Imaxe de Bríxida de Suecia (Finstad 1303 - Kildare 1373), no retablo da igrexa de Salem.
Tamén coñecida como Bríxida de Vadstena, Bríxida de Irlanda, Birgitta Birgersdotter ou Santa Bríxida. Viaxou a Compostela entre 1341 e1342 e nos seus libros de revelacións inclúense as que tiveron lugar na súa peregrinación ao sepulcro do apóstolo Santiago.
Fonte: wikipedia.es [16/04/2019]
Imaxe de Margery Kempe (Inglaterra 1373 - Norfolk 1438), na Catedral de Norwich.
Peregrinou desde Inglaterra a Compostela en 1417 e deixou constancia desta viaxe espiritual na procura da salvación celestial nun Libro de Margery.
Fonte: decodedpast.com [16/04/2019]
Retrato de Dora Wordsworth (1804-1847)
En 1845, pasou polo porto da Coruña de camiño a Portugal. Así o fai constar no seu Journal of a Few Months’ Residence in Portugal and Glimpses of the South of Spain, publicado en 1847.
Fonte: culturamas.es [16/04/2019]
Cuberta de Iberian sketches: travels in Portugal and the North West of Spain
Publicado en 1884 pola poeta escocesa Jane Leck, da que non se atopou retrato. No libro dá conta da viaxe de sete semanas que realiza en 1883 polo noroeste da Península Ibérica.
Fonte: subastas.spheramundi.es [16/04/2019]
Retrato de Katharine Lee Bates (Falmouth 1859 - Wellesley 1929)
En 1899, tras a guerra de Cuba, foi enviada a España polo New York Times como informadora. Nos seus artigos describe aspectos da sociedade española da época, sen deixar de ter en conta a situación das mulleres. Considera que é necesaria e urxente unha “educación da muller española máis liberal e máis sólida”. Os artigos publicados no diario neoiorquino reuníronse en 1900 no libro Spanish Highways and Byways.
Fonte: pinterest.es [16/04/2019]
Retrato da viaxeira e antropóloga feminista Annette Meakin (Bristol 1867 - Chipping Ongar 1959)
Chega ao porto da Coruña en 1908 para realizar un percorrido histórico, xeográfico e etnográfico por todo o país. As súas vivencias foron publicadas ao ano seguinte no libro Galicia the Switzerland of Spain.
Fonte: wikipedia.org [16/04/2019]
Un verán en Galicia
Tradución ao galego do libro Spain Revisited: a Summer Holiday in Galicia, da xornalista e escritora feminista Catherine Gasquoine Hartley (Antananarivo 1867 – Gilford 1928), tamén coñecida como Mrs. Walter M. Gallichan e da que non se atopou retrato ningún. Viaxou por Galicia en 1911.
Fonte: exemplar da biblioteca do CCG.
Retrato de Georgiana Goddard King (West Virginia 1939 - Los Ángeles 1939)
Profesora de Historia da Arte na universidade feminina de Bryn Mawr College (Pennsylvania). Chega Galicia en 1915 interesada pola súa abondosa arte románica.
Fonte: As mulleres na historia de Galicia, Andavira Editora. Exemplar da biblioteca do CCG.
Retrato de Margot Sponer (Neisse 1898 - 1945)
Lingüista alemá autora da tese de doutoramento Altgalizische Urkunden (Documentos Antigos de Galicia), a primeira realizada sobre o galego. Para documentar a súa investigación realizou unha viaxe a Galicia en 1926. Naquela altura tivo contacto co grupo Nós.
Fonte: academia.gal [16/04/2019]
Retrato de Ruth Matilda Anderson (Cottonwood State Farm 1893 - Nova York 1983)
Fotógrafa especializada en paisaxe e retrato. Foi contratada pola Hispanic Society of America en 1921. Viaxou por Galicia entre 1924 e 1926, onde realizou unhas 5000 fotografías.
Fonte: Casa Cervantes [16/04/2019]
Retrato de Edith Wharton (Nova York 1862 - Pavillon Colombe 1937)
Tamén coñecida como Edith Newbold Jones. Escritora e deseñadora estadounidense. Visitou Galicia en varias ocasións, durante as que tomou anotacións, algunha delas están recollidas en Del viaje como arte. Travesías por España, Francia, Italia y el Mediterráneo, publicado por La Línea del Horizonte en 2016. Hai que destacar que é primeira muller gañadora dun Premio Pulitzer.
Fonte: biography.com [16/04/2019]
Retrato de Federica Montseny (Madrid 1905 - Tolosa 1994)
Política, sindicalista, anarquista e escritora que no ano 1936 realizou unha xira propagandística por Galicia. Publicou as vivencias desta viaxe por entregas en La Revista Blanca.
Fonte: uv.es [16/04/2019]
Retrato de Nina Consuelo Epton (1913-2010)
Locutora, produtora de radio e viaxeira, visitou Galicia en 1953 e deixou as súas impresións escritas no libro Grapes and granite, publicado en 1956.
Fonte: twitter.com [16/04/2019]
Retrato de Honor Tracy (Inglaterra 1913 - Oxford 1989)
Escritora, novelista, viaxeira e xornalista do Sunday Times. O libro no que recolle o seu paso por España titúlase Spanish leaves, data de 1964.
Fonte: irishtimes.com [16/04/2019]