A Ordenanza municipal reguladora do uso da lingua galega no Concello da Coruña, aprobada no ano 2021, recolle no seu artigo 30 a creación dun Consello Local da Lingua “para cumprir, velar e avaliar a aplicación desta ordenanza”. Cumprindo co recollido na norma, o Concello da Coruña anuncia agora a creación deste Consello Local da Lingua Galega, constituído como un órgano colexiado de participación cidadá no ámbito lingüístico e con carácter consultivo. Segundo consta nas súas normas de organización e funcionamento “está concibido como un espazo para asesorar, informar, debater, estudar, propoñer e traballar en rede, e ten como obxectivo achegarlles as políticas lingüísticas municipais ás entidades da cidade, colectivos, veciñanza, institucións e demais persoas ou organismos que se vexan afectados dalgunha forma polas políticas de normalización lingüística públicas”.
25/08/2025. OUTRAS
25/08/2025. EMPREGO
A Consellería de Cultura, Lingua e Xuventude da Xunta de Galicia convoca once bolsas de formación no Centro Ramón Piñeiro para a Investigación en Humanidades. Os/as beneficiarios/as colaborarán nos seguintes proxectos: Tesouro paleográfico; Corpus de referencia do galego actual (Corga); Corpus Documentale Latinum Gallaeciae (Codolga); Bibliografía informatizada da lingua galega (Bilega); Terminoloxía científico-técnica; Informes de literatura; Recuperación de textos literarios e xornalísticos galegos; Lírica medieval galego-portuguesa; BiRMED: Bibliografía de Referencia do Arquivo Galicia Medieval; Dimensións da identidade colectiva de Galicia; e Estudo e edición de textos literarios galegos.
As actividades de formación iniciaranse coa incorporación da persoa seleccionada (previsiblemente o 1 de decembro de 2025) e rematarán, en calquera caso, o 30 de novembro de 2027. O prazo de presentación de solicitudes é dun mes, contado a partir do día seguinte ao da publicación desta convocatoria.
As actividades de formación iniciaranse coa incorporación da persoa seleccionada (previsiblemente o 1 de decembro de 2025) e rematarán, en calquera caso, o 30 de novembro de 2027. O prazo de presentación de solicitudes é dun mes, contado a partir do día seguinte ao da publicación desta convocatoria.
25/08/2025. AXUDAS E PREMIOS
A Consellería de Cultura, Lingua e Xuventude da Xunta de Galicia publica, no DOG do 4 de agosto de 2025, a resolución da convocatoria de axudas para a edición en lingua galega de recursos didácticos curriculares non universitarios.
Podes consultar a listaxe de entidades beneficiarias premendo aquí.
Podes consultar a listaxe de entidades beneficiarias premendo aquí.
25/08/2025. EMPREGO
O Concello de Val do Dubra publica no BOP do 12 de agosto de 2025 a convocatoria dunha praza de técnico/a de normalización lingüística (funcionario/a, subgrupo A2, escala de Administración especial). O sistema de selección será a oposición libre. As persoas aspirantes deben estar en posesión do título de grao en Lingua Galega, licenciatura en Filoloxía Galego-Portuguesa, Filoloxía Galega ou Filoloxía Hispánica
(subsección Galego-Portugués), ou titulación en calquera outro grao/licenciatura pertencente á área de Humanidades ou de Ciencias Xurídicas e Sociais, sempre que se dispoña do Celga 5.
O prazo de presentación das solicitudes é de 20 días naturais, contados a partir do día seguinte ao da publicación da convocatoria no BOE.
Podes consultar o texto completo da convocatoria premendo aquí.
(subsección Galego-Portugués), ou titulación en calquera outro grao/licenciatura pertencente á área de Humanidades ou de Ciencias Xurídicas e Sociais, sempre que se dispoña do Celga 5.
O prazo de presentación das solicitudes é de 20 días naturais, contados a partir do día seguinte ao da publicación da convocatoria no BOE.
Podes consultar o texto completo da convocatoria premendo aquí.
23/07/2025. CURSOS E CONGRESOS
A Academia Galega de Seguridade Pública convoca dous cursos de linguaxe administrativa galega (un de nivel medio e outro de nivel superior) na modalidade de teleformación, dirixidos ao persoal dos servizos de seguridade pública de Galicia. O prazo de presentación de solicitudes será desde o día seguinte ao da publicación da convocatoria no Diario Oficial de Galicia e ata o 25 de agosto de 2025.
Podes consultar o texto completo da convocatoria premendo aquí.
Podes consultar o texto completo da convocatoria premendo aquí.
22/07/2025. OUTRAS
No marco do actual proceso de actualización do Plan xeral de normalización da lingua galega que se está a desenvolver desde comezos deste ano 2025, a Xunta de Galicia acaba de habilitar un formulario en liña para que a cidadanía poida tamén participar neste proceso formulando as súas propostas.
A medida foi anunciada onte, 21 de xullo, no transcurso da reunión que os responsables das diferentes comisións de traballo mantiveron co coordinador xeral do proceso de renovación do PXNLG, o académico Manuel González.
Podes ampliar información premendo aquí.
A medida foi anunciada onte, 21 de xullo, no transcurso da reunión que os responsables das diferentes comisións de traballo mantiveron co coordinador xeral do proceso de renovación do PXNLG, o académico Manuel González.
Podes ampliar información premendo aquí.
22/07/2025. INVESTIGACIóN
A plataforma colaborativa Common Voice, impulsada por Mozilla, incorpora a nova funcionalidade “Fala espontánea”, que lles permitirá ás persoas colaboradoras rexistrar doazóns con acentos diversos, variantes léxicas e morfolóxicas, cambios de código e outros fenómenos propios da oralidade.
Os datos recollidos a través desta nova funcionalidade serán publicados baixo licenza CC0, de xeito que serán accesibles de xeito libre e gratuíto e poderán ser aproveitados para o desenvolvemento de tecnoloxías da fala inclusivas que incorporen a diversidade dialectal do galego.
Na páxina web do proxecto Nós atoparás máis información sobre esta iniciativa, así como as indicacións necesarias para colaborar coa plataforma Common Voice doando a túa voz.
Os datos recollidos a través desta nova funcionalidade serán publicados baixo licenza CC0, de xeito que serán accesibles de xeito libre e gratuíto e poderán ser aproveitados para o desenvolvemento de tecnoloxías da fala inclusivas que incorporen a diversidade dialectal do galego.
Na páxina web do proxecto Nós atoparás máis información sobre esta iniciativa, así como as indicacións necesarias para colaborar coa plataforma Common Voice doando a túa voz.
21/07/2025. DINAMIZACIóN
O Servizo de Normalización Lingüítica do Concello da Coruña presenta a nova programación de Falamos primaria e Falamos secundaria, dous proxectos deseñados para dinamizar o uso do galego no ámbito escolar.
No marco de Falamos primaria, o alumnado dos CEIP públicos que se inscriban terán a oportunidade de gozar das actuacións musicais dos grupos A Gramola Gominola ou A Banda do Verán. No caso de Falamos secundaria, ofertaranse aos IES públicos municipais diferentes sesións de música e charlas didácticas, a cargo de Pauliña, MJ Pérez e Manuel Núñez Singala.
As actividades desenvolveranse entre os meses de outubro e novembro de 2025.
No marco de Falamos primaria, o alumnado dos CEIP públicos que se inscriban terán a oportunidade de gozar das actuacións musicais dos grupos A Gramola Gominola ou A Banda do Verán. No caso de Falamos secundaria, ofertaranse aos IES públicos municipais diferentes sesións de música e charlas didácticas, a cargo de Pauliña, MJ Pérez e Manuel Núñez Singala.
As actividades desenvolveranse entre os meses de outubro e novembro de 2025.
16/07/2025. CURSOS E CONGRESOS
No marco da celebración do quincuaxésimo aniversario da súa fundación, a Facultade de Filoloxía da Universidade de Santiago de Compostela organiza o Congreso Internacional “Unha Filoloxía para o Século XXI”, que leva por título Pasado, Presente e Futuro. Linguas, Literaturas e Culturas e que xirará arredor de tres grandes eixes: “Narrativas, culturas e sociedades”; “Filoloxía e tecnoloxías da información e a comunicación”; e “Filoloxía e transdisciplinariedade”.
As sesións, que se desenvolverán na modalidade presencial, terán lugar na sede da Facultade de Filoloxía (Santiago de Compostela) durante os días 26, 27 e 28 de novembro de 2025. As persoas interesadas en participar no congreso presentado unha comunicación, un panel ou un póster académico teñen de prazo ata o 20 de xullo para presentar as súas propostas.
As sesións, que se desenvolverán na modalidade presencial, terán lugar na sede da Facultade de Filoloxía (Santiago de Compostela) durante os días 26, 27 e 28 de novembro de 2025. As persoas interesadas en participar no congreso presentado unha comunicación, un panel ou un póster académico teñen de prazo ata o 20 de xullo para presentar as súas propostas.
16/07/2025. INVESTIGACIóN
Coincidindo coa celebración da Conferencia das Nacións Unidas sobre os Océanos, que tivo lugar o pasado mes de xuño en Niza, o Ministerio de Cultura do Goberno de Francia, en colaboración coa Rede panlatina de terminoloxía (Realiter), publicou o Vocabulario dos océanos, un léxico multilingüe que contén 225 termos sobre esta materia, xunto coas súas correspondencias en diferentes linguas latinas, entre elas o galego.
De elaborar as correspondencias en galego ocupáronse os profesores da Universidade de Vigo Iolanda Galanes Santos e Manuel Ángel Pombal Diego.
De elaborar as correspondencias en galego ocupáronse os profesores da Universidade de Vigo Iolanda Galanes Santos e Manuel Ángel Pombal Diego.
16/07/2025. AXUDAS E PREMIOS
A Secretaría Xeral da Lingua e a Dirección Xeral de Ordenación e Innovación Educativa da Xunta de Galicia resolveron a convocatoria para a realización de proxectos de innovación educativa en dinamización lingüística durante o curso académico 2024/2025, dirixida a centros de ensino de titularidade pública.
Os cinco proxectos aos que se lle outorgou a consideración de excelentes, e polo tanto recibirán unha dotación económica de 2.000 euros, son: “Música e poesía: movendo a lingua”, do CMUS Profesional Xoán Montes e a EOI de Lugo; “VERSoamos”, do IES Coruxo, o CEIPP Ría de Vigo e o CMUS Profesional de Vigo; “Gif menú: que vai ser?”, do IES de Sanxenxo; “Somos diferentes, somos referentes”, do IES do Milladoiro; e “Escollemos galego”, do IES San Clemente (Santiago de Compostela).
Podes ampliar información premendo aquí.
Os cinco proxectos aos que se lle outorgou a consideración de excelentes, e polo tanto recibirán unha dotación económica de 2.000 euros, son: “Música e poesía: movendo a lingua”, do CMUS Profesional Xoán Montes e a EOI de Lugo; “VERSoamos”, do IES Coruxo, o CEIPP Ría de Vigo e o CMUS Profesional de Vigo; “Gif menú: que vai ser?”, do IES de Sanxenxo; “Somos diferentes, somos referentes”, do IES do Milladoiro; e “Escollemos galego”, do IES San Clemente (Santiago de Compostela).
Podes ampliar información premendo aquí.
16/07/2025. OUTRAS
O vindeiro 25 de xullo o xornal Nós Diario publicará o caderno especial 100 ideas para expandir a lingua galega, co que obsequiará as lectoras e lectores do diario. O documento recolle as propostas de 10 especialistas en diferentes ámbitos profesionais ou do coñecemento, que presentan 10 medidas concretas para a normalización do galego nas súas respectivas áreas, sumando entre todos/as un total de 100 ideas.
Os/as autores/as deste cento de propostas son Ana Pérez Rico, profesora e presidenta da AS-PG; Luís Villares, maxistrado do Tribunal Superior de Xustiza de Galicia; Flora Miranda, coordinadora da Irmandade da Sanidade Galega; Pablo García, xornalista e presidente da Asociación de Medios en Galego; Paula Chaves 'Pauliña', filóloga e música; Diniz Cabreira, membro da Cooperativa Gráfica Sacauntos; Telmo Celeiro, coordinador e adestrador do ximnasio Artabros Crossfit; Aitana Cuétara, produtora e xestora cultural; e Xosé Manuel Vilas, profesional do comercio enerxético e doutros bens.
Os/as autores/as deste cento de propostas son Ana Pérez Rico, profesora e presidenta da AS-PG; Luís Villares, maxistrado do Tribunal Superior de Xustiza de Galicia; Flora Miranda, coordinadora da Irmandade da Sanidade Galega; Pablo García, xornalista e presidente da Asociación de Medios en Galego; Paula Chaves 'Pauliña', filóloga e música; Diniz Cabreira, membro da Cooperativa Gráfica Sacauntos; Telmo Celeiro, coordinador e adestrador do ximnasio Artabros Crossfit; Aitana Cuétara, produtora e xestora cultural; e Xosé Manuel Vilas, profesional do comercio enerxético e doutros bens.
15/07/2025. OUTRAS
A Consellería de Facenda e Administración Pública da Xunta de Galicia elaborou a Guía para simplificar as mensaxes dirixidas á cidadanía, un documento dirixido ao persoal empregado público que contén unha serie de recomendacións para simplificar a linguaxe administrativa e adaptala á persoa usuaria, co obxectivo de acadar unha comunicación entre administración e cidadanía máis clara e eficiente.
Este documento foi galardoado co segundo premio no concurso de persoal funcionario público innovador, convocado pola Axencia Galega de Innovación, na modalidade de simplificación administrativa.
Este documento foi galardoado co segundo premio no concurso de persoal funcionario público innovador, convocado pola Axencia Galega de Innovación, na modalidade de simplificación administrativa.
15/07/2025. EMPREGO
O Concello de Cangas publica as bases para a selección e contratación temporal dun técnico/a de normalización lingüística (persoal funcionario interino, grupo A1, nivel 26), e para a formación dunha listaxe de agarda para cando sexa preciso a cobertura do posto na modalidade de interinidade. As persoas que desexen participar no proceso deben estar en posesión dalgunha das seguintes titulacións: grao en Lingua e Literatura Galegas; grao en Estudos de Galego e Español; grao en Galego e Portugués: Estudos Lingüísticos e Literarios; licenciaturas equivalentes a eses graos ou outras titulacións superiores pertencentes á área de Humanidades ou de Ciencias Xurídicas e Sociais, sempre que posúan tamén o Celga 5. O procedemento de selección será o de oposición.
O prazo de presentación de solicitudes é de 5 días hábiles, contados dende o día seguinte ao da publicación das bases na sede electrónica do concello.
O prazo de presentación de solicitudes é de 5 días hábiles, contados dende o día seguinte ao da publicación das bases na sede electrónica do concello.
14/07/2025. AXUDAS E PREMIOS
O Concello de Ferrol publica as bases da vixésimo segunda edición deste certame que ten como obxectivo promover a creación literaria e a investigación lingüística. O certame ten dúas modalidades: o “Premio de investigación lingüística ou ensaio” e o “Premio de creación literaria (narración curta)”. O xurado outorgará un premio de 4.000 euros en cada unha das modalidades.
O prazo para entregar os orixinais remata o 30 de setembro de 2025.
O prazo para entregar os orixinais remata o 30 de setembro de 2025.
11/07/2025. DINAMIZACIóN
O Servizo de Normalización Lingüística do Concello da Coruña desenvolverá un programa de fomento e dinamización do galego na Rede de Escolas Infantís Municipais ao longo do vindeiro mes de novembro de 2025. No marco deste programa organizaranse diferentes sesións de A nena e os tres osos, de Migallas Teatro; Levántate, Xan!”, de Caxoto; e Arrolar, da Fundación Legar. O obxectivo é transmitir entre o alumnado infantil unha imaxe positiva do galego a través de recursos lúdicos e didácticos que combinan teatro, contos, cantigas, monicreques e música.
Podes ampliar información premendo aquí.
Podes ampliar información premendo aquí.
08/07/2025. AXUDAS E PREMIOS
O xurado da oitava edición do Premio Luís Porteiro Garea acordou outorgar este galardón a Concepción Losada Vázquez, profesora da Área de Psicoloxía Clínica e Psicobioloxía da USC e presidenta do padroado do Museo do Pobo Galego. O xurado destaca o compromiso da profesora Losada coa galeguización de diferentes ámbitos e actividades da USC, considerándoa “un exemplo do uso da lingua para as promocións de profesores e estudantes mais novos”.
O premio Luís Porteiro Garea, que leva o nome do profesor de dereito civil e membro das Irmandades da Fala que en 1915 pronunciou a primeira lección en galego na USC, ten como finalidade recoñecer o traballo de persoas, entidades ou colectivos que traballan, ou traballaron, a prol do galego na universidade.
No Xornal da USC atoparás máis información sobre esta iniciativa.
O premio Luís Porteiro Garea, que leva o nome do profesor de dereito civil e membro das Irmandades da Fala que en 1915 pronunciou a primeira lección en galego na USC, ten como finalidade recoñecer o traballo de persoas, entidades ou colectivos que traballan, ou traballaron, a prol do galego na universidade.
No Xornal da USC atoparás máis información sobre esta iniciativa.
08/07/2025. CURSOS E CONGRESOS
O Servizo de Normalización Lingüística (SNL) da Universidade da Coruña convoca tres cursos de formación en lingua galega para o persoal docente e investigador da UDC, que se desenvolverán en liña a través do Campus Virtual entre o 22 de setembro e o 23 de novembro de 2025.
Os cursos, deseñados segundo o nivel de competencia previa do alumnado, son os seguintes: Curso Básico de Aproximación á Lingua Estándar, Curso de Actualización de Competencias Lingüísticas e Curso Superior de Competencias Lingüísticas. O prazo de presentación de solicitudes remata o vindeiro 22 de xullo.
Na páxina web do SNL da UDC podes obter máis información sobre os contidos e mais os trámites de inscrición.
Os cursos, deseñados segundo o nivel de competencia previa do alumnado, son os seguintes: Curso Básico de Aproximación á Lingua Estándar, Curso de Actualización de Competencias Lingüísticas e Curso Superior de Competencias Lingüísticas. O prazo de presentación de solicitudes remata o vindeiro 22 de xullo.
Na páxina web do SNL da UDC podes obter máis información sobre os contidos e mais os trámites de inscrición.
08/07/2025. AXUDAS E PREMIOS
A Deputación de Pontevedra publica as axudas económicas concedidas aos concellos para a creación ou mantemento de servizos de normalización lingüística, así como a realización de actividades de dinamización da lingua galega.
Podes consultar a lista completa de entidades beneficiarias premendo aquí.
Podes consultar a lista completa de entidades beneficiarias premendo aquí.
08/07/2025. AXUDAS E PREMIOS
A Consellería de Cultura, Lingua e Xuventude da Xunta de Galicia convoca os Premios da Cultura Galega para o ano 2025, nas seguintes modalidades: Letras, Artes Visuais, Artes Escénicas, Música, Audiovisual, Lingua, Patrimonio Cultural e Proxección Exterior. O premio da modalidade de Lingua está dirixido a persoas, colectivos ou entidades de ampla traxectoria no ámbito da promoción da lingua galega. As candidaturas só poderán ser presentadas por institucións e entidades culturais ou profesionais, públicas ou privadas, relacionadas co obxecto de cada premio, sen que os candidatos se poidan postular a si mesmos.
O prazo de presentación de candidaturas será de dous meses, contados desde o día seguinte ao da publicación da convocatoria no Diario Oficial de Galicia. [Ampliación de prazo de presentación de candidaturas ata o 22 de setembro de 2025]
O prazo de presentación de candidaturas será de dous meses, contados desde o día seguinte ao da publicación da convocatoria no Diario Oficial de Galicia. [Ampliación de prazo de presentación de candidaturas ata o 22 de setembro de 2025]
07/07/2025. DINAMIZACIóN
#NaLinguaConOrgullo é o lema da nova campaña coa que a Deputación da Coruña nos convida, a través das súas redes sociais, a reflexionar sobre algúns dos tópicos e prexuízos lingüísticos máis arraigados na sociedade.
No marco desta iniciativa, distribuiranse tamén entre o profesorado un conxunto de materiais pedagóxicos interactivos, deseñados para acompañar unha sesión didáctica nas aulas sobre o libro Galaicofobia, de Alexandre Peres Vigo.
Podes obter máis información sobre esta iniciativa premendo aquí.
No marco desta iniciativa, distribuiranse tamén entre o profesorado un conxunto de materiais pedagóxicos interactivos, deseñados para acompañar unha sesión didáctica nas aulas sobre o libro Galaicofobia, de Alexandre Peres Vigo.
Podes obter máis información sobre esta iniciativa premendo aquí.
04/07/2025. DINAMIZACIóN
O xurado do certame “Explícoche matemáticas 2.0” fixo públicos os traballos gañadores da edición de 2025. Trátase dun concurso organizado pola Comisión de Normalización Lingüística da Facultade de Matemáticas da USC en colaboración co Servizo de Normalización Lingüística, co obxectivo de promover o uso do galego como medio de transmisión do coñecemento matemático entre o alumnado de 2º Ciclo da ESO, Bacharelato e ciclos de Formación Profesional.
Nesta edición foi galardoado co primeiro premio (dotado con 350 euros) o vídeo “Xogando a aproximar Pi”, autoría de Antía Fernández Paulos, alumna do IES Castro Alobre (Vilagarcía de Arousa). O segundo premio (dotado con 250 euros) foi para o traballo “A tartaruga de Fleury”, de Adrián Arnoso Bermúdez, Manuel Díaz Sánchez e Saúl López Souto, alumnos do IES Isaac Díaz Pardo (Sada).
Na páxina do Servizo de Normalización Lingüística da USC tes máis información sobre esta iniciativa.
Nesta edición foi galardoado co primeiro premio (dotado con 350 euros) o vídeo “Xogando a aproximar Pi”, autoría de Antía Fernández Paulos, alumna do IES Castro Alobre (Vilagarcía de Arousa). O segundo premio (dotado con 250 euros) foi para o traballo “A tartaruga de Fleury”, de Adrián Arnoso Bermúdez, Manuel Díaz Sánchez e Saúl López Souto, alumnos do IES Isaac Díaz Pardo (Sada).
Na páxina do Servizo de Normalización Lingüística da USC tes máis información sobre esta iniciativa.
01/07/2025. DINAMIZACIóN
Arredor de 60 entidades galegas de diferentes ámbitos constituíron a pasada fin de semana en Santiago de Compostela o proceso social Lingua Vital, para “conseguir avances na normalización da lingua galega” e “garantir a súa presenza e oferta en todos os espazos e para todos os usos”.
No último trimestre deste ano 2025, as entidades promotoras constituirán diferentes grupos de traballo para avaliar o cumprimento e efectividade do Plan xeral de normalización da lingua galega e propor un calendario de acción normativas e executivas concretas dirixidas a acadar a plena normalización do idioma galego. No marco deste proceso, fixaranse as accións normalizadoras mínimas que cada entidade pode asumir na súa actividade diaria, así como os compromisos que cómpre demandar ás administracións e institucións públicas.
Na páxina web da plataforma Queremos Galego podes ampliar información.
No último trimestre deste ano 2025, as entidades promotoras constituirán diferentes grupos de traballo para avaliar o cumprimento e efectividade do Plan xeral de normalización da lingua galega e propor un calendario de acción normativas e executivas concretas dirixidas a acadar a plena normalización do idioma galego. No marco deste proceso, fixaranse as accións normalizadoras mínimas que cada entidade pode asumir na súa actividade diaria, así como os compromisos que cómpre demandar ás administracións e institucións públicas.
Na páxina web da plataforma Queremos Galego podes ampliar información.
30/06/2025. OUTRAS
Xa está accesible en liña o formulario de inscrición para asistir presencialmente ao sexto debate do foro Un país coa súa lingua, que nesta ocasión se centrará na formulación de propostas para garantir a presenza do galego na sociedade civil, no asociacionismo e nos espazos comunitarios. O debate, coordinado por Montse Pena Presas e Dolores Vilavedra, terá lugar o vindeiro 8 de xullo de 2025, a partir das 16:30 h, na sede do Consello da Cultura Galega (Pazo de Raxoi, Santiago de Compostela).
Na páxina web do CCG podes ampliar información sobre esta sexta mesa de debate e acceder ao formulario de inscrición.
A maiores da participación presencial, o CCG habilitou un formulario en liña que estará aberto durante todo o proceso para a recepción de propostas relacionadas con calquera das áreas de análise.
O foro Un país coa súa lingua é unha iniciativa do Consello da Cultura Galega que ten como obxectivo fomentar un diálogo aberto e plural sobre o futuro do galego. O proxecto, de carácter propositivo, estrutúrase arredor de sete mesas de traballo nas que se debaterá sobre o futuro da lingua e se proporán accións normalizadoras en ámbitos como a educación, a administración, a economía, os medios, a cultura e a sociedade.
Na páxina web do CCG podes ampliar información sobre esta sexta mesa de debate e acceder ao formulario de inscrición.
A maiores da participación presencial, o CCG habilitou un formulario en liña que estará aberto durante todo o proceso para a recepción de propostas relacionadas con calquera das áreas de análise.
O foro Un país coa súa lingua é unha iniciativa do Consello da Cultura Galega que ten como obxectivo fomentar un diálogo aberto e plural sobre o futuro do galego. O proxecto, de carácter propositivo, estrutúrase arredor de sete mesas de traballo nas que se debaterá sobre o futuro da lingua e se proporán accións normalizadoras en ámbitos como a educación, a administración, a economía, os medios, a cultura e a sociedade.
27/06/2025. DINAMIZACIóN
A Xunta de Galicia, o Colexio Notarial de Galicia e a Irmandade Xurídica Galega asinan un protocolo de colaboración no que se comprometen a “procurar que todas as notarías de Galicia dispoñan a curto prazo das ferramentas e medios informáticos precisos para elaborar documentos públicos en lingua galega e satisfacer a súa demanda en condicións que non resulten desvantaxosas nin discriminatorias con relación aos elaborados en castelán”.
O acto de sinatura tivo lugar o pasado 21 de xuño de 2025 no transcurso da XVI Asemblea Xeral da Irmandade Xurídica Galega, na que tamén se lle rendeu homenaxe ao notario D. Victorino Gutiérrez Aller coa colocación dun busto no exterior da Facultade de Dereito da USC.
Para ampliar información preme aquí.
O acto de sinatura tivo lugar o pasado 21 de xuño de 2025 no transcurso da XVI Asemblea Xeral da Irmandade Xurídica Galega, na que tamén se lle rendeu homenaxe ao notario D. Victorino Gutiérrez Aller coa colocación dun busto no exterior da Facultade de Dereito da USC.
Para ampliar información preme aquí.
27/06/2025. DINAMIZACIóN
O Equipo de Dinamización da Lingua Galega (EDLG) do IES Castro Alobre (Vilagarcía) presentou o resultado da campaña “Magnetízate co galego”, no marco da cal o alumnado elaborou unha serie de imáns nos que se pon en valor a nosa lingua propia, así como o patrimonio arquitectónico, artístico e paisaxístico de Vilagarcía. Un total de 6.000 imáns foron repartidos onte polo propio alumnado do centro entre medio cento de comercios e negocios de hostalaría vilagarciáns, para que os distribúan entre a súa clientela.
Esta iniciativa forma parte do proxecto de galeguización do comercio local “Implicados co galego”, que o EDLG do IES Castro Alobre desenvolve desde hai dez anos en colaboración co Servizo de Normalización Lingüística do Concello de Vilagarcía.
Podes ampliar información premendo aquí.
Esta iniciativa forma parte do proxecto de galeguización do comercio local “Implicados co galego”, que o EDLG do IES Castro Alobre desenvolve desde hai dez anos en colaboración co Servizo de Normalización Lingüística do Concello de Vilagarcía.
Podes ampliar información premendo aquí.
26/06/2025. CURSOS E CONGRESOS
A Consellería de Educación, Ciencia, Universidades e Formación Profesional convoca cursos de linguaxe administrativa galega en liña (niveis medio e superior) e mais cursos preparatorios para a obtención dos certificados de lingua galega dos niveis Celga 2, 3 e 4, que se impartirán nas escolas oficiais de idiomas de Galicia no curso 2025/2026. Os cursos de linguaxe administrativa están dirixidos ao persoal das administracións autonómica e local galegas, así como ao da Administración periférica do Estado en Galicia, exceptuando o persoal docente e sanitario. Aos cursos preparatorios dos Celga poderán asistir todas as persoas maiores de dezaseis anos interesadas.
O prazo para a presentación das solicitudes abranguerá desde o 30 de xuño ata o 11 de xullo de 2025, para os cursos do primeiro cuadrimestre; e desde o 10 ata o 21 de novembro de 2025, para os cursos do segundo cuadrimestre .
Para consultar o texto da convocatoria, preme aquí.
O prazo para a presentación das solicitudes abranguerá desde o 30 de xuño ata o 11 de xullo de 2025, para os cursos do primeiro cuadrimestre; e desde o 10 ata o 21 de novembro de 2025, para os cursos do segundo cuadrimestre .
Para consultar o texto da convocatoria, preme aquí.
26/06/2025. AXUDAS E PREMIOS
A Consellería de Cultura, Lingua e Xuventude da Xunta de Galicia publica a resolución definitiva das axudas aos proxectos de fomento do uso do galego nos centros de ensino de titularidade privada que imparten ensinanzas regradas de niveis non universitarios.
No DOG do 26 de xuño de 2025 podes consultar a listaxe de centros beneficiarios.
No DOG do 26 de xuño de 2025 podes consultar a listaxe de centros beneficiarios.
26/06/2025. AXUDAS E PREMIOS
A Consellería de Cultura, Lingua e Xuventude da Xunta de Galicia publica a resolución definitiva das axudas aos proxectos de fomento do uso do galego nos centros de ensino de titularidade privada que imparten ensinanzas regradas de niveis non universitarios.
No DOG do 26 de xuño de 2025 podes consultar a listaxe de centros beneficiarios.
No DOG do 26 de xuño de 2025 podes consultar a listaxe de centros beneficiarios.
24/06/2025. EMPREGO
A Consellería de Educación, Ciencia, Universidades e Formación Profesional anuncia, no DOG do 18 de xuño de 2025, a convocatoria de concurso público de méritos para cubrir unha praza de profesor de lingua e literatura galegas no colexio Vicente Cañada Blanch de Londres. Poden participar no concurso os funcionarios pertencentes ao corpo de profesores de ensino secundario na especialidade de Lingua e Literatura Galega ou ao corpo de catedráticos de ensino secundario na especialidade de Lingua e Literatura Galega. Tamén é requisito posuír un nivel mínimo de B2 en inglés.
O prazo para a presentación de solicitudes é de 15 días hábiles, contados a partir do día seguinte ao da publicación desta convocatoria [corrección de erros].
O prazo para a presentación de solicitudes é de 15 días hábiles, contados a partir do día seguinte ao da publicación desta convocatoria [corrección de erros].