Coincidindo co 30 cabodano do falecemento de Ricardo Carballo Calero, o Consello da Cultura Galega publica un especial en liña sobre este autor ao que a Real Academia Galega lle dedica este ano 2020 o Día das Letras Galegas. Neste sitio web atoparás información biográfica, unha galería fotográfica (dos arquivos documentais do CCG e da RAG , e do fondo persoal do fotógrafo Moncho Rama), unha selección de audios (do fondo do Arquivo Sonoro de Galicia), un epistolario coa correspondencia cruzada entre Ricardo Carballo Calero e Ramón Otero Pedrayo, e un roteiro virtual por Santiago, Ferrol e Lugo que che permitirá coñecer os espazos nos que o autor homenaxeado desenvolveu a súa vida persoal e profesional.
26/03/2020. OUTRAS
25/03/2020. DINAMIZACIóN
Xa podes participar na V edición do certame de regueifas en vídeo Enreguéifate, que este ano está organizado polos servizos de normalización lingüística dos concellos de Ames, Pontevedra, Rianxo, Santiago de Compostela e Teo. O obxectivo da inciativa é difundir a regueifa como forma de improvisación oral e contribuír á promoción do uso do galego. Os participantes deben presentar un vídeo en galego no que interactúen dúas persoas como mínimo, de temática libre e cunha duración máxima de 3 minutos. Establécense dúas categorías, unha para público xeral e outra para alumnado do ensino non universitario, e o xurado outorgará diferentes premios por cada categoría. O prazo de presentación dos vídeos remata o 29 de maio de 2020. Para consultar as bases completas da convocatoria, preme aquí.
24/03/2020. OUTRAS
A Televisión de Galicia estreou onte, 23 de marzo de 2020, un novo bloque de contidos educativos que emitirá de luns a venres pola canle G2, entre as 11:00 e as 13:00 horas, mentres os centros escolares permanezan pechados por mor do coronavirus. Os/as máis pequenos/as da casa poderán complementar as súas tarefas escolares coas series educativas Era unha vez... o home e Era unha vez... os exploradores, ou con Aquelando na casa, unha versión do programa de divulgación científica Aquelando. Para o alumnado de secundaria e bacharelato, emítese Xeoclip, unha serie de vídeos didácticos con contidos de xeoloxía, bioloxía e xeografía.
23/03/2020. DINAMIZACIóN
Ficar na casa non impide que os mozos e mozas poñan a andar toda a súa creatividade, polo que o Servizo de Normalización Lingüística do Concello de Pontevedra e mais a Coordinadora de Equipos de Normalización da Lingua Galega dos IES e CIFP de Pontevedra organizan unha nova edición do programa "Ben veñas, maio", dirixido ao alumnado matriculado nos institutos públicos do concello. Os participantes teñen de prazo ata o 20 de abril de 2020 para presentar os seus traballos e inscribirse nos diferentes certames: música, banda deseñada, narración curta, fotografía, poesía, curtametraxe e videoclip musical. A maiores, durante os días 5, 6 e 7 de maio celebrarase no Teatro Principal a XXIV Semana Teatral, onde se amosará o traballo realizado polos grupos de teatro dos institutos ao longo do curso. Podes consultar as bases do programa premendo aquí.
Aviso: esta actividade foi modificada.
Aviso: esta actividade foi modificada.
20/03/2020. DINAMIZACIóN
O tecido cultural galego está a contribuír coa súa creatividade e enxeño a ofrecer recursos culturais e de lecer para estes días nos que cómpre permanecer nas nosas casas. No eido audiovisual, o público adulto poderá ver de balde na rede durante esta fin de semana o filme A Esmorga (hoxe venres 20, ás 20:00 h, facilitarán a ligazón para o visionado) e o proxecto Novo Cinema Galego ofrece tamén no seu web un ciclo de filmes en aberto para facer máis levadeiro o illamento. Para os máis pequenos/as da casa tamén hai oferta de lecer, coma os Contos contados, de Kalandraka TV; os Cantos e contos dende o poleiro, da cooperativa Urdime; ou o Salón virtual do Salón do Libro Infantil e Xuvenil de Pontevedra.
20/03/2020. CURSOS E CONGRESOS
A Escola Galega de Administración Pública publica a convocatoria de actividades de formación para o persoal da Administración local galega. Entre a formación programada, ofértase un curso de redacción de documentos técnico-xurídicos en galego, na modalidade de teleformación, que se desenvolverá entre os días 14 e 30 de abril de 2020. O prazo de presentación das solicitudes é de oito días, contados a partir do seguinte ao da publicación da convocatoria.
20/03/2020. DINAMIZACIóN
Co obxectivo de paliar as posibles dificultades que poida provocarlles tanto aos docentes como ao alumnado a situación de illamento que estamos a vivir a causa do coronavirus Covid-19, un colectivo de profesoras e profesores sen ánimo de lucro está a promover o proxecto Aulas galegas, un sitio web que compila recursos didácticos en galego clasificados por materia e nivel educativo. Os promotores da iniciativa compartirán contidos educativos de elaboración propia e difundirán outros que xa están accesibles na rede. Trátase dun proxecto colaborativo ao que todas as persoas que o desexen poden adherirse e participar.
18/03/2020. CURSOS E CONGRESOS
A Real Academia Galega, coa colaboración da Secretaría Xeral de Política Lingüística, o Instituto da Lingua Galega da Universidade de Santiago e a Deputación da Coruña, organiza a trixésimo terceira edición dos Cursos de verán de lingua e cultura galegas, dirixidos a persoas de fóra de Galicia interesadas na aprendizaxe do noso idioma. Os cursos, que se desenvolverán entre os días 2 e 24 de xullo de 2020, contan con diferentes niveis (elemental, medio e superior). O prazo de inscrición remata o 17 de abril de 2020.
Aviso: esta actividade foi cancelada ata xullo de 2021.
Aviso: esta actividade foi cancelada ata xullo de 2021.
18/03/2020. EMPREGO
A Consellería de Educación, Universidade e Formación Profesional publica a convocatoria do procedemento selectivo para ingreso e acceso aos diferentes corpos de inspectores de ensino, profesores e mestres. Entre as prazas ofertadas para o corpo de profesores de ensino secundario inclúense 51 para a especialidade de “Lingua Galega e Literatura”. O proceso de selección será o de concurso-oposición. O prazo de presentación de solicitudes é de quince días hábiles, contados a partir do seguinte ao da publicación da convocatoria.
18/03/2020. OUTRAS
A Mesa pola Normalización Lingüística presentou o seu informe anual da Liña do Galego, un servizo gratuíto que atende consultas sobre dereitos lingüísticos, tramita queixas sobre a súa vulneración e recolle parabéns para as entidades que os respectan. Segundo os datos recollidos neste último informe, ao longo do ano 2019 tramitáronse 318 expedientes de queixas, atendéronse 27 consultas e recibíronse 197 parabéns. Os dous principais motivos das queixas foron a exclusión e discriminación do galego (35,53%) e a deturpación da toponimia (35,22%). No que respecta á tipoloxía de entidades implicadas, o 45,28% das queixas van dirixidas a administracións e institucións públicas, o 32,70% a empresas de servizos, o 12,26% a institucións privadas e o 9,75% a entidades bancarias.
18/03/2020. OUTRAS
En cumprimento das medidas de prevención adoptadas pola Xunta de Galicia en relación co Coronavirus COVID-19, a Comisión Executiva do Consello da Cultura Galega (CCG) acordou adiar temporalmente a realización dos XXII Encontros para a Normalización Lingüística. As novas datas nas que está previsto realizalos son o 1 e 2 de outubro de 2020.
Así mesmo, o CCG tamén suspende temporalmente a súa actividade presencial, polo que o Centro de Documentación Sociolingüística de Galicia permanecerá pechado ao público ata novo aviso. Seguiremos mantendo a actualización desta páxina web e, na medida das nosas posibilidades, atenderemos as demandas dos/as usuarios/as a través de Internet.
Así mesmo, o CCG tamén suspende temporalmente a súa actividade presencial, polo que o Centro de Documentación Sociolingüística de Galicia permanecerá pechado ao público ata novo aviso. Seguiremos mantendo a actualización desta páxina web e, na medida das nosas posibilidades, atenderemos as demandas dos/as usuarios/as a través de Internet.
12/03/2020. OUTRAS
A Secretaría Xeral de Política Lingüística da Xunta de Galicia publica unha convocatoria de probas para a obtención dos certificados de lingua galega (niveis Celga 1, 2, 3 e 4) para este ano 2020. As probas realizaranse nos meses de maio e/ou xuño de 2020 en Santiago de Compostela e Ponferrada, e as datas concretas publicaranse no Diario Oficial de Galicia. O prazo de presentación de solicitudes será de 15 días, contados a partir do día seguinte ao da publicación desta convocatoria. [Prazos de inscrición suspendidos]
11/03/2020. DINAMIZACIóN
Os servizos de normalización lingüística dos concellos de Ames, Pontevedra, Rianxo, Santiago de Compostela e Teo organizan conxuntamente a nova edición do proxecto Enreguéifate, que ten como obxectivo impulsar a improvisación oral en verso e contribuír a través dela á promoción do uso da lingua galega. No marco desta iniciativa, ao longo dos meses de marzo e abril de 2020 desenvolveranse unha serie de obradoiros de improvisación oral dirixidos ao alumnado dos centros de ensino dos concellos promotores (5º e 6º de educación primaria e 1º e 2º da ESO). Os centros educativos interesados en participar nestes obradoiros deben dirixirse ao SNL do seu respectivo concello. A finalidade destas accións formativas é que o alumnado, ademais de aprender os métodos da improvisación oral, se anime a participar no certame Enreguéifate, que inclúe unha categoría específica para o ámbito escolar.
11/03/2020. INVESTIGACIóN
A Fundación Antonio Fraguas convoca a décima segunda edición do Proxecto Didáctico Antonio Fraguas, dirixo á comunidade educativa, que ten como obxectivo o desenvolvemento dun programa de investigación no ámbito do patrimonio etnográfico, antropolóxico, xeográfico, histórico ou artístico da contorna do centro. Un capítulo ou alínea do traballo debe dedicarse a abordar algún aspecto lingüístico (toponimia, antroponimia, léxico, fraseoloxía...) relacionado co tema proposto. Establécense dúas modalidades, ensino primario e secundario, e outorgarase un premio de 7.000 euros para cada modalidade. O prazo para enviar as candidaturas remata o 15 de maio de 2020.
10/03/2020. DINAMIZACIóN
No marco da iniciativa Benvido Montaigne!, a Comisión de Normalización Lingüística da Facultade de Ciencias da Comunicación, co apoio do Servizo de Normalización Lingüística da USC, organiza un obradoiro e mais un concurso de fanzines e ensaios en galego; dúas actividades complementarias deseñadas para fomentar o uso da lingua galega e a creatividade na comunidade universitaria. O prazo para participar no “Obradoiro de fanzine e ensaio mutante en galego” estará aberto ata o 20 de marzo de 2020. Así mesmo, calquera membro da comunidade universitaria da USC pode participar no “I Concurso de fanzines e ensaios en galego”, presentando os seus fanzines ou ensaios orixinais e inéditos en galego antes do 9 de outubro de 2020. Para ampliar información, preme aquí.
10/03/2020. CURSOS E CONGRESOS
O Servizo de Normalización Lingüística do Concello de Vigo organiza o obradoiro “Recursos informáticos para traballar en galego”, dirixido a todas aquelas persoas que desexen ampliar os seus coñecementos sobre este tema. As sesións desenvolveranse os días 15, 16, 21, 22 e 23 de abril de 2020 no Auditorio Mar de Vigo. A inscrición debe tramitarse a través deste formulario web, indicando no título da actividade “recursos informáticos”. Para consultar o programa completo de cada bloque de contidos, preme aquí.
Aviso: esta actividade foi adiada.
Aviso: esta actividade foi adiada.
05/03/2020. CURSOS E CONGRESOS
Xa podes consultar en liña o programa da nova edición dos Encontros para a Normalización Lingüística, que nesta ocasión terán como fío condutor a integración lingüística das persoas migrantes como ferramenta de cohesión social. Convidámoste a que participes neste foro de debate e reflexión que terá lugar os días 16 e 17 de abril de 2020 na sede do Consello da Cultura Galega (Pazo de Raxoi, Santiago de Compostela). Coma en anos anteriores, manteremos un grupo de Facebook, que nos permitirá compartir información e iniciar o debate antes das sesións presenciais. A inscrición realizarase exclusivamente a través do formulario habilitado para este efecto e as prazas cubriranse por estrita orde de chegada das solicitudes.
Aviso: esta actividade foi adiada ata o 1 e 2 de outubro de 2020.
Aviso: esta actividade foi adiada ata o 1 e 2 de outubro de 2020.
05/03/2020. CURSOS E CONGRESOS
O Departamento de Lingua Galega do Concello de Santiago de Compostela organiza un Curso de acollemento lingüístico, dirixido a persoas adultas procedentes doutras comunidades lingüísticas que queiran realizar un primeiro achegamento ao galego e á nosa realidade cultural e social. O curso estrutúrase en 15 sesións, que se desenvolverán todos os luns a partir do 23 de marzo, en horario de 17 a 19 horas. Tamén se realizarán activades paralelas para nenos e nenas a partir de 3 anos. Podes obter máis información sobre os trámites de inscrición premendo aquí.
04/03/2020. OUTRAS
O Servizo de Normalización Lingüística da Universidade de Santiago de Compostela presentou a colección Esenciais USC, unha serie de recursos para a docencia que condensan en poucas páxinas a parte máis significativa dunha materia, co obxectivo de que se convertan en material de referencia para o alumnado. O persoal docente e investigador da USC que queira participar na elaboración de materiais para esta colección poden acollerse a esta nova convocatoria e presentar as súas propostas antes do 13 de marzo de 2020. Para ampliar información, preme aquí.
27/02/2020. CURSOS E CONGRESOS
A Coordinadora de Traballadores/as de Normalización da Lingua (CTNL) publica en liña unha
selección de documentos que foron difundidos no “Curso de avaliación de competencias lingüísticas para técnicos/as de normalización lingüística”, impartido por Manuel Núñez Singala en 2019. Se non puideches asistir a esta actividade formativa, agora tes ao teu dispor unha compilación de materiais de referencia entre os que atoparás criterios para a avaliación dos CELGA, especificacións para a elaboración de exames ou unha proposta de estrutura de exame de galego para presentar aos representantes institucionais.
selección de documentos que foron difundidos no “Curso de avaliación de competencias lingüísticas para técnicos/as de normalización lingüística”, impartido por Manuel Núñez Singala en 2019. Se non puideches asistir a esta actividade formativa, agora tes ao teu dispor unha compilación de materiais de referencia entre os que atoparás criterios para a avaliación dos CELGA, especificacións para a elaboración de exames ou unha proposta de estrutura de exame de galego para presentar aos representantes institucionais.
26/02/2020. DINAMIZACIóN
A Comisión de Normalización Lingüística da Facultade de Ciencias da USC, co apoio do Servizo de Normalización Lingüística desta universidade, organiza o concurso de vídeos “Cambio climático e Nós”, vinculando a promoción do uso do galego co compromiso adquirido pola USC coa Axenda 2030. O certame inclúe dúas categorías, unha dirixida ao alumnado da ESO, bacharelato e FP e outra na que poden participar os membros das comunidades universitarias das tres universidades galegas. Os participantes deben enviar un vídeo en galego, dun máximo de 2 minutos de duración, sobre o cambio climático. O prazo de presentación dos traballos remata o 24 de abril de 2020. Outorgaranse dous premios por cada categoría, un primeiro premio de 500 euros e un segundo de 250 euros.
26/02/2020. OUTRAS
A Consellería de Economía, Emprego e Industria convoca probas de avaliación en competencias clave, necesarias para o acceso ás accións formativas dos novos certificados de profesionalidade de nivel 2 e 3 de cualificación profesional. Entre as competencias clave requiridas para acceder a estes certificados está a “comunicación en lingua galega”. As persoas interesadas en participar nestas probas teñen de prazo para presentar a súa solicitude ata o 20 de marzo de 2020. Para consultar o texto completo da convocatoria, preme aquí. [Probas anuladas]
21/02/2020. DINAMIZACIóN
A Asociación de Escritores en Lingua Galega (AELG) celebrará o vindeiro domingo, 23 de febreiro de 2020, ás 12:00 h, no Panteón de Galegos Ilustres (Santiago de Compostela) o acto central de conmemoración do Día de Rosalía de Castro 2020. A AELG promove desde 2010 que cada 24 de febreiro se homenaxee a Rosalía de Castro, figura clave na reivindicación e prestixio do idioma galego no século XIX, convidando á cidadanía a agasallar un libro en galego e unha flor. A maiores, institucións, entidades culturais e centros de ensino do país tamén teñen previsto desenvolver durante os vindeiros días diferentes actividades e actos de homenaxe. No web da AELG podes manterte ao día de todo o relacionado con esta celebración.
21/02/2020. CURSOS E CONGRESOS
A Escola Galega de Administración Pública convoca cursos de formación continua para o persoal ao servizo da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional. Entre a formación programada, ofértanse os seguintes cursos de contido lingüístico: “A calidade da redacción administrativa. Técnicas para unha boa redacción dos documentos administrativos”, “Ferramentas e técnicas para falar mellor en público” e “Redacción de documentos técnico xurídicos en galego”. O prazo de presentación de solicitudes remata o 27 de febreiro de 2020. Para consultar o texto completo da convocatoria, preme aquí.
21/02/2020. AXUDAS E PREMIOS
A Unidade Técnica de Normalización Lingüística da Deputación da Coruña convoca a undécima edición do Premio Rosalía de Castro de Lingua, que ten como obxectivo recoñecer iniciativas de normalización lingüística, ou traxectorias de persoas, colectivos e entidades que destaquen polo seu compromiso coa promoción e dignificación do idioma galego. Establécense dúas categorías, unha para recoñecer o labor de promoción da lingua galega de persoas, colectivos ou asociacións, e outra para premiar o traballo específico nos sectores da infancia e a mocidade. A dotación económica do premio é de 3.000 euros para cada unha das categorías. O prazo de presentación das candidaturas remata o 30 de abril de 2020.
20/02/2020. AXUDAS E PREMIOS
A UNESCO conmemora mañá, 21 de febreiro, o Día Internacional da Lingua Materna, unha celebración instaurada en 1999 para celebrar a riqueza que supón a diversidade lingüística do planeta. Neste 2020, a UNESCO quere poñer o foco nos idiomas locais e transfronteirizos, que axudan a promover o diálogo pacífico entre os pobos que os falan e a preservar o seu patrimonio cultural. Na véspera desta celebración, a Xunta de Galicia, xunto cos gobernos de Euskadi, Catalunya, Illes Balears, Navarra e Valencia, conmemorarán conxuntamente este día en Madrid entregándolle a Guadi Galego o “Premio á promoción da realidade plurilingüe do Estado Español” polo seu disco Inmersión, no que a artista galega incluíu doce temas en sete linguas da Península Ibérica. Tras a entrega do premio, Guadi Galego ofrecerá un concerto en Callao City Lights/Cines Callao, ás 20:00 h.
20/02/2020. OUTRAS
O Instituto da Lingua Galega (ILG) presenta o recurso Patrimonio Léxico da Gallaecia, co obxectivo de documentar e mostrar a variación no léxico patrimonial actual dentro da área que comprende a Eurorrexión Galicia-Norte de Portugal e as zonas galegófonas de Asturias e de Castela e León. Os datos proceden de diferentes estudos de léxico dialectal galego e portugués (dicionarios, vocabularios, atlas lingüísticos, obras de carácter etnográfico, traballos académicos, etc.). A iniciativa está enmarcada dentro do proxecto GEOARPAD e nela participan, ademais do ILG (en calidade de coordinador), un equipo do Centro de Linguística da Universidade do Porto e outro do Centro de Estudos em Letras da Universidade de Trás-os-Montes e Alto Douro.
19/02/2020. CURSOS E CONGRESOS
O Servizo de Normalización Lingüística do Concello de Vigo organiza un obradoiro de voz e comunicación, dirixido a profesionais que empregan a súa voz como ferramenta de traballo. Neste obradoiro, impartido por Esperanza Mara (soprano, comunicadora e mestra), traballaranse contidos relacionados co aparello respiratorio, fonador, resoador e articulatorio; coas diferentes técnicas de comunicación e cos aspectos técnicos do dominio da voz. As sesións terán lugar os días 6, 9, 13, 16 e 23 de marzo de 2020 na Casa da Xuventude de Vigo. A inscrición debe tramitarse a través deste formulario web, indicando no título da actividade “obradoiro de voz”.
18/02/2020. DINAMIZACIóN
A Asociación Olloboi organiza unha nova edición do Festival Audiovisual Escolar Olloboi, un certame de videocreacións (ficción ou documental) no que pode participar calquera persoa pertencente á comunidade escolar (alumnado, profesorado e PAS). Poderán presentarse videocreacións realizadas nos últimos tres anos, accesibles en Internet, de temática libre e cunha duración non superior aos 20 minutos. Se o precisas, no blog “Aprendo con Olloboi” atoparás recursos didácticos sobre as diferentes fases do proceso cinematográfico.
O prazo de inscrición dos traballos remata o 17 de maio. Os días 28 e 29 de maio celebrarase o Encontro Olloboi 2020, onde terán lugar actividades lúdicas e didácticas (proxeccións de cine, obradoiros de creación audiovisual...), así como a entrega dos premios do certame. Podes consultar as bases completas premendo aquí.
O prazo de inscrición dos traballos remata o 17 de maio. Os días 28 e 29 de maio celebrarase o Encontro Olloboi 2020, onde terán lugar actividades lúdicas e didácticas (proxeccións de cine, obradoiros de creación audiovisual...), así como a entrega dos premios do certame. Podes consultar as bases completas premendo aquí.
18/02/2020. DINAMIZACIóN
A Xunta de Galicia, a Real Academia Galega, o Consello da Cultura Galega, a CRTVG, a Associaçom Galega da Língua, a Fundación Penzol e a Academia Galega da Língua Portuguesa, en colaboración con diferentes concellos, entidades culturais e empresas, presentan un programa conxunto de actividades para homenaxear a Ricardo Carvalho Calero, autor ao que se lle dedica o Día das Letras Galegas 2020. O programa inclúe exposicións, iniciativas de participación social (roteiros, viaxes culturais, obradoiros...), campañas audiovisuais, música, actividades académicas e propostas variadas para o ámbito educativo. No que respecta ao Consello da Cultura Galega, organizará o seu tradicional Concerto das Letras, editará unha edición facsimilar da peza teatral A farsa das zocas e elaborará un espazo web con información e documentación sobre o autor homenaxeado.