encontro. Encontros monográficos co patrimonio cultural 5

Encontros monográficos co patrimonio cultural 5

Romanarmy.eu Unha xanela aberta ao estudo e á divulgación da presenza militar romana no noroeste peninsular

Xoves, 12 de maio de 2016
Información

Nos últimos anos do século pasado produciuse na rexión cántabra o descubrimento dunha serie de sitios arqueolóxicos chamados a cambiar a historia da conquista romana do norte peninsular. Grazas ao desenvolvemento das técnicas prospectivas, estes campamentos de campaña, practicamente descoñecidos ata entón na Iberia, comezaron a localizarse rapidamente nas áreas ástur, leonesa e, finalmente, galaico-portuguesa. Nesta pequena revolución arqueolóxica, o impacto das técnicas de teledetección (fotografía aérea e por satélite, LiDAR aéreo, etc.) e dos Sistemas de Información Xeográfica (SIX) foi fundamental e permitiu o desenvolvemento de metodoloxías de baixo custo. Deste xeito, abriuse a disciplina ás achegas dun maior número de persoas, democratizándoa e permitindo a superación dos estritos límites académicos e especializados.

Romanarmy.eu xorde, dunha banda, como resposta natural a esta dinámica, intentando explorar as potencialidades desta liña de investigación, reforzándoa alí onde amosa as súas debilidades, e procurando entender mellor o modo en que se articulou a presenza militar romana nestas rexións e cal foi o seu impacto sobre as paisaxes arqueolóxicas mediante a adopción de perspectivas multidimensionais. Por outra, é a forma en que cristalizan as traxectorias confluentes dun conxunto de novos investigadores preocupados pola necesaria divulgación do noso patrimonio arqueolóxico e cultural. A través dunha linguaxe narrativa e visual, axeitada aos tempos en que vivimos, procuramos non só achegar a nosa investigación ao gran público senón tamén facelo partícipe desta mesma.

Materiais
programa

ROMANARMY.EU

Ficha técnica
Romanarmy.eu Unha xanela aberta ao estudo e á divulgación da presenza militar romana no noroeste peninsular
Romanarmy.eu Unha xanela aberta ao estudo e á divulgación da presenza militar romana no noroeste peninsular
Encontro. Xoves, 12 de maio de 2016
Coordinación
Rebeca Blanco Rotea
Iago Seara
Organiza
Consello da Cultura Galega

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax 981 957 205
difusion@consellodacultura.gal
www.consellodacultura.gal

Relator/a
José Manuel Costa García
João Fonte
Manuel Gago
Andrés Menéndez Blanco