Explora nun novo web a escrita en galego entre 1797 e 1846
consellodacultura.gal
Un arquivo dixital, custodia da memoria impresa e manuscrita de Galicia nun tempo de efervescencia e mudanza. Aquí consérvanse e difúndense os textos producidos en lingua galega entre os anos 1797 e 1846, un período convulso en que a palabra, moitas veces clandestina e perseguida, serviu de vehículo para a sátira política, a crítica social e o primeiro espertar da conciencia propia. Un legado documental imprescindible para comprender as orixes da nosa contemporaneidade.
