Fondo 'Queimada popular de Cervo'
Presentamos a colección de carteis da Queimada Popular de Cervo, ilustrados por Xosé Vizoso, a quen se lle dedica o Día da Ilustración 2025, convocado pola Asociación Galega de Profesionais da Ilustración (AGPI). Este conxunto de carteis é unha boa mostra do recoñecible estilo de Xosé Vizoso (Mondoñedo, 1950), quen estivo vinculado ao deseño na fábrica de Sargadelos. Os carteis celebran a compoñente lúdica e máxica coa que se construiu o ritual da queimada na Galicia contemporánea.Este conxunto de carteis é propiedade da entidade organizadora da Queimada Popular de Cervo, a Asociación Cultural Airiños do Xunco. A festa, iniciada en 1978, continúa a se celebrar ata hoxe. A colección de carteis de Xosé Vizoso comeza en 1994. Neste artigo, Francisco Piñeiro explica a propia historia e organización do evento.
2008
2009
2010
2011
2014
2015
Itinerarios
Unha nova sociedade: do poder local ao pacifismo
Tras uns primeiros anos de aprendizaxe a democracia botaba a andar. Aquel anhelado propósito despois de 1975 de crear un novo marco xurídico democrático para todos —a Constitución de 1978— confundiuse nalgúns casos co final dos seus esforzos.
A construción dun Estatuto
A cuestión territorial foi unha das pezas máis complicadas de abordar neste proceso. Os sectores conservadores e algunhas influencias europeas coincidían en que o proceso de recoñecemento das identidades particulares dos territorios que compoñían o Estado debía ser tratado con extrema cautela.
Novo futuro, novos partidos
Os partidos políticos canalizaron as vontades de cambio dentro do novo parlamentarismo democrático. O recordo mantido durante anos nas vellas agrupacións clandestinas foi substituído pola ilusión do futuro, con estruturas de xestión política e efectivos novos.
Escola de democracia
É coñecido de todos que tras a morte de Franco se iniciou o camiño da transición á democracia. Todo era posible. Dende a base. Pero, como cimentar un novo réxime que só tiña como recordo —e sobre todo en negativo— algo acontecido catro décadas antes? O mundo cambiara. A sociedade mudara.