Carmen Borrazás Landeira e María Paradela Cancela paseando por Caracas, ca. 1965
Detalle
Carmen, natural de Santiago de Compostela, representou o perfil predominante da muller galega na segunda onda migratoria con destino a América. En 1960, con 21 anos de idade, emprende unha longa viaxe soa ata o porto da Guaira, onde a esperaba o seu marido Antonio. En Caracas traballou os primeiros anos como dependenta nunha "boutique" propiedade dunha empresaria xudía. A súa vida laboral foi interrompida polo nacemento dos seus dous fillos ata o seu retorno a Galicia en 1982. María, natural de A Baña, iniciou a aventura migratoria en solitario e de xeito independente, o cal non era moi frecuente entre as mulleres nos anos 50. Alí traballou como empregada doméstica dunha familia caraqueña acomodada.
