Esta mostra que foi organizada no ano 2002, pola Sección de Antropoloxía Cultural do Consello da Cultura Galega e o Museo Etnolóxico de Ribadavia, recolle a situación e as condicións de vida nas que se atopaban os galegos que emigraban a Castela no tempo da sega. Este emigración temporal deuse desde a Idade Moderna ata os anos 60 do século XX . Recuperar esta memoria histórica foi o obxectivo que impulsou ós comisarios da exposición, Xosé Manuel González Reboredo e Xosé Carlos Sierra Rodríguez.
Durante o ano 2002 a mostra inaugurouse no Museo Etnolóxico de Ribadavia, no Museo do Pobo Galego e no ano 2003 no Museo Histórico Provincial de Lugo.
No ano 2007 inaugúrase en Celanova, no claustro barroco do Museo de San Salvador de Celanova, onde queda depositada definitivamente.