asistencia presencial coma para o seguimento a través de Zoom. Consulta o programa e toda a información na súa páxina web.
04/11/2022. DINAMIZACIóN
O Concello de Melide está a desenvolver, en colaboración coas empresas de servizos fúnebres do municipio (funerarias, marmoreiras e florerías), a campaña “Melide agora e sempre en galego”, co obxectivo de fomentar o uso do noso idioma nos actos fúnebres, derradeiras vontades, placas mortuorias e necrolóxicas. As empresas adheridas á campaña contarán co apoio do Servizo de Normalización Lingüística do Concello de Melide e, a maiores, recibirán tamén un Manual de recursos en lingua galega para actos funerarios.
Esta iniciativa enmárcase no conxunto de accións que durante este mes de novembro están a promover a Asociación de Funcionarios para a Normalización Lingüística e mais a Secretaría Xeral de Política Lingüística ao abeiro da celebración do Día da Restauración da Memoria Lingüística de Galicia.
Se desexas ampliar información, preme aquí.
Esta iniciativa enmárcase no conxunto de accións que durante este mes de novembro están a promover a Asociación de Funcionarios para a Normalización Lingüística e mais a Secretaría Xeral de Política Lingüística ao abeiro da celebración do Día da Restauración da Memoria Lingüística de Galicia.
Se desexas ampliar información, preme aquí.
04/11/2022. CURSOS E CONGRESOS
O Colexio de Avogados de Santiago de Compostela celebra unha nova edición da Xornada Xustiza e Lingua, dirixida a profesionais dos servizos lingüísticos e da xustiza, a alumnado das escolas de práctica xurídica e de Dereito e a persoas interesadas en xeral.
A cita, centrada na reflexión e as propostas arredor da normalización lingüística no ámbito xurídico, terá lugar o 7 de novembro de 2022, ás 20 h, no salón de actos do Colexio de Avogados. A inscrición é de balde e limitada a 80 persoas.
A cita, centrada na reflexión e as propostas arredor da normalización lingüística no ámbito xurídico, terá lugar o 7 de novembro de 2022, ás 20 h, no salón de actos do Colexio de Avogados. A inscrición é de balde e limitada a 80 persoas.
03/11/2022. OUTRAS
Se non es un experto en informática pero es desas persoas ás que lles gusta estar sempre ao día das novidades tecnolóxicas, en omeupc.gal poderás consultar todo tipo de información sobre os programas e aplicacións que acostumamos instalar nos nosos equipos informáticos e, ademais, poderás facelo en galego. Os contidos deste novo espazo web, distribuídos baixo licenza Creative Commons, teñen carácter divulgativo e están dirixidos ao público xeral.
03/11/2022. AXUDAS E PREMIOS
A Asociación Galega de Profesionais da Tradución e da Interpretación fixo pública a resolución do V Premio Xela Arias, convocado para recoñecer o labor de empresas, entidades ou persoas que contribúan á promoción do uso do galego no mercado da tradución e da interpretación. Nesta quinta edición a entidade galardoada é A Mesa pola Normalización Lingüística, polo seu traballo a prol do galego no ámbito da tradución audiovisual, no marco da modificación da Lei do Audiovisual.
O acto de entrega do premio terá lugar na Coruña o 16 de decembro de 2022.
Se o precisas, podes ampliar información na páxina web da AGPTI.
O acto de entrega do premio terá lugar na Coruña o 16 de decembro de 2022.
Se o precisas, podes ampliar información na páxina web da AGPTI.
03/11/2022. DINAMIZACIóN
A poeta Alba Cid, a cantante Andrea Pousa, a creadora de videoxogos Laksmy Irigoyen, a xornalista Esther Estévez, a instagramer Paula Jorge Horta, a fotógrafa Antía Castro e a cociñeira Lucía Freitas son as sete mulleres referentes que protagonizan Superheroínas, a segunda entrega do proxecto Novas voces para a lingua da Real Academia Galega e a Universidade de Santiago de Compostela.
O propósito, nesta ocasión, é amosar unha realidade esperanzadora: as mulleres novas si falan galego no seu día a día. A primeira que nolo conta é Lucía Freitas, na peza audiovisual presentada esta semana pola Academia. A seguir, irán publicándose novas entregas, tanto na web desta institución coma na da USC e nas redes sociais de ambas.
O propósito, nesta ocasión, é amosar unha realidade esperanzadora: as mulleres novas si falan galego no seu día a día. A primeira que nolo conta é Lucía Freitas, na peza audiovisual presentada esta semana pola Academia. A seguir, irán publicándose novas entregas, tanto na web desta institución coma na da USC e nas redes sociais de ambas.
02/11/2022. CURSOS E CONGRESOS
Mañá, 3 de novembro de 2022, comeza na sede da Real Academia Galega (A Coruña) o Simposio Florencio Delgado Gurriarán, que terá continuidade cunha segunda xornada o vindeiro 10 de novembro. O eixo temático das diferentes intervencións será a vida e a obra do autor protagonista do Día das Letras Galegas 2022.
As sesións poderán seguirse de xeito presencial na sede da RAG (a entrada é libre ata completar a capacidade da sala) ou a través da súa canle de Youtube. Para consultar o programa completo do simposio, preme aquí.
As sesións poderán seguirse de xeito presencial na sede da RAG (a entrada é libre ata completar a capacidade da sala) ou a través da súa canle de Youtube. Para consultar o programa completo do simposio, preme aquí.
02/11/2022. AXUDAS E PREMIOS
O Padroado dos Premios San Martiño de Normalización Lingüística fixo públicos os/as galardoados/as da súa trixésimo primeira edición. Na categoría “A Estrada e Comarca de Terra de Montes”, o premio foi para as empresas Ausama e Ausavil, dirixidas polos irmáns Antonio e Miguel Villar Costoyas. Sabela Maneiro, Aida Tarrío e Olaia Maneiro, integrantes do grupo Tanxugueiras, son as galardoadas na categoría "Galicia Enteira", e a catedrática de Filoloxía Románica Mercedes Brea López é a gañadora na categoría "Toda unha vida". O acto de entrega destes premios, aberto ao público, terá lugar na segunda semana de novembro no Teatro Principal da Estrada.
Podes ampliar información premendo aquí.
Podes ampliar información premendo aquí.
31/10/2022. AXUDAS E PREMIOS
O IES Rosalía de Castro de Santiago de Compostela e Arraianos Producións, en colaboración con Ponte... nas ondas!, organizan a quinta edición dos Premios de podcast en galego e portugués Xosé Mosquera Pérez "O vello dos contos", dirixidos a alumnado de primaria (quinto e sexto curso) e educación secundaria de centros galegos, así como de centros que impartan ensinanzas de galego de réxime xeral fóra de Galicia. Tamén poderá participar o alumnado de 10 a 18 anos dos centros educativos públicos do norte de Portugal. Os participantes deberán elaborar un podcast inédito e orixinal, cunha duración non superior aos 3 minutos, relacionado coa vida e obra de Francisco Fernández del Riego, e outros aspectos do patrimonio cultural de Galicia e norte de Portugal. O prazo de inscrición remata o 21 de decembro de 2022. Os traballos poden entregarse ata o 1 de maio de 2023.
31/10/2022. CURSOS E CONGRESOS
Escolas Católicas Galicia organiza a décimo oitava edición da súa Xornada de Normalización Lingüística, co obxectivo de intercambiar experiencias e recursos didácticos en galego entre o profesorado e os membros dos equipos de dinamización da lingua galega dos centros educativos de Galicia. As sesións terán lugar o 18 de novembro de 2022, en horario de 9:30 h a 14:30 h, na sede do Consello da Cultura Galega. O prazo de inscrición remata o 16 de novembro.
Igual ca en edicións anteriores, no marco destas xornadas entregaranse os Premios Irmán Reboiras ás mellores iniciativas de fomento do galego, organizados tamén por Escolas Católicas Galicia, en colaboración coa Secretaría Xeral de Política Lingüística e co patrocinio da editorial Rodeira-Edebé. A convocatoria está dirixida a todos os centros da rede de Escolas Católicas Galicia, que teñen de prazo para presentar as súas candidaturas ata o vindeiro 10 de novembro.
Igual ca en edicións anteriores, no marco destas xornadas entregaranse os Premios Irmán Reboiras ás mellores iniciativas de fomento do galego, organizados tamén por Escolas Católicas Galicia, en colaboración coa Secretaría Xeral de Política Lingüística e co patrocinio da editorial Rodeira-Edebé. A convocatoria está dirixida a todos os centros da rede de Escolas Católicas Galicia, que teñen de prazo para presentar as súas candidaturas ata o vindeiro 10 de novembro.
27/10/2022. AXUDAS E PREMIOS
O Servizo de Normalización Lingüística do Concello de Ames promove a quinta edición do Premio Lingua e Empresa, que ten como obxectivo fomentar o uso do galego na actividade económica local, de maneira que se contribúa ao aumento e á mellora do uso social da lingua galega dende ese sector.
O certame inclúe dúas categorías: unha para aquelas entidades que veñen realizando un uso continuado da lingua galega desde hai máis de dous anos, e outra para as que incorporaron o galego nos últimos dous anos. Na valoración das candidaturas terase en conta a utilización do galego na comunicación interna e externa, tanto oralmente como por escrito, medindo o impacto que a actividade da empresa poida ter en sectores especialmente relevantes para o proceso de normalización lingüística.
O prazo para participar remata o 8 de novembro de 2022 ás 14:00 h. Podes ampliar a información premendo aquí.
O certame inclúe dúas categorías: unha para aquelas entidades que veñen realizando un uso continuado da lingua galega desde hai máis de dous anos, e outra para as que incorporaron o galego nos últimos dous anos. Na valoración das candidaturas terase en conta a utilización do galego na comunicación interna e externa, tanto oralmente como por escrito, medindo o impacto que a actividade da empresa poida ter en sectores especialmente relevantes para o proceso de normalización lingüística.
O prazo para participar remata o 8 de novembro de 2022 ás 14:00 h. Podes ampliar a información premendo aquí.
26/10/2022. AXUDAS E PREMIOS
A Vicerreitoría de Transformación Dixital e Innovación da Universidade de Santiago de Compostela, a través do Servizo de Normalización Lingüística, publica unha Convocatoria de axudas para a realización de teses de doutoramento en galego.
Poden acceder a estas axudas os/as estudantes de programas de doutoramento da USC que realicen en lingua galega a redacción e defensa da tese de doutoramento no curso académico 2022/2023. O prazo de solicitude remata o 30 de setembro de 2023.
Poden acceder a estas axudas os/as estudantes de programas de doutoramento da USC que realicen en lingua galega a redacción e defensa da tese de doutoramento no curso académico 2022/2023. O prazo de solicitude remata o 30 de setembro de 2023.
26/10/2022. CURSOS E CONGRESOS
O Instituto da Lingua Galega, o Departamento de Didácticas Aplicadas e o Departamento de Filoloxía Galega da USC convocan as V Xornadas de Lingua e Literatura Galegas no Ensino.
Nesta edición, que vai ter lugar o 18 e 19 de novembro de 2022 na Facultade de Filoloxía, reflexionarase sobre a competencia discursiva plurilingüe, presentaranse propostas didácticas e debaterase sobre retos e estratexias de adaptación aos novos escenarios educativos. Ademais, darase a coñecer o Corpus de textos galegos escritos por estudantes no ámbito académico, CORTEGAL, que inclúe mil textos anotados extraídos da pregunta de comentario das probas de lingua e literatura galegas dos exames ABAU.
O prazo de inscrición para profesorado de centros públicos e concertados remata o 30 de outubro. O público xeral ten ata o 12 de novembro para realizala. Máis información aquí.
Nesta edición, que vai ter lugar o 18 e 19 de novembro de 2022 na Facultade de Filoloxía, reflexionarase sobre a competencia discursiva plurilingüe, presentaranse propostas didácticas e debaterase sobre retos e estratexias de adaptación aos novos escenarios educativos. Ademais, darase a coñecer o Corpus de textos galegos escritos por estudantes no ámbito académico, CORTEGAL, que inclúe mil textos anotados extraídos da pregunta de comentario das probas de lingua e literatura galegas dos exames ABAU.
O prazo de inscrición para profesorado de centros públicos e concertados remata o 30 de outubro. O público xeral ten ata o 12 de novembro para realizala. Máis información aquí.
25/10/2022. OUTRAS
A Secretaría Xeral de Política Lingüística publicou o pasado de mes de setembro de 2022 a convocatoria de probas para a obtención dos certificados de lingua galega (niveis Celga 2, 3 e 4), e no DOG do 25 de outubro publica as datas concretas de realización destas probas, que se realizarán en Santiago de Compostela e Ponferrada.
Son as seguintes:
-Celga 2: 27 de novembro de 2022.
-Celga 3: 26 de novembro de 2022.
-Celga 4: 19 de novembro de 2022, para as persoas admitidas cuxo primeiro apelido empece polas letras letras T, U, V, W, X, Y, Z, A, B, C, D, E, F ou G; e 20 de novembro de 2022 para as persoas admitidas cuxo primeiro apelido empece polas letras H, I, J, K, L, M, N, Ñ, O, P, Q, R ou S.
Son as seguintes:
-Celga 2: 27 de novembro de 2022.
-Celga 3: 26 de novembro de 2022.
-Celga 4: 19 de novembro de 2022, para as persoas admitidas cuxo primeiro apelido empece polas letras letras T, U, V, W, X, Y, Z, A, B, C, D, E, F ou G; e 20 de novembro de 2022 para as persoas admitidas cuxo primeiro apelido empece polas letras H, I, J, K, L, M, N, Ñ, O, P, Q, R ou S.
24/10/2022. DINAMIZACIóN
Co gallo da vindeira celebración do Día de Defuntos, a Asociación de Funcionarios para a Normalización Lingüística (AFNLG) promove, un ano máis, o Día da Restauración da Memoria Lingüística de Galicia, co obxectivo de fomentar o uso do galego no ámbito dos ritos funerarios e das últimas vontades, e facer pedagoxía sobre a incoherencia de enterrar os falecidos con lápidas escritas nun idioma diferente ao que falaban en vida. Con esta finalidade, a AFNLG, a través da Federación Galega de Municipios e Provincias, convida a todas as entidades locais a adherirse á iniciativa coa celebración dun acto no que se coloque nun sitio ben visible dos camposantos unha placa ou monumento co seguinte texto: “Na memoria de todas as persoas que xacen aquí, porque grazas a elas Galicia segue a ter cultura e lingua de seu”.
No marco deste iniciativa, que se celebra anualmente, a AFNLG publicou tamén varios volumes de mandas testamentarias (En galego, agora e sempre 2008; En galego, agora e sempre 2010) nos que diferentes persoas, coñecidas e anónimas, deixan por escrito os seus afectos polo idioma galego e o seu desexo de que se respecten os seus dereitos lingüísticos despois da súa morte.
No marco deste iniciativa, que se celebra anualmente, a AFNLG publicou tamén varios volumes de mandas testamentarias (En galego, agora e sempre 2008; En galego, agora e sempre 2010) nos que diferentes persoas, coñecidas e anónimas, deixan por escrito os seus afectos polo idioma galego e o seu desexo de que se respecten os seus dereitos lingüísticos despois da súa morte.
24/10/2022. AXUDAS E PREMIOS
A Asociación Galega de Profesionais da Tradución e da Interpretación (AGPTI) convoca a quinta edición do Premio Xela Arias, creado para recoñecer o labor de empresas, entidades ou persoas que contribúan á promoción do uso do galego no mercado da tradución e da interpretación. O prazo para a presentación de candidaturas remata o 25 de outubro. Para facelo cómpre enviar un correo electrónico a info@agpti.org co nome da empresa, entidade ou persoa candidata e os motivos polos que se considera que merece o premio.
Podes consultar as bases completas premendo aquí.
Podes consultar as bases completas premendo aquí.
21/10/2022. DINAMIZACIóN
Coincidindo coa conmemoración do ano 2022 como “Ano internacional das ciencias básicas para o desenvolvemento sostible”, a Institución Galega da Ciencia (Igaciencia) promove a celebración do XIII Día da Ciencia en Galego, no que se renderá homenaxe ao matemático francés Évariste Galois e á oceanógrafa galega Ángeles Alvariño. Igual ca en edicións anteriores, ao longo de todo o mes de novembro Igaciencia organizará, coa colaboración da Xunta de Galicia, unha serie de videoconferencias didácticas dirixidas a centros de ensino galegos, especialmente aos de secundaria. O prazo de inscrición para asistir en liña remata unha semana antes da emisión de cada conferencia.

