A Comisión de Normalización Lingüística da Facultade de Matemáticas da USC e a Fundación Barrié organizan o concurso Explícoche matemáticas 2.0, co obxectivo de promover o uso do galego como medio de transmisión do coñecemento matemático. O certame está dirixido ao alumnado do Sistema Universitario de Galicia e a estudantes de 3º e 4º de ESO e 1º e 2º de Bacharelato dos centros de educación secundaria de Galicia. Cada participante (ou grupo) debe presentar un vídeo de 2 minutos de duración sobre un tema relacionado coas Matemáticas. Outorgaranse dous premios (un por categoría), que consistirán en material informático, audiovisual ou didáctico. O prazo para enviar os proxectos remata o 8 de abril de 2015.
11/02/2015. DINAMIZACIóN
10/02/2015. AXUDAS E PREMIOS
A Consellería de Cultura, Educación e Ordenación Universitaria publica a convocatoria de axudas para o libro galego, tanto no que se refire á tradución para outras linguas de obras publicadas orixinariamente en galego como á tradución para o galego de obras publicadas orixinariamente noutras linguas. O prazo de presentación de solicitudes é dun mes, contado a partir do día seguinte ao da publicación desta convocatoria.
10/02/2015. DINAMIZACIóN
O Servizo de Normalización Lingüística e a Radio Municipal de Redondela súmanse á iniciativa “Eu son Rosalía“, que promove a Asociación de Escritores en Lingua Galega (AELG). A celebración do Día de Rosalía en Redondela consistirá na gravación en Radio Redondela, entre os días 10 e 20 de febreiro, de lecturas da obra rosaliana e de opinións que, seguindo indicacións da AELG, deben comezar coa frase “Eu son Rosalía porque/cando/para…”. As gravacións emitiranse na semana do 23 ao 27 de febreiro. Para ampliar esta información, preme aquí.
10/02/2015. DINAMIZACIóN
Co gallo da celebración do Día Internacional da Lingua Materna, a Biblioteca Pública de Santiago Ánxel Casal organiza o obradoiro "A miña palabra favorita en galego", deseñado para nenas e nenos de 5 a 12 anos. Ata o vindeiro 20 de febreiro de 2015 todos os nenos e nenas poden depositar na caixa de correos da sala infantil da biblioteca a súa palabra favorita en galego. Posteriormente, o 20 de febreiro terá lugar o obradoiro que consistirá na elaboración de bandeirolas coas palabras escollidas. Podes obter máis información premendo aquí.
09/02/2015. DINAMIZACIóN
A Secretaría Xeral de Política Lingüística e a Dirección Xeral de Xuventude e Voluntariado organizan unha nova edición de Lingua de Namorar, un concurso en liña de mensaxes de amor en lingua galega dirixido a mozos e mozas de 14 a 35 anos. A iniciativa está deseñada para dinamizar o uso do galego nas súas relacións persoais e nas novas tecnoloxías, nomeadamente en internet e na mensaxería instantánea. Outorgaranse tres premios tecnolóxicos por cada unha das categorías de idade establecidas. O prazo para enviar as mensaxes remata o 22 de febreiro de 2015.
06/02/2015. DINAMIZACIóN
O Concello de Teo, coa colaboración da Secretaría Xeral de Política Lingüística e Gadis, convoca o II Certame de canción de autor en galego “Concello de Teo”, co obxectivo de promover a creación artística no noso idioma. Poderán participar os/as cantautores/as maiores de 15 anos que non posúan ningún disco editado. As composicións, de calquera estilo musical, deberán ser orixinais e de creación propia, e as letras terán que estar escritas en galego. O prazo de inscrición remata o 29 de marzo de 2015. Para obter máis información, preme aquí.
05/02/2015. CURSOS E CONGRESOS
A Escola Galega de Administración Pública publica, no DOG núm. 22, do 3 de febreiro de 2015, a convocatoria de actividades de formación continua dirixidas aos empregados públicos da Administración autonómica, agás o persoal docente e sanitario. Na oferta inclúense os seguintes cursos de temática lingüística: “A calidade da redacción administrativa. Técnicas para mellorala”, “Actualización gramatical e ortográfica da lingua galega”, “Desenvolvemento e fomento das habilidades comunicativas na Administración pública” e “Redacción de documentos técnico-xurídicos en galego”. O prazo de solicitudes, que deben tramitarse a través do web da EGAP, remata o vindeiro 13 de febreiro, ás 14:00 h. Para consultar o texto completo da convocatoria, preme aquí.
04/02/2015. INVESTIGACIóN
O Servizo de Normalización Lingüística da Universidade de Santiago analiza no último número d´O Cartafol os datos sobre usos lingüísticos na actividade docente no curso 2014-2015. En termos xerais, impártense en castelán o 73,95% das horas docentes, en galego o 22,20%, en inglés o 1,80%, en portugués o 0,42% e noutras linguas (francés, italiano, alemán) o 1,62%. Tamén se ofrece información detallada sobre usos lingüísticos segundo o tipo de titulación (grao, mestrado, licenciatura), ou o departamento e a categoría do persoal docente e investigador. Así mesmo, podes consultar a evolución dos usos lingüísticos nos últimos doce anos.
02/02/2015. OUTRAS
A Real Academia Galega fixo pública, o pasado 30 de xaneiro, a declaración institucional “O galego dá vida, pola vida do galego”, en reacción aos resultados da última enquisa do IGE. Trátase dun decálogo no se que interpela aos diferentes sectores sociais para que aposten decididamente polo uso do galego e ao goberno galego para que modifique a súa política lingüística, concretamente implementando o Plan Xeral de Normalización da Lingua Galega e derrogando o decreto do plurilingüismo.
02/02/2015. CURSOS E CONGRESOS
A Comisión de Normalización Lingüística da Facultade de Filoloxía da USC organiza o debate “Que fala falas? Gheada, seseo e localismos no uso público?”, que terá lugar o 11 de febreiro de 2015, ás 19:00 h, no Salón de Graos desta facultade. No acto intervirán Xosé Luís Regueira, catedrático de Filoloxía Galega da USC e membro da RAG; Paulino Novo, coordinador lingüístico da CRTVG e doutor en Filoloxía Galega; Lorena Pose, presentadora da TVG e licenciada en Xornalismo, e Federico Pérez, actor e licenciado en Filoloxía Galega. O debate estará moderado por Lois Celeiro, director do Gabinete de Comunicación da USC.
02/02/2015. DINAMIZACIóN
A Biblioteca Pública de Santiago Ánxel Casal convoca o III Concurso de cartas de amor en galego, co obxectivo de fomentar a creatividade e a creación literaria no noso idioma. O certame está dirixido a persoas maiores de 14 anos. O xurado outorgará tres premios e os/as gañadores/as recibirán cadanseu lote de libros. O prazo de presentación dos traballos remata o 14 de febreiro de 2014. Para consultar as bases completas do concurso, preme aquí.
29/01/2015. DINAMIZACIóN
A Concellaría de Normalización Lingüística do Concello de Pontevedra presentou onte o programa Ponte a Europa, que dinamizará o uso da lingua a través de conversas e narracións multimedia entre escolares do rural pontevedrés e universitarios e universitarias europeos.
Despois do éxito acadado con Ponte a Londres, nesta edición os centros de primaria do municipio poderán comunicarse con estudantes de Oxford, Birmingham, Varsovia, Zadar, Berlín, Cork e Helsinki, co obxectivo de impulsar o galego como lingua de comunicación máis alá das nosas fronteiras, así como aprender a valoralo como fonte de riqueza lingüística e de identidade. Coñece a información detallada aquí.
Despois do éxito acadado con Ponte a Londres, nesta edición os centros de primaria do municipio poderán comunicarse con estudantes de Oxford, Birmingham, Varsovia, Zadar, Berlín, Cork e Helsinki, co obxectivo de impulsar o galego como lingua de comunicación máis alá das nosas fronteiras, así como aprender a valoralo como fonte de riqueza lingüística e de identidade. Coñece a información detallada aquí.
28/01/2015. INVESTIGACIóN
O Consello da Cultura Galega e o Instituto da Lingua Galega presentan a publicación Lingua e identidade na fronteira galego-portuguesa, que compila dez contribucións orixinais sobre este tema, froito do simposio homónimo realizado en Santiago de Compostela en 2013. O acto de presentación terá lugar mañá xoves, 29 de xaneiro, ás 12:00 h, na sede do Consello da Cultura Galega.
27/01/2015. DINAMIZACIóN
O Servizo de Normalización Lingüística do Concello de Redondela organiza Dobraxe na Escola, unha actividade lúdico-educativa dirixida ao alumnado de ensino primario redondelán, co obxectivo de mellorar a súa competencia oral en galego a través do mundo da dobraxe. Nos obradoiros, que se desenvolverán en sete centros de ensino desde o 26 de xaneiro ata o 3 de febreiro de 2015, participarán os actores Suso Pando e Manuel Pombal. Para ampliar esta información, preme aquí.
27/01/2015. AXUDAS E PREMIOS
A Secretaría Xeral de Medios da Xunta de Galicia publica a convocatoria de subvencións para empresas que editen publicacións periódicas escritas integramente en galego.
O prazo de presentación de solicitudes é dun mes, contado a partir do día seguinte ao da publicación da convocatoria.
O prazo de presentación de solicitudes é dun mes, contado a partir do día seguinte ao da publicación da convocatoria.
26/01/2015. AXUDAS E PREMIOS
A Secretaría Xeral de Política Lingüística e a Dirección Xeral de Educación, Formación Profesional e Innovación Educativa convocan unha nova edición dos premios a curtas de animación en galego “Nós tamén creamos!”.
A convocatoria, dirixida a todos os centros educativos galegos de infantil e primaria, ten como obxectivo estimular o uso do galego e a creatividade dos máis pequenos/as. Outorgaranse tres premios, segundo o ciclo educativo, e os centros premiados recibirán un lote de libros de OQO, un agasallo da CRTVG e mais unha certificación de Premio de Innovación Educativa. As curtas gañadoras serán emitidas na TVG. O prazo para enviar os traballos remata o 30 de abril de 2015.
A convocatoria, dirixida a todos os centros educativos galegos de infantil e primaria, ten como obxectivo estimular o uso do galego e a creatividade dos máis pequenos/as. Outorgaranse tres premios, segundo o ciclo educativo, e os centros premiados recibirán un lote de libros de OQO, un agasallo da CRTVG e mais unha certificación de Premio de Innovación Educativa. As curtas gañadoras serán emitidas na TVG. O prazo para enviar os traballos remata o 30 de abril de 2015.
23/01/2015. OUTRAS
Xa podes consultar o noso Boletín de Sumarios 2014, produto documental que inclúe os sumarios de 39 números de publicacións periódicas, correspondentes a 21 títulos diferentes, que ingresaron na hemeroteca do CDSG durante o ano 2014. Para consultar a nosa colección completa de seriadas, preme aquí.
23/01/2015. DINAMIZACIóN
A Área de Cultura, Turismo e Normalización Lingüística da Deputación de Lugo e a Asociación Provincial de Empresarios de Perruquería, Estética e Afíns están a desenvolver a campaña “O galego é a túa imaxe”, co obxectivo de crear novos espazos de uso para a cidadanía no ámbito das perruquerías. Para concienciar ao gremio de perruqueiros e perruqueiras sobre a importancia de usar o galego, distribuiranse trípticos e outro material informativo con vocabulario específico da profesión. Podes ampliar esta información premendo aquí.
22/01/2015. DINAMIZACIóN
O alumnado de 5º e 6º de Primaria do Colexio Mª Inmaculada de Silleda, coa colaboración do Equipo de Dinamización da Lingua Galega (EDLG), está a organizar a campaña “Mil barcos por un soño, mil barcos pola paz!”, coa que o centro vai conmemorar o Día da Paz. Co obxectivo de vincular o uso do galego a valores cívicos como a Paz, o vindeiro 30 de xaneiro o patio deste colexio converterase nun mar de barcos de cores. Para conseguilo, convidan a centros de ensino, entidades e particulares a colaborar enviando o seu barco de papel (sinalando o nome e apelidos a babor e un desexo de paz a estribor). Podes obter máis información no Facebook do EDLG “Inmacugaleguízate”.
22/01/2015. DINAMIZACIóN
O Servizo de Normalización Lingüística que comparten os concellos de Melide, Toques, Palas de Rei e Santiso, adscrito á Rede de Dinamización Lingüística, presenta a campaña “Terras de Melide e A Ulloa. Antes e agora en galego”, co obxectivo de poñer en valor entre a cidadanía o patrimonio cultural e lingüístico das comarcas da Terra de Melide e A Ulloa. No marco desta iniciativa distribuiranse 500 calendarios con información sobre o patrimonio medieval artístico e lingüístico dos concellos promotores. Para ampliar esta nova, preme aquí.
21/01/2015. DINAMIZACIóN
A Asociación de Escritores en Lingua Galega (AELG) convida a centros escolares, institucións, asociacións e á cidadanía en xeral a celebrar o vindeiro 24 de febreiro o Día de Rosalía de Castro. Nesta ocasión a AELG propón conmemorar este día gravando en vídeo unha frase que comezaría por “Eu son Rosalía porque/cando/para…”, co ánimo de que a cidadanía afonde na diversidade temática da obra rosaliana e poida identificarse con algunha das sensibilidades da autora. Para ampliar esta nova, preme aquí.
21/01/2015. DINAMIZACIóN
O Servizo de Normalización Lingüística do Concello de Vigo presenta a programación de dinamización lingüística dirixida ao alumnado de educación infantil. O programa inclúe tres actividades: “Paseniño coa lingua”, unha xincana na que o alumnado que participa ten que superar unha serie de probas a través da linguaxe corporal e verbal; “Nano e Dara”, un espectáculo que estimula a percepción espacial e psicomotricidade dos bebés; e “SonSan”, unha actividade na que se traballa a alimentación e os hábitos saudables. Podes obter máis información, na páxina de Facebook do SNL do Concello de Vigo.
21/01/2015. INVESTIGACIóN
Queremos Galego Marín organiza a presentación pública da obra “Breve História do reintegracionismo” (Através editora), autoría de Tiago Peres Gonçalves. A obra presenta a evolución histórica do reintegracionismo, non tanto desde a perspectiva filolóxica senón da historia social da lingua, analizando como unha proposta puramente lingüística foi evolucionando ata converterse tamén en movemento social. O acto, no que intervirá o propio autor, terá lugar o vindeiro 23 de xaneiro de 2015, ás 20:30 h, no salón de actos do Ateneo Santa Cecilia de Marín.
15/01/2015. OUTRAS
A Área de Normalización Lingüística (ANL) da Universidade de Vigo presenta o manual Na Universidade, en galego sen dúbida, que ofrece recomendacións lingüísticas destinadas a mellorar a calidade das comunicacións escritas na Universidade de Vigo. Esta obra completa a colección de manuais didácticos editados pola ANL, repasando cuestións tipográficas e ortográficas, mais dándolle prioridade nesta ocasión a contidos como o criterio de oficialidade, as referencias bibliográficas e a linguaxe non discriminatoria.
13/01/2015. DINAMIZACIóN
A Coordinadora Galega de Equipos de Normalización e Dinamización Lingüística presenta a campaña Presume de Galego, que ten como obxectivo que os galegofalantes máis novos poñan en valor o uso que fan da lingua. A iniciativa está dirixida ao alumnado de calquera etapa educativa, de calquera centro de Galicia ou de fóra, que teña o galego como primeira lingua. Para participar, o alumnado debe gravar un audio dun tempo máximo de 1 minuto, preferiblemente en mp3, e cargalo na sección “Colaboración” da páxina web da campaña.
13/01/2015. AXUDAS E PREMIOS
A Secretaría Xeral de Política Lingüística e a Dirección Xeral de Educación, Formación Profesional e Innovación Educativa convocan premios para o desenvolvemento de proxectos de innovación en dinamización lingüística en centros educativos públicos. Entre os proxectos presentados seleccionaranse cinco, considerados como excelentes, que recibirán unha dotación económica de 2000 euros. O prazo de presentación de solicitudes remata o 13 de febreiro de 2015. Para consultar a documentación relacionada con esta convocatoria, preme aquí.
12/01/2015. AXUDAS E PREMIOS
A Consellería de Cultura, Educación e Ordenación Universitaria convoca axudas para desenvolver, durante o curso escolar 2014-2015, proxectos de fomento do uso do galego nos centros de ensino non universitario de Galicia, tanto de titularidade pública como privada. O prazo de presentación de solicitudes é dun mes, contado a partir do día seguinte ao da publicación no DOG das respectivas convocatorias (centros públicos, centros privados).
31/12/2014. OUTRAS
Informamos que o servizo "Lingua en Titulares" fica suspendido provisionalmente para estudar como lle afectan os últimos cambios establecidos na Lei de Propiedade Intelectual que se activan a partir de 2015. Desculpen as molestias.
23/12/2014. DINAMIZACIóN
O Servizo de Normalización Lingüística do Concello do Grove presenta a campaña de dinamización lingüística Aos Reis Magos, en galego!, co ánimo de animar ás rapazas e rapaces mecos/as a que escriban a carta aos Reis Magos en galego. Os cativos/as que prefiran empregar as novas tecnoloxías poden anticiparse dirixindo as súas peticións en galego ao enderezo: reismagos@concellodogrove.com. Os que opten por métodos máis tradicionais teñen ao seu dispor un modelo de carta para entregarlle ao Carteiro Real.
19/12/2014. INVESTIGACIóN
O Instituto da Lingua Galega publica no se web un gráfico interactivo que permite coñecer a evolución dos 10 nomes máis comúns utilizados para os nados en Galicia entre 2000 e 2013. Ademais da clasificación dos dez nomes máis comúns (de home e de muller) e da evolución da súa frecuencia, tamén se ofrece información sobre a súa orixe etimolóxica e significado. Os datos están tirados do Instituto Nacional de Estadística, que tamén ofrece no seu web información sobre os nomes dos nados, desagregables por ano de nacemento, nacionalidade e provincia de nacemento ou residencia.