Festiletras

Circo Galaico

Títeres Alakrán no Festiletras 2023

Aldea do Couto, 1 de setembro de 2023 Ponteceso

A colaboración que anualmente establece o Consello da Cultura Galega coa Fundación Pondal para a realización do Festiletras leva nesta edición de 2023 o espectáculo Circo galaico de Títeres Alakrán á Aldea do Couto en Ponteceso. O día 1 de setembro e chegado dende Corcubión, o marabilloso mundo do circo aterrará na Aldea do Couto da man de Títeres Alakrán cun espectáculo de variedades conducido por un presentador que será o mestre de cerimonias de clásicos e insólitos números de circo. Un circo único onde a maxia e o fantástico se mestura co autóctono, onde os artistas serán animais da fauna galega en liberdade. Con todos vostedes e entre outros: Xaquín o forzudo xabarín; Corvus, o corvo equilibrista, Pedriño, o raposo malabarista e a incrible cabra Ribelina! Sen esquecer clásicos do circo coma o pallaso Rolín.

Títeres Alakrán nace no ano 2003 a cargo do titiriteiro, actor e escultor Borja Insua, que desenvolve en Títeres Alakrán espectáculos propios que abranguen distintas técnicas (luva, barilla, sombras chinesas, fíos) e xéneros, tanto para nenos coma para adultos. Os principais espectáculos da compañía, ademáis de Circo Galaico, son: A pita xefa (próxima estrea!); Desconexión; Finisterrae: O último ultramarinos; Barrigaverde ataca de novo; Os soños na gaiola; Pequeko Kabaret de tolos!; Mr. Pancho e a última función; El retablillo de don Cristóbal; Os títeres da vía láctea; O ferreiro e o diaño, e Amor e crimes de Juan Pantera. O creador de Títeres Alakrán, Borja Insua (Corcubión, 1982) estuda o Ciclo Superior de Escultura na Escola de Artes Aplicadas e Oficios Mestre Mateo en Santiago de Compostela, e iníciase no teatro profesional con Talía Teatro. En Barcelona especialízase na técnica de fío no grupo–taller de marionetas do mestre titiriteiro Pepe Otal. Borja Insua é actor, titiriteiro e escultor. Na súa compañía Títeres Alakrán leva vinte anos adicado ao teatro profesional de títeres, creando espectáculos propios que abranguen distintas técnicas (luva, barilla, sombras chinesas, fíos) e xéneros, tanto para nenos coma para adultos. Coas súas obras, ten participado en festivais internacionais de todo o mundo.

Máis información sobre
Títeres Alakrán https://titeresalakran.wordpress.com/
Festiletras https://www.festiletras.gal/

Artes escénicas Festiletras

Circo Galaico

Títeres Alakrán no Festiletras 2023

Aldea do Couto, 1 de setembro de 2023 Ponteceso

Artes escénicas Festiletras

Circo Galaico

Títeres Alakrán no Festiletras 2023

Aldea do Couto, 1 de setembro de 2023 Ponteceso

Solicita a túa inscrición

Festiletras

Circo Galaico

Títeres Alakrán no Festiletras 2023

Artes escénicas. Aldea do Couto, 1 de setembro de 2023