A Consellería de Cultura, Lingua e Xuventude publica a convocatoria de subvencións para a edición en lingua galega de recursos didácticos curriculares, realizados en soporte impreso ou dixital, para niveis non universitarios. As axudas están dirixidas ás empresas mercantís do sector editorial e o prazo para a presentación de solicitudes é dun mes, contado a partir do día seguinte ao da publicación da convocatoria.
10/04/2025. AXUDAS E PREMIOS
09/04/2025. DINAMIZACIóN
A Real Academia Galega presentou hoxe, 9 de abril de 2025, no Museo do Pobo Galego a serie audiovisual Se canto é porque quero, accesible na páxina web e mais na canle de Youtube da institución. A serie consta de tres capítulos dedicados ás cantareiras homenaxeadas este ano 2025 no Día das Letras Galegas: Adolfina e Rosa Casás Rama (Cerceda); Eva Castiñeira (Muxía); e Prudencia e Asunción Garrido Ameijende e mais Manuela Lema Villar, as tres Pandeireteiras de Mens (Malpica de Bergantiños). No seu conxunto, a proposta audiovisual “tece un mosaico de testemuños e olladas que van retratando o mundo das cantareiras e da poesía popular oral”.
Na páxina web da RAG podes ampliar información.
Na páxina web da RAG podes ampliar información.
07/04/2025. CURSOS E CONGRESOS
O Departamento de Lingua da Deputación da Coruña organiza o Encontro de profesionais da normalización lingüística no eido local, que ten como obxectivo xerar un espazo de coñecemento mutuo e cohesión entre profesionais do eido da normalización lingüística na provincia, presentar referentes inspiradores para o traballo normalizador, valorar posibilidades de intervención nos diferentes ámbitos e avaliar posibles modificacións nas bases do programa de subvencións da Deputación dirixidas aos servizos de normalización lingüística.
O evento terá lugar o vindeiro mércores, 9 de abril de 2025, no Centro Sociocultural Maruxa e Coralia, en Santiago de Compostela.
Para consultar o programa completo e acceder ao formulario de inscrición, preme aquí.
O evento terá lugar o vindeiro mércores, 9 de abril de 2025, no Centro Sociocultural Maruxa e Coralia, en Santiago de Compostela.
Para consultar o programa completo e acceder ao formulario de inscrición, preme aquí.
07/04/2025. OUTRAS
O Pleno da Real Academia Galega reuniuse o pasado venres, 4 de abril de 2025, en sesión extraordinaria e apoiou a candidatura de Henrique Monteagudo á Presidencia da institución. Henrique Monteagudo é catedrático de Filoloxía Galega e Portuguesa da Universidade de Santiago de Compostela (USC) e investigador especializado na sociolingüística, a historia da lingua e os procesos de normalización lingüística, así como no estudo e a edición da obra de autores como Martín Sarmiento e Castelao.
Da comisión executiva tamén formarán parte os/as académicos/as Ana Boullón Agrelo (secretaria), Lourenzo Fernández Prieto (vicesecretario), María López-Sández (tesoureira) e María Dolores Sánchez Palomino (arquiveira-bibliotecaria).
Na páxina web da RAG podes ampliar información.
Da comisión executiva tamén formarán parte os/as académicos/as Ana Boullón Agrelo (secretaria), Lourenzo Fernández Prieto (vicesecretario), María López-Sández (tesoureira) e María Dolores Sánchez Palomino (arquiveira-bibliotecaria).
Na páxina web da RAG podes ampliar información.
04/04/2025. DINAMIZACIóN
O Servizo de Normalización Lingüística do Concello de Carballo organiza o I Concurso escolar Poesía do revés, dirixido ao alumnado dos centros escolares de primaria, secundaria, ciclos formativos e bacharelato do concello. O obxectivo do certame é aumentar a competencia lingüística da infancia e da mocidade a través da creación literaria, e contribuír á promoción da poesía en galego no ámbito escolar. Os traballos deben estar escritos en galego, ser orixinais e de temática libre, e ter unha extensión máxima de 30 versos.
O prazo de presentación dos traballos remata o 11 de abril de 2025. O xurado outorgará 2.500 euros, repartidos en tres premios para cada unha das categorías (primaria; secundaria; ciclos formativos e bacharelato).
Na páxina web do SNL do Concello de Carballo tes toda a información.
O prazo de presentación dos traballos remata o 11 de abril de 2025. O xurado outorgará 2.500 euros, repartidos en tres premios para cada unha das categorías (primaria; secundaria; ciclos formativos e bacharelato).
Na páxina web do SNL do Concello de Carballo tes toda a información.
04/04/2025. DINAMIZACIóN
O Servizo de Normalización Lingüística do Concello de Betanzos convoca o XV Concurso de carteis das Letras Galegas, co obxectivo de fomentar a creatividade en galego entre os nenos e nenas e difundir o coñecemento da poesía popular oral e das cantareiras, figuras homenaxeadas no Día das Letras Galegas 2025.
O certame está dirixido ao alumnado que estea a cursar a educación primaria, ou con diversidade funcional, nos centros educativos de Betanzos.
O prazo para entregar os carteis remata o 24 de abril de 2025.
Para ampliar información e consultar as bases completas do concurso, preme aquí.
O certame está dirixido ao alumnado que estea a cursar a educación primaria, ou con diversidade funcional, nos centros educativos de Betanzos.
O prazo para entregar os carteis remata o 24 de abril de 2025.
Para ampliar información e consultar as bases completas do concurso, preme aquí.
04/04/2025. DINAMIZACIóN
O Servizo de Normalización Lingüística do Concello de Moaña presentou a nova programación de actividades que se desenvolverá ata o vindeiro 30 de abril de 2025 ao abeiro de Rechouchíos, o programa municipal de dinamización lectora e lingüística dirixido a público infantil e familiar. Os máis pequenos/as e as súas familias poderán gozar de teatro, narración oral e música en directo nos diferentes locais socioculturais do concello e no auditorio do IES As Barxas.
Pola súa parte, o Departamento de Lingua do Concello de Santiago decidiu dedicar a programación de abril do programa Apego á literatura galega, tendo en conta que neste mes se conmemora o Día da literatura infantil e xuvenil [LIX] e o Día do libro (o 2 e o 23 de abril, respectivamente).
Pola súa parte, o Departamento de Lingua do Concello de Santiago decidiu dedicar a programación de abril do programa Apego á literatura galega, tendo en conta que neste mes se conmemora o Día da literatura infantil e xuvenil [LIX] e o Día do libro (o 2 e o 23 de abril, respectivamente).
04/04/2025. AXUDAS E PREMIOS
A Facultade de Ciencias Xurídicas e do Traballo da Universidade de Vigo convoca a cuarta edición do Premio de Investigación xurídica en lingua galega Xosé Luis Franco. O certame comprende dúas modalidades: unha para o alumnado de calquera grao ou mestrado matriculado no sistema universitario de Galicia e do Estado; e outra para o alumnado da Facultade de Ciencias Xurídicas e do Traballo, nos graos en Dereito, PCEO ADE-Dereito e Relacións Laborais e Recursos Humanos, e nos mestrados en Avogacía, Menores en situación de desprotección e conflito, e Dirección e Xestión Laboral. As persoas participantes deben acreditar a súa matrícula nos cursos 2022-23, 2023-24 ou 2024-25.
Outorgarase un premio de 500 euros en cada unha das modalidades e un diploma acreditativo. O prazo de presentación dos traballos remata o 25 de abril de 2025.
Para consultar as bases completas da convocatoria preme aquí.
Outorgarase un premio de 500 euros en cada unha das modalidades e un diploma acreditativo. O prazo de presentación dos traballos remata o 25 de abril de 2025.
Para consultar as bases completas da convocatoria preme aquí.
03/04/2025. DINAMIZACIóN
O Equipo de Dinamización da Lingua Galega do IES Rafael Dieste presenta unha nova iniciativa normalizadora baixo o lema “O Dépor é da Coruña”, que se desenvolverá ao abeiro da exitosa campaña “Aquí tamén se fala”.
Os promotores contan neste momento co apoio das principais institucións e entidades culturais, tanto de ámbito galego como municipal, que asinaron un manifesto adheríndose á inicitaiva e solicitándolle ao Dépor que aproveite a conmemoración do seu cento e vinte aniversario para amosar o seu compromiso co idioma galego, recuperando o topónimo oficial da cidade no nome do club: Real Club Deportivo da Coruña.
Na nova páxina web de "Aquí tamén se fala" tes toda a información.
Os promotores contan neste momento co apoio das principais institucións e entidades culturais, tanto de ámbito galego como municipal, que asinaron un manifesto adheríndose á inicitaiva e solicitándolle ao Dépor que aproveite a conmemoración do seu cento e vinte aniversario para amosar o seu compromiso co idioma galego, recuperando o topónimo oficial da cidade no nome do club: Real Club Deportivo da Coruña.
Na nova páxina web de "Aquí tamén se fala" tes toda a información.
02/04/2025. OUTRAS
Xa está accesible en liña o formulario de inscrición para asistir presencialmente ao terceiro debate do foro Un país coa súa lingua, que nesta ocasión se centrará na formulación de propostas para garantir a presenza do galego na sanidade, nos servizos sociais e na investigación científica. O debate, coordinado por Iolanda Casal e Dolores Vilavedra, terá lugar o vindeiro 23 de abril de 2025, a partir das 16:30 h, na sede do Consello da Cultura Galega (Pazo de Raxoi, Santiago de Compostela).
A maiores da participación presencial, o CCG habilitou un formulario en liña que estará aberto durante todo o proceso para a recepción de propostas relacionadas con calquera das áreas de análise.
O foro Un país coa súa lingua é unha iniciativa do Consello da Cultura Galega que ten como obxectivo fomentar un diálogo aberto e plural sobre o futuro do galego. O proxecto, de carácter propositivo, estrutúrase arredor de sete mesas de traballo nas que se debaterá sobre o futuro da lingua e se proporán accións normalizadoras en ámbitos como a educación, a administración, a economía, os medios, a cultura e a sociedade.
Na páxina web do CCG podes ampliar información sobre esta terceira mesa de debate e acceder ao formulario de inscrición.
A maiores da participación presencial, o CCG habilitou un formulario en liña que estará aberto durante todo o proceso para a recepción de propostas relacionadas con calquera das áreas de análise.
O foro Un país coa súa lingua é unha iniciativa do Consello da Cultura Galega que ten como obxectivo fomentar un diálogo aberto e plural sobre o futuro do galego. O proxecto, de carácter propositivo, estrutúrase arredor de sete mesas de traballo nas que se debaterá sobre o futuro da lingua e se proporán accións normalizadoras en ámbitos como a educación, a administración, a economía, os medios, a cultura e a sociedade.
Na páxina web do CCG podes ampliar información sobre esta terceira mesa de debate e acceder ao formulario de inscrición.
02/04/2025. INVESTIGACIóN
O Servizo de Normalización Lingüística da Universidade de Santiago presenta o informe sobre o uso do galego, do castelán e doutras linguas na actividade docente no curso 2024-25, elaborado a partir da información que declara o profesorado na súa programación docente.
En termos xerais, na actualidade impártese en castelán o 70,5% das horas docentes, en galego o 25,4%, en inglés o 2,1% e noutros idiomas estranxeiros o 2%. Se comparamos esta cifra de uso do galego coas de cursos anteriores, comprobaremos que “é a máis alta dos últimos 10 anos, nun marco xeral que amosa un leve incremento do galego (do 20 ao 25 %)”. Con todo, a realidade tórnase moi diversa se analizamos os datos atendendo a variables como o tipo de estudos, as áreas de coñecemento ou o campus no que se imparte a docencia.
Podes consultar o estudo completo premendo aquí.
En termos xerais, na actualidade impártese en castelán o 70,5% das horas docentes, en galego o 25,4%, en inglés o 2,1% e noutros idiomas estranxeiros o 2%. Se comparamos esta cifra de uso do galego coas de cursos anteriores, comprobaremos que “é a máis alta dos últimos 10 anos, nun marco xeral que amosa un leve incremento do galego (do 20 ao 25 %)”. Con todo, a realidade tórnase moi diversa se analizamos os datos atendendo a variables como o tipo de estudos, as áreas de coñecemento ou o campus no que se imparte a docencia.
Podes consultar o estudo completo premendo aquí.
02/04/2025. DINAMIZACIóN
O Servizo de Normalización Lingüística do Concello de Pontevedra deseñou un novo programa de actividades para que os máis pequenos/as e as súas familias poidan gozar da primavera durante o vindeiro trimestre participando en diferentes actividades lúdicas e didácticas en lingua galega.
Para as familias con bebés de 0 a 3 anos o programa inclúe actividades relacionadas co noso patrimonio lúdico e musical, a narración oral ou os xogos iniciáticos. Para nenos/as con idades a partir de 4 anos programáronse dous obradoiros didácticos, un no que aprenderán a fotografar con luz solar e auga algunhas plantas da contorna, e outro para aprender cantigas, danzas sinxelas e xogos cantados e bailados. A maiores, o 10 de xuño haberá unha xornada festiva con música e xogos tradicionais na que poderán participar todas as familias con nenos/as de 0 a 6 anos.
Para coñecer a programación completa e obter información sobre os trámites de inscrición, preme aquí.
Para as familias con bebés de 0 a 3 anos o programa inclúe actividades relacionadas co noso patrimonio lúdico e musical, a narración oral ou os xogos iniciáticos. Para nenos/as con idades a partir de 4 anos programáronse dous obradoiros didácticos, un no que aprenderán a fotografar con luz solar e auga algunhas plantas da contorna, e outro para aprender cantigas, danzas sinxelas e xogos cantados e bailados. A maiores, o 10 de xuño haberá unha xornada festiva con música e xogos tradicionais na que poderán participar todas as familias con nenos/as de 0 a 6 anos.
Para coñecer a programación completa e obter información sobre os trámites de inscrición, preme aquí.
31/03/2025. CURSOS E CONGRESOS
O colectivo de profesorado non universitario de Galicia ten unha nova cita formativa o vindeiro 26 de abril de 2025 no IES As Fontiñas (Santiago de Compostela). Trátase das XXXIV Xornadas de Lingua e Literatura, que organizan un ano máis a Asociación Socio-Pedagóxica Galega e a CIG-Ensino co obxectivo de ofrecer ferramentas didácticas útiles para a docencia da lingua e a literatura galegas, e de reflexionar sobre o proceso de normalización lingüística no ámbito do ensino.
Podes consultar o programa completo premendo aquí. A inscrición é de balde e podes facela cubrindo este formulario.
Podes consultar o programa completo premendo aquí. A inscrición é de balde e podes facela cubrindo este formulario.
31/03/2025. CURSOS E CONGRESOS
O vindeiro 9 de maio de 2025 terá lugar no salón de graos da Facultade de Filoloxía da Universidade de Santiago de Compostela a II Xeira CLARIAH-GAL, un espazo que quere servir de punto de encontro para integrantes de proxectos e grupos de investigación galegos que traballen no ámbito das Humanidades Dixitais e das tecnoloxías lingüísticas aplicadas á investigación en Humanidades e Ciencias Sociais.
O prazo de inscrición remata o 30 de abril.
Na páxina web do Instituto da Lingua Galega tes toda a información sobre o evento.
O prazo de inscrición remata o 30 de abril.
Na páxina web do Instituto da Lingua Galega tes toda a información sobre o evento.
31/03/2025. DINAMIZACIóN
O Servizo de Normalización Lingüística do agrupamento dos concellos de Carnota e Mazaricos presenta o programa de actividades Tardes con Apego, deseñadas para favorecer a socialización en galego na primeira infancia e dirixidas a familias con nenos/as a partir de 1 ano. A programación, que se desenvolverá no Salón de Actos do Concello de Carnota, inclúe teatro, contos, música e maxia.
Para consultar o programa completo e obter máis información sobre os trámites de inscrición, preme aquí.
Para consultar o programa completo e obter máis información sobre os trámites de inscrición, preme aquí.
28/03/2025. DINAMIZACIóN
Coincidindo coa celebración do Día das Letras Galegas, a plataforma cidadá Queremos Galego convoca a toda a cidadanía a manifestarse o vindeiro 17 de maio en Santiago de Compostela para demandar “unha lingua vital xa!”. Así mesmo, os organizadores animan a todas as agrupacións, asociacións e colectivos da música galega a participar na foliada a prol do galego que se celebrará na Praza do Obradoiro ese mesmo día ao rematar a manifestación.
Na páxina web de Queremos Galego podes ampliar información.
Na páxina web de Queremos Galego podes ampliar información.
28/03/2025. DINAMIZACIóN
O Servizo de Normalización Lingüística do Concello de Ames convoca a vixésimo segunda edición do Certame Literario Concello de Ames, que ten como obxectivo principal promover a creatividade en lingua galega. O concurso conta con dúas modalidades (narrativa e poesía) e en cada unha delas establece tres categorías, segundo a idade das persoas participantes. Os textos, de tema libre, deben ser inéditos e estar escritos en lingua galega.
O prazo de presentación de orixinais remata o 30 de abril de 2025.
Para ampliar información preme aquí.
O prazo de presentación de orixinais remata o 30 de abril de 2025.
Para ampliar información preme aquí.
28/03/2025. CURSOS E CONGRESOS
O Concello de Silleda organiza unha nova edición do Programa Anduriña, unha iniciativa de alfabetización e inserción sociocultural da poboación inmigrante empadroada no concello. O programa inclúe aulas de aprendizaxe de lingua castelá e mais de lingua galega, tanto para poboación adulta como infantil. As sesións comezarán o vindeiro mes de abril, despois da Semana Santa. As aulas de galego para poboación adulta terán lugar na Casa da Xuventude, os xoves de 10:00 h a 12:00 h. As aulas para poboación infantil organizaranse en dúas quendas: un grupo asistirá os xoves de 19:15 h a 20:15 h e o outro, os venres de 19:30 h a 20:30 horas.
Para formalizar a inscrición debes poñerte en contacto co Departamento de Benestar do Concello de Silleda (986 59 20 37).
No xornal Ecos da Comarca tes máis información sobre esta iniciativa.
Para formalizar a inscrición debes poñerte en contacto co Departamento de Benestar do Concello de Silleda (986 59 20 37).
No xornal Ecos da Comarca tes máis información sobre esta iniciativa.
27/03/2025. DINAMIZACIóN
No marco do proxecto “Carballo na memoria”, o Servizo de Normalización Lingüística do Concello de Carballo está a organizar unha serie de rutas pola microtoponimia urbana do concello, guiadas polo profesor, escritor e experto en toponimia Fernando Cabeza Quiles. Nesta iniciativa participan máis de 150 estudantes de 4º da ESO e 1º de bacharelato matriculados en diferentes centros de ensino do municipio, que teñen a oportunidade de coñecer a historia dos nomes dos lugares da súa contorna.
Se o precisas, na páxina web do Concello de Carballo tes máis información.
Se o precisas, na páxina web do Concello de Carballo tes máis información.
27/03/2025. DINAMIZACIóN
O Instituto da Lingua Galega (USC) organiza o Validatón 2025, unha competición deseñada para contribuír á creación de recursos para o galego na plataforma Common Voice. A iniciativa está dirixida ao alumnado das titulacións de Filoloxía e desenvolverase en dúas fases: unha fase en liña (do 31 de marzo ao 10 de abril ás 12.00 h) e unha fase presencial (o 10 de abril na sede do Instituto da Lingua Galega). Así mesmo, os participantes poderán competir en tres categorías: gravación de fragmentos (en liña); validación de audios (en liña); e xeración de frases (presencial).
Haberá agasallos para todas as persoas participantes. A maiores, outorgaráselle un premio de 50 euros ao campión ou campioa de cada categoría. O campión ou campioa global (quen máis contribucións realice no total das tres categorías) recibirá un premio de 75 euros.
Na páxina web do ILG tes toda a información sobre esta actividade.
Haberá agasallos para todas as persoas participantes. A maiores, outorgaráselle un premio de 50 euros ao campión ou campioa de cada categoría. O campión ou campioa global (quen máis contribucións realice no total das tres categorías) recibirá un premio de 75 euros.
Na páxina web do ILG tes toda a información sobre esta actividade.
27/03/2025. DINAMIZACIóN
O Servizo de Normalización Lingüística do Concello de Pontevedra e mais a Coordinadora de Equipos de Normalización e Dinamización da Lingua Galega dos IES e CIFP de Pontevedra presentan unha nova edición do programa multidisciplinar de certames "Ben veñas, maio", dirixido ao alumnado matriculado nos institutos públicos do concello, co obxectivo de fomentar a creatividade artística e cultural en galego entre a mocidade.
Ao abeiro deste programa organizaranse certames nas seguintes modalidades: vídeos de Tik Tok e reels de Instagram; música; curtametraxes; fotografía; banda deseñada; narración curta; e poesía. O prazo de presentación dos traballos remata o 20 de abril de 2025.
Para obter máis información e consultar as bases completas, preme aquí.
Ao abeiro deste programa organizaranse certames nas seguintes modalidades: vídeos de Tik Tok e reels de Instagram; música; curtametraxes; fotografía; banda deseñada; narración curta; e poesía. O prazo de presentación dos traballos remata o 20 de abril de 2025.
Para obter máis información e consultar as bases completas, preme aquí.
27/03/2025. CURSOS E CONGRESOS
A Comisión de Normalización Lingüística da Facultade de Ciencias da Comunicación da Universidade de Santiago organiza o Obradoiro de pitching en galego, no que os asistentes recibirán formación práctica sobre habilidades comunicativas e oratoria orientada á realización de pitchings, como ferramenta clave para a procura de financiamento e a venda de proxectos audivisuais e xornalísticos.
O obradoiro será impartido por Silvia Fuentes, produtora en Sétima; e Rosa Moledo, tradutora e asesora lingüística. As sesións terán lugar os días 8 e 9 de abril de 2025 na Facultade de Ciencias da Comunicación da USC. A matrícula é de balde pero cómpre inscrición previa.
Podes ampliar información premendo aquí.
O obradoiro será impartido por Silvia Fuentes, produtora en Sétima; e Rosa Moledo, tradutora e asesora lingüística. As sesións terán lugar os días 8 e 9 de abril de 2025 na Facultade de Ciencias da Comunicación da USC. A matrícula é de balde pero cómpre inscrición previa.
Podes ampliar información premendo aquí.
27/03/2025. DINAMIZACIóN
A Vicerreitoría de Internacionalización da Universidade de Vigo, en colaboración co Centro de Linguas, presentan unha nova edición do programa Tándem lingüístico, dirixido a toda a súa comunidade universitaria: PDI, PTXAS e alumnado. O obxectivo é poñer en contacto a persoas que falan diferentes linguas (alemán, árabe, chinés, italiano, francés….) con membros da comunidade universitaria que queiran practicar algún destes idiomas e ao tempo compartir con elas os seus coñecementos de galego e castelán.
Todas as persoas interesadas poden rexistrarse neste formulario en liña.
Para ampliar información sobre esta iniciativa, preme aquí.
Todas as persoas interesadas poden rexistrarse neste formulario en liña.
Para ampliar información sobre esta iniciativa, preme aquí.
26/03/2025. AXUDAS E PREMIOS
A Consellería de Cultura, Lingua e Xuventude da Xunta de Galicia convoca as bases reguladoras de dúas liñas de axudas para o libro galego, unha delas dirixida á tradución para o galego de obras publicadas orixinariamente noutras linguas, e outra dirixida á tradución a outras linguas de obras publicadas orixinariamente en galego.
En ambos os dous casos, o prazo de solicitudes é dun mes, contado a partir do día seguinte á publicación das respectivas convocatorias.
En ambos os dous casos, o prazo de solicitudes é dun mes, contado a partir do día seguinte á publicación das respectivas convocatorias.
25/03/2025. DINAMIZACIóN
A Asociación Cultural e Pedagóxica Ponte… nas Ondas! celebrará mañá, 26 de marzo de 2025, o seu 30 aniversario cunha festa na que participarán 70 centros educativos galegos e portugueses de ensino primario, secundario e universitario. O evento consistirá nunha retransmisión “radiovisual” de catro horas de duración, que contará con nove puntos de emisión en directo. Ademais do alumnado, participarán artistas galegos/as e portugueses/as e tamén portadores/as do patrimonio cultural inmaterial (redeiras, alfareiros, contadores, regueifeiros…).
A retransmisión poderá seguirse en directo desde a páxina web de Ponte... nas Ondas! e o portal Escolas nas ondas.
Se precisas máis información, preme aquí.
A retransmisión poderá seguirse en directo desde a páxina web de Ponte... nas Ondas! e o portal Escolas nas ondas.
Se precisas máis información, preme aquí.
25/03/2025. CURSOS E CONGRESOS
A Secretaría Xeral da Lingua da Xunta de Galicia anuncia que o curso de autoaprendizaxe Celga 2, ao que se poderá acceder a través da Plataforma de Teleformación da Lingua Galega, xa ten os seus contidos adaptados á lectura fácil, co obxectivo de facelos accesibles a persoas adultas con dificultades lectoras e/ou discapacidades cognitivas. Neste proceso a Secretaría Xeral da Lingua contou co apoio formativo e de asesoramento de FADEMGA (Federación de asociacións en favor das persoas con discapacidade intelectual ou de desenvolvemento de Galicia).
Podes ampliar información premendo aquí.
Podes ampliar información premendo aquí.
21/03/2025. DINAMIZACIóN
A Comisión de Normalización Lingüística da Facultade de Ciencias da Universidade de Santiago de Compostela, co apoio do Servizo de Normalización Lingüística, convoca a cuarta edición do certame Petiscos de ciencia, co obxectivo de atraer o interese do estudantado de ensinanza secundaria e formación profesional cara á actividade científica e formentar a creación de recursos de divulgación científica en galego. O prazo de presentación de traballos remata o 15 de outubro de 2025.
Pola súa parte, a Comisión de Normalización Lingüística da Facultade de Matemáticas da USC convoca a XIII Edición do Concurso Explícoche Matemáticas 2.0, dirixido tamén a alumnado de ensino medio, para promover a utilización do galego como medio de transmisión das Matemáticas, así como a creatividade do alumnado, a través da realización de curtametraxes breves nas que se explique en galego un concepto matemático. Neste caso, o prazo de presentación de traballos remata o 30 de abril de 2025.
Na páxina web do SNL da USC podes obter máis información sobre estas inciativas:
-Petiscos de ciencia 2025
-XIII Concurso Explícoche Matemáticas 2.0
Pola súa parte, a Comisión de Normalización Lingüística da Facultade de Matemáticas da USC convoca a XIII Edición do Concurso Explícoche Matemáticas 2.0, dirixido tamén a alumnado de ensino medio, para promover a utilización do galego como medio de transmisión das Matemáticas, así como a creatividade do alumnado, a través da realización de curtametraxes breves nas que se explique en galego un concepto matemático. Neste caso, o prazo de presentación de traballos remata o 30 de abril de 2025.
Na páxina web do SNL da USC podes obter máis información sobre estas inciativas:
-Petiscos de ciencia 2025
-XIII Concurso Explícoche Matemáticas 2.0
21/03/2025. CURSOS E CONGRESOS
A Comisión de Normalización Lingüística da Facultade de Psicoloxía da Universidade de Santiago de Compostela organiza as III Xornadas sobre bilingüismo: o uso do galego na actividade profesional da psicoloxía, nas que se tratarán os beneficios e a necesidade de usar o galego con pacientes galegofalantes no ámbito profesional da psicoloxía. As sesións terán lugar o 24 de abril de 2025, a partir das 16:30 h, no salón de actos da Facultade de Psicoloxía da USC. O prazo de inscrición remata o 23 de abril.
Podes obter máis información sobre o programa e os trámites de inscrición premendo aquí.
Podes obter máis información sobre o programa e os trámites de inscrición premendo aquí.
21/03/2025. AXUDAS E PREMIOS
A Área de Normalización Lingüística da Universidade de Vigo convoca os Premios de poesía, relato curto e tradución 2025, dirixidos a todos os membros da comunidade da Universidade de Vigo en activo. Os orixinais deberán estar escritos en lingua galega de acordo coas Normas ortográficas e morfolóxicas do idioma galego da Real Academia Galega e do Instituto da Lingua Galega (NOMIG, 2003). O certame está dotado con 700 € para o primeiro premio e dous accésits de 250 € en cada unha das tres categorías. O prazo de admisións de orixinais remata o día 21 de abril de 2025, ás 14:00 h.
Podes consultar as bases completas premendo aquí.
Podes consultar as bases completas premendo aquí.
18/03/2025. DINAMIZACIóN
A Secretaría Xeral da Lingua da Xunta de Galicia presentou o novo programa de dinamización lingüística “Falamos+”, que se está a desenvolver en dez centros educativos das catro provincias galegas baixo a coordinación da profesora Pilar Ponte.
A duración do programa será de 15 días lectivos, entre o 10 e o 28 de marzo de 2025. O obxectivo é promover o uso activo do idioma galego entre o alumnado de educación infantil e primaria a través de propostas lúdicas que se desenvolven nos tempos de lecer da xornada lectiva.
Na páxina de Facebook da iniciativa podes coñecer as diferentes actividades que se están a realizar.
A duración do programa será de 15 días lectivos, entre o 10 e o 28 de marzo de 2025. O obxectivo é promover o uso activo do idioma galego entre o alumnado de educación infantil e primaria a través de propostas lúdicas que se desenvolven nos tempos de lecer da xornada lectiva.
Na páxina de Facebook da iniciativa podes coñecer as diferentes actividades que se están a realizar.